మంథని: యూరియా కొరత లేదు

కిసాన్ సెల్ జిల్లా అధ్యక్షుడు ముస్కుల సురేందర్ రెడ్డి

రాష్ట్ర మంత్రి దుద్దిళ్ల శ్రీధర్ బాబు సహకారంతో మంథని డివిజన్ లో యూరియా కొరత లేదని కిసాన్ సేల్ జిల్లా అధ్యక్షులు ముస్కుల సురేందర్ రెడ్డి శనివారం ఒక ప్రకటనలో తెలిపారు. మంథని డివిజన్ లోని ప్రాథమిక సహకార సంఘాలలో యూరియా నిల్వలు అందుబాటులో ఉన్నాయని సురేందర్ రెడ్డి తెలిపారు.‌  యూరియా బస్తాల కోసం వచ్చే రైతులు పట్టాదారు పాసుపుస్తకం ఆధార్ జిరాక్స్ పత్రాలను తమ వెంట తీసుకురావాలని కోరారు.  మంత్రి శ్రీధర్ బాబు ప్రత్యేక చొరవతో రైతులకు యూరియా కోసం  ఎలాంటి ఇబ్బందులు కలగకుండా యూరియా నిల్వలు సరిపడ ఉన్నాయన్నారు. రైతులు ఏమాత్రం అధైర్య పడవద్దని, రైతులకు యూరియా కొరత లేకుండా వ్యవసాయ అధికారులు తగు చర్యలు తీసుకుంటున్నారని తెలిపారు. కొందరు కావాలని యూరియా నిల్వలు లేవని అసత్య ప్రచారాలు చేస్తున్నారని,  యూరియా కావలసిన రైతులు సహకార సంఘం లో సంప్రదించగలరని కోరారు. యూరియా మంథని నుంచి అక్రమంగా తరలిపోకుండా వ్యవసాయ శాఖ అధికారులు కట్టుదిట్టమైన ఏర్పాటు చేయాలని ఆయన కోరారు.

మంథని: బహిరంగ సభకు భారీగా తరలిరావాలి

మాట్లాడుతున్న ఎమ్మార్పీఎస్ వ్యవస్థాపక అధ్యక్షుడు మందకృష్ణ మాదిగ

సెప్టెంబర్ 9న హైదరాబాదులో పెద్ద ఎత్తున నిర్వహించే భారీ బహిరంగ సభకు భారీగా తరలిరావాలని ఎమ్మార్పీఎస్సీ వ్యవస్థాపక అధ్యక్షుడు మందకృష్ణ మాదిగ పిలుపునిచ్చారు. 

బుధవారం మంథని ఎస్ఎల్బి గార్డెన్ లో జరిగిన సమావేశంలో ఆయన మాట్లాడుతూ తెలంగాణలో కాంగ్రెస్ ప్రభుత్వం ఎన్నికల ముందు వికలాంగులకు, వృద్ధులకు, వితంతువులకు పెన్షన్ పెంచుతామని చెప్పి మోసం చేసి 20 నెలలు గడిచిన మాట నిలబెట్టుకోవడం లేదని మండిపడ్డారు. ఎన్నికల్లో గెలుపు కోసం వాగ్దానాలు చేసిన కాంగ్రెస్ నాయకులు ప్రభుత్వం ఏర్పడినాక వాగ్దానాలను తుంగలో తొక్కారని ఆయన విమర్శించారు. వికలాంగులకు 6000 పెన్షన్, వృద్ధులకు, వితంతువులకు 4000 పెన్షన్ చివరకు ప్రభుత్వంతో పోరాడుతూనే ఉంటామని ఆయన పేర్కొన్నారు. వికలాంగులకు  వృద్ధులకు, వితంతువులకు కాంగ్రెస్ మేనిఫెస్టో పెట్టిన విధంగా పెన్షన్ పెంచి ఇవ్వాలని తాము ప్రభుత్వం మాట ఇచ్చి మోసం చేస్తే ప్రతిపక్షంలో ఉన్న బిఆర్ఎస్  నాయకులు ప్రభుత్వాన్ని నిలదీయడం లేదని ఆయన మండిపడ్డారు. వికలాంగులకు వృద్ధులకు పెన్షన్ పెరిగేందుకు 30 సంవత్సరాల నుండి ప్రభుత్వాలపై పోరాటం చేస్తున్నానని దాని ఫలితమే ఇప్పుడు కొనసాగుతున్న 2000 రూపాయల పెన్షన్ అని ఆయన తెలిపారు ఇచ్చిన మాటకు కట్టుబడి రేవంత్ రెడ్డి సర్కార్ వికలాంగులకు, వృద్ధులకు, వితంతువులకు పెన్షన్ పెంచి ఇవ్వాలని లేకుంటే తాడోపేడో తేల్చుకుంటామని ఆయన సవాలు విసిరారు. ఎన్నికల్లో గెలుపు కోసం వికలాంగులను, వృద్ధులను, వితంతువులను మభ్యపెట్టి ఓట్లు దండుకున్న కాంగ్రెస్ ప్రభుత్వం నాయకులు పెన్షన్ పెంచి ఇవ్వకుంటే గద్ద దింపే వరకు తాము నిరంతరం పోరాడుతామని ఆయన హెచ్చరించారు సెప్టెంబర్ 9న జరిగే భారీ బహిరంగ సభకు పెద్ద ఎత్తున తరలివచ్చి కాంగ్రెస్ ప్రభుత్వానికి చెంపపెట్టు లాగా గుణపాఠం చెప్పే విధంగా మనం చాటు చెప్పాలని ఆయన కోరారు ఈ కార్యక్రమంలో రాష్ట్ర జిల్లా డివిజన్ మండల స్థాయి నాయకులు ఏపూరి వెంకటేశ్వరరావు మాదిగ, అంబాల రాజేందర్ మాదిగ, ఎల్ గోపాల్ పల్లె బాపు మాదిగ, నరిగ మల్లేశ్వరి మంథని చందు, ఐరెడ్డి నారాయణరెడ్డి, కేసారపు నరేష్ మాదిగ, మడిపల్లి దశరథం, అగ్గిమల్ల కొమురయ్య మాదిగ, నేదూరి రవి,పెర్క శ్యామ్, మంథని లక్ష్మణ్, కన్నూరి ఓదెలు, ఆసం తిరుపతి, గద్దల శంకర్,ఊట్ల శ్రీనివాస్,కొయ్యల మొండి, చిలుక సారయ్య, మంథని సమ్మయ్య, ఇందారపు ప్రభాకర్, వికలాంగుల హక్కుల పోరాట సమితి జిల్లా అధ్యక్షురాలు మల్లేశ్వరి, జిల్లా కన్వీనర్ మామిడి సంపత్, మంథని డివిజన్ అధ్యక్షుడు లక్కేపురి శ్రీనివాస్ లతోపాటు మంత్ర నియోజకవర్గంలోని వివిధ మండలాల కు చెందిన అధ్యక్షులు నాయకులు పెద్ద సంఖ్యలో పాల్గొన్నారు

గోదావరిఖని: ఫోరెన్సిక్‌ వాహనం ప్రారంభించిన రామగుండం సీపీ

నేరానికి సంబంధించి సంఘటన స్థలంలో నిందితులను గుర్తించడంతో పాటు సాక్ష్యాధారాలను   సేకరించే  ఫోరెన్సిక్‌ విభాగాన్ని మరింత బలోపేతం చేస్తూ తెలంగాణ రాష్ట్ర ఫోరెన్సిక్‌  విభాగం రామగుండం పోలీస్‌ కమిషనరేట్‌ నూతనంగా మొబైల్‌ ఫోరెన్సిక్‌ వాహనాన్ని అందజేసారు. ఈ వాహనాన్ని రామగుండం పోలీస్‌ కమిషనర్‌ అంబర్ కిషోర్ ఝా రామగుండం పోలీస్‌ కమిషనరేట్‌ కార్యాలయములో  పచ్చ జెండా ఊపి ప్రారంభించారు. 

 ఈ సందర్బంగా రామగుండం పోలీస్‌ కమిషనర్‌ మాట్లాడుతూ.... ప్రస్తుతం అందుబాటులో ఉన్న ఆధునిక సాంకేతిక పరిజ్ఞానాన్ని వినియోగించుకొని, అత్యాధునిక పరికరాల తో రూపోందించబడిన ఈ మొబైల్‌ ఫోరెన్సిక్‌ వాహనాని రామగుండం కమిషనరేట్‌ పోలీసులకు మరింత మెరుగైన సేవలందించనున్నది. ఇకపై ఎదైనా నేరం జరిగిన ప్రదేశానికి ఫోరెన్సిక్‌, ఫింగర్‌ ప్రింట్‌ అధికారులు, సిబ్బంది ఈ మొబైల్‌ ఫోరెన్సిక్‌ వాహనంలో చేరుకోని సంఘటన జరిగిన స్థలం నుండి రక్తమరకలు, వ్రేలిముద్రలతో ఇతర సాక్ష్యాదారాలను సేకరించి ఈ మొబైల్‌ వాహనంలో ఏర్పాటు చేసిన  ఆధునిక పరికరాలతో  పరీక్షలను  నిర్వహించి సంబంధిత దర్యాప్తు అధికారికి ప్రాథమిక సాక్ష్యాధారాలను అందజేయడం జరుగుతుందని. రామగుండం పోలీస్‌ కమిషనర్‌ తెలియజేసారు. ఈ కార్యక్రమములో  స్పెషల్ బ్రాంచ్ ఏసిపి మల్లారెడ్డి, ఏ ఓ శ్రీనివాస్, ఏ ఆర్ ఏసీపీ ప్రతాప్, ఏ. రాము, అసిస్టెంట్ డైరెక్టర్ ఆర్ ఎఫ్ ఎస్ ఎల్ మంచిర్యాల్, ఇన్స్పెక్టర్ లు రవీందర్, చంద్రశేఖర్ గౌడ్, ఆర్ఐ లు దామోదర్, మల్లేశం, ఆర్ ఎస్ఐ ప్రవీణ్ కుమార్, సిసి హరీష్ తో ఇతర పోలీస్‌, క్లూస్ టీమ్, RFSL సిబ్బంది పాల్గొన్నారు.

సుల్తానాబాద్: యూరియా కొరత లేదు

 గోడౌన్లో తనిఖీ చేస్తున్న కలెక్టర్ కోయ శ్రీ హర్ష

రైతులకు సరిపడా యూరియా అందుబాటులో ఉందని ఎక్కడ కొరత లేదని, పంట విస్తీర్ణం ఆధారంగా యూరియా రైతులకు అమ్మాలని, ప్రస్తుత అవసరాలకే కొనుగోలు చేయాలని అనవసరంగా యూరియా నిల్వ చేయవద్దని జిల్లా కలెక్టర్ కోయ శ్రీ హర్ష తెలిపారు.

బుధవారం  మండలంలోని అనంతరం సుల్తానాబాద్ మండలంలో ప్రాథమిక ఆరోగ్య సహకార సంఘం గోడౌన్ ను, ఎరువుల షాప్ తనిఖీ చేశారు. ఎరువుల విక్రయం వివరాల రిజిస్టర్ పక్కగా మెయింటైన్ చేయాలని కలెక్టర్ తెలిపారు. అలాగే కమ్యూనిటీ హెల్త్ సెంటర్, ప్రాథమిక వ్యవసాయ సహకార సంఘం కార్యాలయాలను తనిఖీ చేశారు. ఈ సందర్భంగా  మాట్లాడుతూ సుల్తానాబాద్ ప్రభుత్వ ఆసుపత్రికి వచ్చే రోగులకు మెరుగైన సేవలు అందించాలని అన్నారు. ఆస్పత్రికి వచ్చే రోగులకు మెరుగైన వైద్య సేవలు అందాలని, ప్రభుత్వ ఆసుపత్రిలో ప్రసవాల సంఖ్య పెంచే దిశగా అవసరమైన చర్యలు తీసుకోవాలని, ఆసుపత్రి ఆవరణ చుట్టు విద్యుత్ దీపాలు ఉండేలా చర్యలు తీసుకోవాలని మున్సిపల్ కమిషనర్ ను  కలెక్టర్ ఆదేశించారు. 

*12 లక్షల 50 వేల రూపాయల  నిధులతో నూతనంగా కొనుగోలు చేసిన అల్ట్రా సౌండ్ స్కానింగ్, ఎన్.ఎస్.టి యంత్రాలను* కలెక్టర్ ప్రారంభించారు. 

ఈ పర్యటనలో జిల్లా కలెక్టర్ వెంట జిల్లా ఆసుపత్రి సూపరింటెండెంట్ డాక్టర్ శ్రీధర్, సుల్తానాబాద్ ఆసుపత్రి సూపరింటెండెంట్ డాక్టర్ రమా దేవి, మున్సిపల్ కమిషనర్ రమేష్, మండల వ్యవసాయ అధికారి నాగార్జున,  సంబంధిత అధికారులు,  తదితరులు పాల్గొన్నారు. 

మంథని: మాజీ ఎమ్మెల్యేకు మతిభ్రమించింది

మీడియా సమావేశంలో మాట్లాడుతున్న కాంగ్రెస్ నాయకులు 

వీడియో

మంథని మాజీ ఎమ్మెల్యే పుట్ట మధుకు మతిభ్రమించిందని మంథని కాంగ్రెస్ నాయకులు తీవ్రస్థాయిలో ధ్వజమెత్తారు.

బుధవారం మంథనిలో మీడియా సమావేశంలో మండల కాంగ్రెస్ పార్టీ అధ్యక్షులు ఆయిలి ప్రసాద్, తెలంగాణ  విద్యుత్ నియంత్రణ  సలహా కమిటి సభ్యులు శశి భూషణ్ కాచే, సింగిల్ విండో చైర్మన్ కొత్త శ్రీనివాస్, మార్కెట్ కమిటీ చైర్మన్ కుడుదుల వెంకన్న,  మాజీ యూత్ కాంగ్రెస్ మండల అధ్యక్షుడు ఎరుకల ప్రవీణ్ మాట్లాడారు.

సిరిపురం బ్యారేజ్  నుంచి నీళ్లను వృధా కిందికి వదిలిపెడుతున్నారని  మాట్లాడడం విడ్డూరంగా ఉందని అన్నారు.  భారీ వర్షం వల్ల బ్యారేజీలలో వరద నీరు చేరి బ్యారేజ్ నిండుకుండలా ఉండడం ద్వారా వరద నీటిని అధికారులు కిందికి వదులుతున్నారని, ఇది కూడా తెలువక మాట్లాడుతున్న పుట్ట మధు అజ్ఞానానికే వదిలేస్తున్నామని అన్నారు.

రాబోయే రోజులలో గట్టు వామన్ రావు దంపతుల హత్య కేసులో సిబిఐ విచారణలో మొదటగా అరెస్టు అయ్యే వ్యక్తి పుట్టనే అని, చట్టం ముందు ప్రతి ఒక్కరు సమానమేనని ఇన్ని రోజులు వేచి చూసిన సందర్భం త్వరలోనే రాబోతున్నదని సిబిఐ ఎంక్వయిరీలో నిజాలు బట్టబయలు అవుతాయని ఆశాభావం వ్యక్తం చేశారు. 

ఈ ప్రాంత రైతులు బ్యారేజ్ల ద్వారా నష్టపోయారే తప్ప ఈ ప్రాంత రైతులకు ఒక్క చుక్కనీరు అందించిన పాపాన పోలేదని, గత ప్రభుత్వంలో బ్యారేజీల బ్యాక్ వాటర్ ద్వారా పంట పొలాలు వరద నీరు చేరి ఈ ప్రాంత రైతులు నష్టపోయారని గుర్తు చేశారు.

 గత ప్రభుత్వం ఈ ప్రాంత ఇసుకను దోచుకుని ప్రభుత్వాన్ని నడిపించిందని ఎద్దేవా చేశారు. తెలంగాణ ప్రజలకు అన్ని తెలుసు కాబట్టి టిఆర్ఎస్ ప్రభుత్వాన్ని గద్దె దింపి కాంగ్రెస్ ప్రజా ప్రభుత్వాన్ని నిర్మించారని ఈ ప్రజా ప్రభుత్వంలో ప్రతి ఒక్కరికి మేలు జరుగుతుందని వారన్నారు.

ఈ ప్రాంత విద్యార్థిని విద్యార్థులు మంచి భవిష్యత్తు ఇవ్వాలని ఉద్దేశంతో జేఎన్టీయూ, పాలిటెక్నిక్, ఐటిఐ డిగ్రీ ఇంటర్ తదితర కాలేజీలను ఈ ప్రాంత విద్యార్థుల కోసం తీసుకువచ్చి మంచి విద్యను అందించాలని సంకల్పంతో మంత్రి శ్రీధర్ బాబు ముందుకెళ్తున్నారని నాయకులు అన్నారు.

ఈ కార్యక్రమంలో కాంగ్రెస్ పార్టీ నాయకులు యూత్ కాంగ్రెస్ నాయకులు ఎస్సీ సెల్ బీసీ సెల్. విభాగాల నాయకులు తదితరులు పాల్గొన్నారు

మంథని: రాజీవ్ గాంధీకి నివాళి

మంథని లోని ఎమ్మెల్యే క్యాంపు కార్యాలయంలో మండల కాంగ్రెస్ పార్టీ అధ్యక్షుడు అయిలి ప్రసాద్ ఆధ్వర్యంలో రాజీవ్ గాంధీ జయంతి వేడుకలను కాంగ్రెస్ నాయకులు బుధవారం ఘనంగా నిర్వహించారు.   ఈ సందర్భంగా సింగిల్ విండో చైర్మన్ కొత్త శ్రీనివాస్ మాట్లాడుతూ భారతీయ రాజనీతిజ్ఞుడు రాజీవ్ గాంధీ అని అన్నారు. దేశ సేవకు తనను తాను అంకితం చేసుకున్న మహానీయుడు రాజీవ్ గాంధీ అని అన్నారు. 1984 నుంచి 1989 వరకు రాజీవ్ గాంధీ భారత దేశ ప్రధానమంత్రిగా పనిచేశారని అన్నారు. కంప్యూటర్లు, టెలికమ్యూనికేషన్లు వంటి రంగాలలో అతను అనేక ముఖ్యమైన సంస్కరణలను ప్రవేశపెట్టాడని, రాజీవ్ గాంధీని భారతదేశంలో సమాచార విప్లవ పితామహుడిగా పరిగణిస్తారన్నారు. దేశంలో కంప్యూటరైజేషన్, టెలికమ్యూనికేషన్ విప్లవం ఘనత రాజీవ్ గాంధీ కే చెందుతుందని అన్నారు. రాజీవ్ గాంధీ విదేశీ విధానంలో చురుకైన పాత్ర పోషించాడని, శ్రీలంక, సోవియట్ యూనియన్ తో సంబంధాలను మెరుగుపరచడానికి కృషి చేశారని అన్నారు. స్థానిక స్వపరిపాలన సంస్థల్లో మహిళలకు 33% రిజర్వేషన్లు కల్పించేందుకు కృషి చేశారని, రాజీవ్ గాంధీ ఓటు హక్కు వయస్సును 21 ఏళ్ల నుంచి 18 ఏళ్లకు తగ్గించి యువతకు ఎన్నికల్లో ఓటు హక్కు కల్పించారని అన్నారు. ఈ కార్యక్రమంలో ఏఎంసి చైర్మన్ కుడుదుల వెంకన్న, సోషల్ మీడియా పెద్దపల్లి జిల్లాఇంచార్జి అరెల్లి కిరణ్ గౌడ్, నాయకులు బూడిద శంకర్, ఎరుకల ప్రవీణ్,కాసిపేట బాపు, భీముని వెంకటస్వామి,పెరవేన లింగయ్య, రాం రాజశేఖర్, దొరగోర్ల శ్రీనివాస్, మంథని శ్రీనివాస్, మంథని రాకేష్,సుమన్, నాయకులు, కార్యకర్తలు, తదితరులు పాల్గొన్నారు.

మంథని: గొల్ల గూడెంలో శ్రావణ సందడి

గొల్లగూడెంలో కొలువైన బలవీర హనుమాన్

మంథని మున్సిపల్ పరిధిలోని బోయినపేట లోని శ్రీ బల వీర హనుమాన్ దేవాలయం శ్రావణ మాసంలో భక్తుల సుదర్శన తో పండుగ వాతావరణం నెలకొంది. ఈ ప్రాంతంలో ఎంతో మహిమాన్వితం కలిగిన శ్రీ బలవీర హనుమాన్ దేవాలయానికి శ్రావణమాసంలోనే నాలుగు శనివారాలు 4 మంగళవారాల్లో ఉదయం 5 గంటల నుండి రాత్రి 9 గంటల వరకు జాతరలా భక్తులు వచ్చి స్వామివారిని దర్శించుకుంటారు. బలవీర హనుమాన్ ప్రాముఖ్యత ఎంతో ప్రాచుర్యం పొందింది. మంథని కి కిలోమీటర్ దూరంలో ఉన్న బోయిన్ పేట లో స్వయంభుగా వెలసిన ఆంజనేయ స్వామి భక్తుల పాలిట కొంగుబంగారంగా భక్తులు ఎంత విశ్వాసంతో దర్శించుకుంటారు. అనంతరం శ్రీ కాళికామాతను దర్శించుకుని భక్తులు పునీతులు అవుతారు. శ్రావణ శనివారం రోజున ఈ ఆలయంలో ఎక్కహం 24 గంటల పాటు ప్రజల కార్యక్రమాన్ని నిర్వహిస్తారు. మంథని ప్రాంతంలో నుండే కాకుండా సుదూర ప్రాంతాల నుండి భక్తులు అధిక సంఖ్యలో శ్రీ బలవీర హనుమాన్ ను దర్శించుకుని మొక్కులు చెల్లించుకుంటారు.

మంథని:పార్వతి బరాజ్‌ను సందర్శించిన మాజీ ఎమ్మెల్యే

మేడిగడ్డ బరాజ్‌ దెబ్బతిందని చెప్తున్నారని, కానీ పార్వతీ బరాజ్‌కు ఎలాంటి ఇబ్బంది లేకున్నా గేట్లు ఎత్తి నీళ్లను ఎందుకు వృధా చేస్తున్నారో జవాబు చెప్పాలనీ మంథని మాజీ ఎమ్మెల్యే పుట్ట మధూకర్‌ ప్రశ్నించారు. మంగళవారం కాళేశ్వరం ప్రాజెక్టు పరిధిలోని మంథని మండలం సిరిపురం సమీపంలోని పార్వతీ బ్యారేజీని గోదావరి విలాపం అనే పేరుతో స్థానిక నాయకులతో కలిసి ఆయన సందర్శించారు. ఈ సందర్బంగా ఆయన మాట్లాడుతూ బారీ వర్షాలు పడి ఎగువనుంచి బారీగా వరదనీరు చేరి గోదావరినది నిండుగా ప్రవహిస్తోందని, నీళ్లు వృధాగా పోతుంటే గోదావరి నది కన్నీరు పెట్టుకుంటుందన్నారు. ఈనాడు లక్షల క్యూసేక్కుల నీళ్లు వృధాగా ఉప్పు నీళ్లలో కలిపేస్తున్నారని, తనను ఎవరికి ఉపయోగపడకుండా చేస్తున్నారని గోదావరి మాత గోస వెల్లబోసుకుంటుందన్నారు. ఆనాడు ప్రకృతికి విరుద్దంగా నాటి ముఖ్యమంత్రి కేసీఆర్‌ రివర్స్‌ పంపింగ్‌ చేసి నీటిని పైకి తీసుకువస్తే శాపం తగులుతుందని అనుకున్నా కానీ నేడు నీళ్లన్ని వృధాగా పోయి సముద్రంలో కలుస్తుంటే ఆనాడు కేసీఆర్‌ చేసిన ఆలోచన ఎంతో గొప్పదని గోదావరి నది చెప్తోందన్నారు. నీళ్లు వృధా పోతున్నా ఆపాలనే ఆలోచన చేయకుండా ఇటు రైతులకు, ప్రజలకు ఉపయోగపడకుండా చేస్తున్నారని గోదావరినది మొరపెట్టుకుంటుందని, కళ్లున్న కాంగ్రెస్‌ నాయకులకు గోదావరి నది గోస కన్పించడం లేదా అని ప్రశ్నించారు. 

గోదావరిఖని:ఎల్లంపల్లి రిజర్వాయర్ ప్రాజెక్టు ను పరిశీలించిన కలెక్టర్

 

నీటి నిర్వహణ పకడ్బందీగా ఉండాలి

పెద్దపల్జి కలెక్టర్ కోయ శ్రీ హర్ష

ఎల్లంపల్లి రిజర్వాయర్ లో నీటి నిర్వహణ పకడ్బందీగా ఉండాలని  జిల్లా కలెక్టర్ కోయ శ్రీ హర్ష తెలిపారు. మంగళవారం అంతర్గాం లోని ఎల్లంపల్లి రిజర్వాయర్ ను క్షేత్రస్థాయిలో తనిఖీ చేశారు. 

ఈ సందర్భంగా ఎల్లంపల్లి రిజర్వాయర్ లో ఉన్న నీటి నిల్వ ఎంత ఉంది?  ఇన్ ఫ్లో ఎంత ఉంది? ప్రాజెక్టు పూర్తి సామర్థ్యం ఎంత? వంటి వివరాలను నీటిపారుదల శాఖ అధికారుల నుంచి ఆరా తీశారు.

ప్రస్తుతం 35 గేట్ల ద్వారా  ఎల్లంపల్లి నుంచి దిగువకు వరద విడుదల చేస్తున్నామని అధికారులు తెలిపారు.

ఎస్సారెస్పీ, కడెం ప్రాజెక్టు నుంచి భారీ ఎత్తున వరద వస్తున్నందున ఎల్లంపల్లి దిగువకు నీరు విడుదల చేస్తున్నామని, ప్రాజెక్టు దిగువన గోదావరి నది పరిసర ప్రాంతాల ప్రజలు అప్రమత్తంగా ఉండాలని, పశువుల కాపర్లు, గొర్రెల కాపర్లు, చేపలు పట్టేవారు రైతులు సామాన్య ప్రజలు నది దాటే ప్రయత్నం చేయవద్దని కలెక్టర్ విజ్ఞప్తి చేశారు. 

ప్రాజెక్టులో నీటి నిల్వ పకడ్బందీగా నిర్వహించాలని అన్నారు. ఎగువ నుంచి వస్తున్న వరద ఆధారంగా ఎప్పటికప్పుడు దిగువకు నీరు విడుదల చేయాలని  కలెక్టర్ సూచించారు. డ్యాం గేట్లను పరిశీలించి వాటి నిర్వహణను  పర్యవేక్షించారు. నీటి విడుదల అంశాలు రెగ్యులర్ గా ప్రెస్ కు విడుదల చేయాలని కలెక్టర్ ప్రాజెక్ట్ అధికారులకు సూచించారు.

భారీ వర్షాల నేపథ్యంలో నీటిపారుదల శాఖ అధికారులు, రెవెన్యూ పోలీస్ శాఖ అధికారులు అప్రమత్తంగా ఉండాలని, ఎప్పటికప్పుడు నీటిమట్టం అంచనా వేస్తూ జాగ్రత్తగా ఉండాలని ఆదేశించారు.  

*అనంతరం స్థానిక సంస్థల అదనపు కలెక్టర్ జే.అరుణ శ్రీ తో కలిసి రామగుండం మండలం లోని ముంపు ప్రాంతం మల్కాపూర్ గ్రామంలో పర్యటించి  లోతట్టు ప్రాంతాలలో* నీరు ఒకే చోట నిల్వకుండా చర్యలు  తీసుకోవాలని, అధికారులు అప్రమత్తంగా ఉండాలని కలెక్టర్ ఆదేశించారు.

ఈ పర్యటనలో జిల్లా కలెక్టర్ వెంట సీఈ సుధాకర్ రెడ్డి, ఎస్.ఈ. సత్యనారాయణ, డీఈ బుచ్చి బాబు, శరత్ బాబు,తహసిల్దార్ ఈశ్వర్, ఈ ఈ రామన్, సంబంధిత అధికారులు,  తదితరులు పాల్గొన్నారు.

మంథని: సహకార సంఘంలో రైతులకు అందుబాటులో యూరియా

 

సింగిల్ విండో చైర్మన్ కొత్త శ్రీనివాస్

ప్రాథమిక వ్యవసాయ సహకార సంఘం మంథని లో 900 యూరియా బస్తాలు అందుబాటులో ఉన్నాయని సింగిల్ విండో చైర్మన్ కొత్త శ్రీనివాస్ తెలిపారు. మంగళవారం సాయంత్రం పిఎసిఎస్ మంథని లో సింగిల్ విండో చైర్మన్ కొత్త శ్రీనివాస్ మాట్లాడుతూ యూరియా బస్తాల కోసం వచ్చే రైతులు తమ వెంట పట్టా దారు పాసు పుస్తకం, ఆదార్ జీరాక్స్ ప్రతులు తమ వెంట తీసుకు రావాలని కోరారు. ఐటి, పరిశ్రమలు, శాసన సభ వ్యవహారాల శాఖ మంత్రి దుద్దిళ్ళ శ్రీధర్ బాబు ప్రత్యెక చొరువతో రైతులకు ఎలాంటి ఇబ్బందులు కలగకుండా సరిపడా యూరియా బస్తాలు అందుబాటులో ఉంచుతున్నామని, రైతులు ఏ మాత్రం అధైర్య పడవద్దని, రైతులకు యూరియా కొరత లేకుండా తగు చర్యలు తీసుకుంటున్నారని అన్నారు. అలాగే వ్యవసాయ శాఖ ఏడిఏ, ఏఓ, ఏఈఓ ల సహకారంతో యూరియా కొరత లేకుండా తగు చర్యలు చేపడుతున్నారని,రైతులు తమ అవసరాల మేరకే యూరియా తీసుకొని వాడుకోవాలని కోరారు.

హైదరాబాద్: తెలంగాణాకు యూరియా అందించడంలో కేంద్రమంత్రులు విఫలం

అసెంబ్లీ సి.ఎల్. పి మీడియా పాయింట్ వద్ద   మాట్లాడుతున్న పెద్దపల్లి ఎమ్మెల్యే విజయ రమణారావు,  రామగుండం ఎమ్మెల్యే రాజ్ ఠాకూర్ మక్కాన్ సింగ్, నిజామాబాద్ రూరల్ ఎమ్మెల్యే రేకులపల్లి భూపాతి రెడ్డి  

నిత్యం రాజకీయాల గురించి మాట్లాడే కిషన్ రెడ్డి, బండి సంజయ్ ఇద్దరు బిజెపి కేంద్రమంత్రులు మిగతా బిజెపి ఎంపీలు తెలంగాణ కు యూరియా అందించడంలో పూర్తిగా విఫలం చెందారనీ పెద్దపల్లి ఎమ్మెల్యే చింతకుంట విజయరమణా రావు అన్నారు.  సోమవారం తెలంగాణ అసెంబ్లీలో సీఎల్పీ  మీడియా పాయింట్ వద్ద రామగుండం ఎమ్మెల్యే రాజ్ ఠాకూర్ మక్కాన్ సింగ్, నిజామాబాద్ రూరల్ ఎమ్మెల్యే రేకులపల్లి భూపాతి రెడ్డితో కలిసి ఏర్పాటు చేసిన ప్రెస్ మీట్ లో ఆయన మాట్లాడారు.

ఈ సందర్బంగా  మాట్లాడుతూ ఇప్పటి వరకు రెండు లక్షల 69 వేల మెట్రిక్ టన్ను లోటు ఈరోజు వరకు తెలంగాణ రాష్ట్రానికి యూరియా ఉన్నది అంటే దానికి కారణం కేంద్రంలో ఉన్న బిజెపి ప్రభుత్వం. ఏప్రిల్ నుండి ఆగస్టు వరకు ఎనిమిది లక్షల 30 వేల మెట్రిక్ టన్నుల యూరియా సరపర చేయవలసి ఉండగా ఇప్పటివరకు స్వదేశీ యూరియా నాలుగు లక్షల 34 వేల టన్నులు, దిగుమతి యూరియా మూడు లక్షల 96 మెట్రిక్ టన్నులు కాగా స్వదేశీ యూరియాలో 327 వేల మెట్రిక్ టన్నుల యూరియా దిగుమతి రెండు లక్షల మెట్రిక్ టన్నుల యూరియా ఈరోజు వరకు సరఫరా అయింది అన్నారు

ఆర్ ఎఫ్ సి ఎల్ లో 145 పని దినాల్లో కేవలం 78 రోజుల్లో ఉత్పత్తి జరగకపోవడంతోనే రాష్ట్రానికి తరపున కావాల్సిన యూరియా ఈరోజు వరకు కూడా సరఫరా కాలేదన్నారు

బయట నుండి రావలసిన యూరియా ఏదైతే ఉన్నాదో యూరియా రావడానికి కేంద్ర ప్రభుత్వం ఎలాంటి సహకారం రాష్ట్రానికి ఇవ్వకపోవడం దురదృష్టకరమన్నారు

తెలంగాణ రాష్ట్ర ముఖ్యమంత్రి మరియు రాష్ట్ర మంత్రులు కాంగ్రెస్ పార్టీ ఎనిమిది మంది ఎంపీలు కేంద్రమంత్రి జేపీ నడ్డాను కలిసి రాష్ట్రంలో యూరియా కొడతా రాబోతుందని మీరు ఇప్పటివరకు దిగుమతి చేయవలసిన యూరియా ఇంకా దిగుమతి చేయలేకపోయారని తక్షణమే దిగుమతి చేయాలని చెప్పి ముఖ్యమంత్రి రేవంత్ రెడ్డి రెండు మాసాల కిందనే జేపీ నడ్డా గారిని కలిసి విన్నవించిన కూడా కేంద్రం ఇప్పటివరకు నిమ్మకు నీరెత్తినట్లు వ్యవహరిస్తుందన్నారు

ఇక్కడి యూరియాను ఒక పద్ధతి ప్రకారం గా రాష్ట్రంలో ట్రాన్స్పోర్ట్ పెట్టి ఎక్కడ పక్కదారి పట్టకుండా ఏ రైతులకు కూడా ఇబ్బంది లేకుండా చేసే ప్రయత్నం రాష్ట్ర ప్రభుత్వం చేస్తుంటే బిఆర్ఎస్ పార్టీ ఏదో రకంగా కాంగ్రెస్ పార్టీపై బురద జల్లే ప్రయత్నం చేస్తుందనీ ఆరోపించారు.

హైదరాబాద్: కృష్ణాష్టమి శోభాయాత్ర మృతుల కుటుంబాలను పరామర్శించిన మంత్రి దుద్దిళ్ల శ్రీధర్ బాబు

ఉప్పల్ పీఎస్ పరిధిలోని రామంతపూర్ గోకులే నగర్‌లో శ్రీకృష్ణ జన్మాష్టమి శోభాయాత్ర సందర్భంగా జరిగిన దుర్ఘటనలో ప్రాణాలు కోల్పోయిన మృతుల కుటుంబ సభ్యులను గాంధీ ఆసుపత్రిలో పరామర్శించిన రాష్ట్ర ఐటీ, పరిశ్రమల శాఖ,ఉమ్మడి రంగారెడ్డి జిల్లా ఇంఛార్జి మంత్రి దుద్దిళ్ల శ్రీధర్ బాబు.అనంతరం గాంధీ ఆసుపత్రి దగ్గర మంత్రి శ్రీధర్ బాబు మాట్లాడుతూ మృతుల కుటుంబాలకు ఒక్కొక్కరికి రూ 5 లక్షల రూపాయలు ఎక్స్‌గ్రేషియా,గాయపడ్డ వారికి వైద్య ఖర్చులను ప్రభుత్వమే భరిస్తుంది.ఈ సంఘటన జరగడం చాలా బాధాకరం దురదృష్టకరం.మృతుల కుటుంబాలకు నా ప్రగాఢ సానుభూతి,మరో 100 మీటర్ల దూరంలో శోభయాత్ర ముగుస్తుందనగా 

ఘటన జరగడం దురదృష్టకరం,కేబుల్ వైర్ ద్వారా కరెంట్ సరఫరా జరిగి ప్రమాదం జరిగినట్లుగా అధికారులు చెబుతున్నారు.కలెక్టర్ ఆధ్వర్యంలో దర్యాప్తునకు ఆదేశాలు జారీ చేశాం .దర్యాప్తు నివేదిక వచ్చాకా బాధ్యులపై చర్యలు తీసుకుంటాము.గ్రేటర్ హైదరాబాద్ పరిధిలో కేబుల్ వైర్లు, కరెంటు తీగలపై స్పెషల్ డ్రైవ్ కు ఆదేశాలు జారీ చేశాం అన్నారు.

మంథని: బహుజనులకు పోరాటస్పూర్తి సర్దార్ సర్వాయి పాపన్న గౌడ్

 

మాట్లాడుతున్న మంథని మాజీ ఎమ్మెల్యే పుట్ట మధూకర్‌

బహుజన వర్గాలకు పోరాట స్పూర్తి సర్థార్‌ సర్వాయి పాపన్న గౌడ్ అని మంథని మాజీ ఎమ్మెల్యే పుట్ట మధూకర్‌ అన్నారు.  నవాబులను ఓడించి తొలి బహుజన రాజ్యాన్ని స్థాపించిన బహుజన యుద్ధ వీరుడు సర్దార్ సర్వాయి పాపన్న గౌడ్ జయంతి సందర్బంగా సోమవారం మంథనిలోని సర్వాయి పాపన్న గౌడ్ విగ్రహానికి పూలమాల వేసి నివాళులు అర్పించారు. ఈ సందర్బంగా ఆయన మాట్లాడుతూ 375ఏండ్ల క్రితమే సర్థార్‌ సర్వాయిపాపన్న గొప్ప సందేశం ఇచ్చారని గుర్తు చేశారు. ఆనాడు ఖిలాసాపూర్‌ కేంద్రంగా పోరాటాన్ని ప్రారంభించి గోల్కొండ ఖిలా ఎక్కి రాజుల పరిపాలనను అంతమొందించి ఏడు నెలలు రాజ్యం ఏలాడని ఆయన వివరించారు. ఈ కార్యక్రమంలో మాజీ ప్రజాప్రతినిధులు ఎక్కేటి అనంత రెడ్డి, ఏగోలపు శంకర్ గౌడ్, జంజర్ల శేఖర్, బీఆర్ఎస్ నాయకులు, తదితరులు పాల్గొన్నారు.

మంథని: ఘనంగా సర్వాయి పాపన్న గౌడ్ జయంతి

 

మంథని ఎమ్మెల్యే క్యాంపు కార్యాలయంలో సర్దార్ సర్వాయి పాపన్న గౌడ్ గారి 375 వ జయంతి సందర్భంగా  వారి చిత్రపటానికి మంథని మండల కాంగ్రెస్ నాయకులు, గౌడ్ సంగ నాయకులు పూలమాలలు వేసి, ఘనంగా నివాళులర్పించారు.  ఈ కార్యక్రమాన్ని ఉద్దేశించి అధ్యక్షులు అయిలి ప్రసాద్, రాష్ట్ర గౌడ సంఘం నాయకులు మాచిడి రవితేజ గౌడ్, AMC చైర్మన్ కుడుదుల వెంకన్న, PACS చైర్మన్ కొత్త శ్రీనివాస్, ఎస్సీ సెల్ డివిజన్ అధ్యక్షులు మంథని సత్యం, బీసీ సెల్ మండల అధ్యక్షులు అయిలి శ్రీనివాస్, మాజీ మండల యూత్ అధ్యక్షులు ఎరుకల ప్రవీణ్, అజీమ్ ఖాన్, జిల్లా సోషల్ మీడియా ఇంచార్జీ ఆరెల్లి కిరణ్ గౌడ్ మాట్లాడారు.ఈ కార్యక్రమంలో మండల యూత్ కాంగ్రెస్ అధ్యక్షులు సాదుల శ్రీకాంత్, ఎస్సీ సెల్ మండల అధ్యక్షులు మంథని రాకేష్, జిల్లా యూత్ కాంగ్రెస్ నాయకులు ఆర్ల నాగరాజు, మాజీ సర్పంచ్ దొరగొర్ల శ్రీనివాస్ యాదవ్, రాజిరెడ్డి, గట్టయ్య, యూత్ కాంగ్రెస్ నాయకులు ఆరెల్లి వరుణ్, ఎరుకల సురేష్, పోగుల సాగర్ గౌడ సంఘం నాయకులు టి.రాజు, పూదరి సమ్మయ్య గౌడ్, మాచిడి మోహన్, పోన్నం చంద్రయ్య, మాచిడి సదాశివ్, భీముని రాములు, మాచిడి లింగయ్య, కొండ్ర శ్రీనివాస్, వేగోల్లపు చిన్న శంకర్. తాటి  శ్రీనివాస. ఆరెళ్ళి మల్లయ్య మాచిడి కిష్టయ్య తాళ్లపల్లి సత్యనారాయణ, మాచిడి బాపు, తాటి శ్రీదర్, తాటి శంకర్, మాచిడి బాపు మరియు కాంగ్రెస్ పార్టీ అభిమానులు తదితరులు పాల్గొన్నారు.*

పెద్దపల్లి: ప్రజావాణిలో యువకుడి ఆత్మహత్యాయత్నం

 

పెద్దపల్లి  కలెక్టరేట్ లో సోమవారం నిర్వహించిన ప్రజావాణిలో ఓ యువకుడు ఆత్మహత్యాయత్నానికి పాల్పడిన ఘటన కలకలం రేపింది.  ప్రజావాణి జరుగుతున్న సమయంలో కాల్వశ్రీరాంపూర్ మండలం కిష్టంపేటకు చెందిన సతీష్ అనే యువకుడు వచ్చి తన తండ్రికి సంబంధించిన ఉద్యోగం ఇస్తానని చెప్పి, ఇవ్వలేదని కలెక్టర్ శ్రీహర్ష సమక్షంలో పురుగుల మందు సేవించేందుకు యత్నించాడు. గమనించిన కలెక్టరేట్ సిబ్బంది సదరు యువకుడిని వారించారు. బాధితుడి తండ్రి కిష్టంపేట ఉన్నత పాఠశాలలో తాత్కాలిక స్వీపర్‌గా పని చేస్తున్న సమయంలో విధి నిర్వహణలో పాము కాటుకు గురై మృతిచెందాడు. దీంతో తన తండ్రి ఉద్యోగం తనకు ఇవ్వాలని పలుమార్లు విజ్ఞప్తి చేసిన అధికారులు పట్టించుకోకపోవడంతో మనస్థాపానికి గురై ఆత్మహత్యాయత్నానికి పాల్పడ్డారు. బాధితుడిని కలెక్టర్ సిబ్బంది 108కు సమాచారం అందించి ప్రభుత్వ ఆసుపత్రికి తరలించారు.

పెద్దపల్లి: సర్దార్ సర్వాయి పాపన్న గౌడ్ కు ఘన నివాళి

సర్దార్ సర్వాయి పాపన్న గౌడ్ చిత్రపటానికి నివాళులు అర్పిస్తున్న కలెక్టర్ కోయ శ్రీ హర్ష

సోమవారం సమీకృత జిల్లా కలెక్టరేట్ లోని సమావేశ మందిరంలో రాష్ట్ర ప్రభుత్వ ఆదేశాల మేరకు జిల్లా వెనుకబడిన తరగతుల అభివృద్ధి శాఖ ఆధ్వర్యంలో అధికారికంగా నిర్వహించిన సర్దార్ సర్వాయి పాపన్న గౌడ్ జయంతి కార్యక్రమంలో *జిల్లా కలెక్టర్ కోయ శ్రీ హర్ష, అదనపు కలెక్టర్ డి.వేణు తో* కలిసి  పాల్గొని జ్యోతి ప్రజ్వలన చేసి, సర్దార్ సర్వాయి పాపన్న గౌడ్ చిత్రపటానికి పూలమాలలు వేసి నివాళులు అర్పించారు.

సర్దార్ సర్వాయి పాపన్న గౌడ్ జీవిత చరిత్ర, ముఖ్య అంశాలను అధికారులు వివరించారు. 

ఈ సందర్భంగా  *జిల్లా కలెక్టర్ కోయ శ్రీ హర్ష మాట్లాడుతూ,* సర్దార్ సర్వాయి పాపన్న గౌడ్ ఆశయ సాధనకు పాటుపడాలని జిల్లా కలెక్టర్ కోరారు.  వీరోచిత పోరాటానికి, సమానత్వానికి ప్రతీకగా పాపన్న గౌడ్ నిలిచారని అన్నారు.  గోల్కొండ కోట నుంచి ఈ ప్రాంతాన్ని ఆయన పాలించారని, ప్రతి వర్గాన్ని తన పాలనలో కలుపుకొని వెళ్లారని అన్నారు.

ఔరంగ జేబ్  ప్రపంచంలో మంచి కీర్తి సంపాదిస్తున్న సమయంలో ఒక  సామాన్య వ్యక్తి నుంచి గోల్కొండ కోటను స్వాధీనం చేసుకుని పరిపాలన చేసే స్థాయికి పాపన్న గౌడ్ ఎదిగారని అన్నారు. ప్రభుత్వ ఆదేశాల మేరకు ప్రతి సంవత్సరం పాపన్న గౌడ్ పోరాటాలను గుర్తు చేసుకుంటూ ఆయన జయంతి వేడుకలను అధికారికంగా జరుపుకుంటున్నామని అన్నారు.

ఈ కార్యక్రమంలో జిల్లా బీసి అభివృద్ధి అధికారి రంగా రెడ్డి, జిల్లా గౌడ సంఘం అధ్యక్షులు ఎం.అంజయ్య గౌడ్,  మాజీ ఎం పి పి గోపగాని సారయ్య గౌడ్, గౌడ సంఘాల నాయకులు బాలసాని వెంకటేశం గౌడ్, జాగిరి అంజి గౌడ్, పడాల సతీష్ గౌడ్, మూల మల్లేశం గౌడ్,బొబ్బిలి రాజమౌళి గౌడ్, కొండ సుజాత గౌడ్, బీసీ నాయకులు తాడూ రి శ్రీమాన్,  నరేంద్ర, ప్రజా ప్రతినిధులు, తదితరులు పాల్గొన్నారు..

పెద్దపల్లి: అర్జీల పరిష్కారం సత్వరమే పూర్తి చేయాలి

అర్జీలను స్వీకరిస్తున్న పెద్దపల్లి జిల్లా కలెక్టర్ కోయ శ్రీ హర్ష

అర్జీల పరిష్కారం సత్వరమే చేయాలని, ప్రజావాణి దరఖాస్తులకు అత్యంత ప్రాధాన్యతనిచ్చి అర్జీలను పెండింగ్ లో ఉంచకుండా పరిష్కరించాలని *జిల్లా కలెక్టర్ కోయ శ్రీ హర్ష* సంబంధిత  అధికారులను ఆదేశించారు.

సోమవారం ప్రజావాణి కార్యక్రమం సందర్భంగా *జిల్లా కలెక్టర్ కోయ శ్రీ హర్ష* సమీకృత జిల్లా కలెక్టరేట్ లో అదనపు కలెక్టర్ డి.వేణు తో కలిసి ప్రజల నుండి దరఖాస్తులను స్వీకరించారు.

* పెద్దపల్లి మండలం జీలకుంట గ్రామానికి చెందిన స్వరూప భారీ వర్షాలకు తన ఇండ్లు కూలిపోయిందని, తనకు ఇందిరమ్మ ఇండ్లు మంజూరు చేయాలని కోరుతూ దరఖాస్తు చేసుకోగా పీడీ హౌసింగ్ కు రాస్తూ అవసరమైన చర్యలు తీసుకోవాలని కలెక్టర్ సూచించారు 

* పెద్దపల్లి మండలం రాఘవ పూర్ గ్రామానికి చెందిన సామాజిక కార్యకర్త బొబ్బిలి సత్యనారాయణ  పెద్ద బొంకూరు గ్రామంలో సర్వే నెంబర్ 534 లో 6 ఎకరాల భూమి ఎల్.ఆర్.ఎస్ అనుమతులు తీసుకోకుండా విచ్చలవిడిగా ఓపెన్ ప్లాట్లు అమ్మకాలు కొనుగోలు జరుగుతున్నాయని, దీనిపై చర్యలు తీసుకోవాలని కోరుతూ దరఖాస్తు చేసుకోగా జిల్లా పంచాయతీ అధికారి కు రాస్తూ అవసరమైన చర్యలు తీసుకోవాలని కలెక్టర్ తెలిపారు.

* ముత్తారం మండలం పోతారం గ్రామానికి చెందిన గోనెల రవి, ఎన్.లక్ష్మీ, ఓదెలు , రాజమల్లు గ్రామ శివారులోని ప్రభుత్వ భూమి 59వ సర్వే నెంబర్ లో  భూమి గత 40 సంవత్సరాలుగా పూర్వీకుల నుండి   సాగు చేసుకుంటున్నారని, ఆ భూమి ప్రస్తుతం తన కబ్జాలో ఉందని, తనకు ఎటువంటి పట్టా లేదని మోకా పై సర్వే చేయించి పట్టాలు ఇప్పించాలని కోరుతూ దరఖాస్తు చేసుకోగా  తహసిల్దార్ కు రాస్తూ అవసరమైన చర్యలు తీసుకోవాలని అన్నారు. కార్యక్రమంలో  సంబంధిత జిల్లా అధికారులు, తదితరులు పాల్గొన్నారు.

మంచిర్యాల: వరద ప్రభావిత పరిస్థితులను పరిశీలించిన డిసిపి

 

స్థానిక పోలీస్ అధికారులతో కలిసి వరద ప్రభావిత ప్రాంతాలను శనివారం మంచిర్యాల డిసిపి ఏ భాస్కర్ సందర్శించారు. రాళ్లవాగు, మంచిర్యాల, లక్సెట్టిపేట్ పరిధిలోనీ గ్రామాలు గంపలపల్లి, కొమ్ముగూడెం, గోదావరి నది పరివాహక ప్రాంతాలు, చెరువులు, వాగులు, వంతెనలు మరియు ప్రధాన రహదారులను సందర్శించి పరిస్థితిని సమీక్షించారు. డీసీపీ మాట్లాడుతూ  ప్రజలకు ఎలాంటి ఇబ్బందులు కలగకుండా, వివిధ శాఖలతో సమన్వయం చేసుకుంటూ ప్రణాళికాబద్ధంగా చర్యలు తీసుకుంటున్నాము అన్నారు.  వర్షాల ప్రభావం, వరద పరిస్థితుల్లో తీసుకోవాల్సిన జాగ్రత్తలపై ప్రజలకు ఎప్పటికప్పుడు సామాజిక మాధ్యమాల ద్వారా ప్రజలకు  అవగాహన కల్పిస్తున్నాము అని తెలిపారు. అలాగే వివిధ గ్రామాలకు అనుసంధానంగా ఉన్న కల్వర్ట్లు, బ్రిడ్జిలు నీటిమునిగే ప్రమాదం ఉన్నందున, వరద నీటి ఉధృతిని అంచనా వేయకుండా నదులు, వాగులు, కాలువలు, కుంటలు దాటే ప్రయత్నం చేయకూడదు అన్నారు .వర్షాల కారణంగా ప్రజలు అనవసరంగా బయటకు వెళ్లకుండా, జాగ్రత్తలు పాటించాలని సూచించారు.అత్యవసర సహాయం కోసం ప్రజలు 100 నంబర్‌కు కాల్ చేయవచ్చు అన్నారు.  డిసిపి వెంట మంచిర్యాల పట్టణ ఇన్స్పెక్టర్ ప్రమోద్ రావు, లక్షేట్టి పేట్ సిఐ రమణమూర్తి , ఎస్ఐ సురేశ్ పాల్గొన్నారు.

గోదావరిఖని: ఆర్ ఎఫ్ సిఎల్ అధికారుల పై ఎమ్మెల్యే ఆగ్రహం

*రైతులకు యూరియా కొరత సృష్టించేందుకు కేంద్రం కుట్రలు

*అణుబాంబుల క్రింద బ్రతుకుతున్నాం 

 *తెలంగాణ కు 50 శాతం యూరియా ఇవ్వవలసిందే

*ఆర్ఎఫ్ సిఎల్ లో జరుగుతున్న అక్రమాల పై సిబిఐకి ఫిర్యాదు చేస్తా   

*రసాయనాల శాఖమంత్రిని కలిసి సమస్యల పై విన్నపిస్తా                                           

                                          

 రామగుండం శాసనసభ్యులు రాజ్ ఠాకూర్ మక్కాన్సింగ్ శనివారం ఎస్ సి ఎల్ లో సందర్శించి అధికారులను అడిగి వివరాలు తెలుసుకున్నారు. అనంతరం ఫ్యాక్టరీ నిర్మాణంలో జరిగిన అవకతవకలపై మరియు రాష్ట్రానికి రావలసిన యూరియా వాటా గురించి ప్రస్తావిస్తూ పలు అంశాలతో కూడిన మెమోరండం ను సంబంధిత మంత్రిత్వ శాఖ కు అధికారుల ద్వారా ఇవ్వడం జరిగింది ఈ పత్రంలోని ముఖ్య విషయాలు ఈ క్రింది విధంగా ఉన్నాయి

1 ,Rfcl ప్లాంట్ 2021 లో ప్రారంభం అయినప్పటినుంది అమ్మోనియా పైప్ లైన్ లికేజ్ వలన ఉత్పత్తి ఆగిపోయినది

 

2, పైప్ లైన్ నిర్మాణం నాసిరకంగా జరిగినది దీనివలన అమ్మోనియా లీక్ అయి ఈ ప్రాంత ప్రజల ప్రాణాలకు ముప్పు వాటిల్లే అవకాశం ఉంది 

ఈ పైప్ లైన్ నిర్మాణంపై సీబీఐ తో గాని ఎక్సపర్ట్ కమిటీతో విచారణ చేపట్టాలి

3, ఈ పైప్ లైన్ నిర్మించిన కంపెనీ EIL నుండి పెనాల్టీ వసూల్ చేయాలి

 సీన్స్ట్రేక్షన్ మరియు ఎరక్షన్ ప్రాబ్లేమ్ ను వెంటనే సరి చేయాలి

4, తెలంగాణాకు యూరియా కొరత లేకుండా  చూసేందుకుగా యూ url కండిషల్ గాను రాష్ట్ర ప్రభుత్వం 11శాతం పెట్టుబడి పెట్టి ప్రాజెక్టు నిర్మాణానికి క్లియరెన్స్ ఇవ్వడం జరిగింది

5,   50 శాతం యూరియా తెలంగాణా కు ఇస్తామని ప్లంట్ నిర్మాణం సమయంలో హామీ ఇవ్వడం జరిగింది కానీ అమలు జరగడం లేదు

6 'గత ఏడాది కంటే ఈ సంవత్సరం సాగు పెరిగింది అదనంగా యూరియా సప్లై చేయాలసింది పోయి తెలంగాణాకు ఇవ్వవల్సిన యూరియా కోటాలో లక్ష టన్నుల యూరియా తగ్గించారు

మే,జూన్,జులై,కోటాలో సగం కూడా ఇవ్వలేదు

ఆగస్ట్ లో 65 వేల టన్నులకు గాను 20 వేల టన్నులే ఇచ్చారు

ఇప్పుడు మల్లి ఫ్యాక్టరీ షట్ డౌన్ అయింది

 జీరో లెవెల్ డిశ్చర్జ్  ప్లాంట్ ను ఉత్పత్తి కి ముందే నిర్మించాలి కానీ 4సంవత్సరాలు గా టెండర్ కాల్ ఫార్ చేసి  వాళ్లకు సంబంధించిన  కాంట్రాక్టర్  రాకపోవడం తో వాయిదా వేయడం రామగుండం ప్రజలు కాలుష్యంతో ఇబ్బందులు పడుతూ ప్రాణాలు పోగొట్టుకుంటున్నారు వెంటనే ZDL ప్లా0ట్ నిర్మాణం చేపట్టాలి.ప్రాజెక్టు నిర్మాణ లోపాలతో వరుసగా షాట్ డౌన్ అవుతుంది దీనివలన రైతులు తీవ్ర ఇబ్బందులు పడుతున్నారు  దీనికి కారణం నిర్ణయాలు తీసుకోవడంలో జాప్యం జరుగుతుంది దీనికి కారణం ఫ్యాక్టరీ హెడ్ ఆఫీస్ ఇక్కడ లేకపోవడమే కాబట్టి వెంటనే నోయిడా నుండి కేంద్ర కార్యాలయాన్ని రామగుండానికి తరలించాలి. పై విషయాలను  విషయాలపై స్పందించి ఫ్యాక్టరీ యజమానులు మరియు కేంద్ర ప్రభుత్వం తగు నిర్ణయం తీసుకొని రైతులకు సకాలంలో యూరియా అందించాలి  అదేవిధంగా ప్రభావిత ప్రాంతాల్లో నివసిస్తున్న ప్రజల ఆరోగ్యాలను దృష్టిలో ఉంచుకొని పలు సవరణలు చేయాలని ఆయన డిమాండ్ చేయడం చేశారు, వీర్లపల్లి గ్రామాన్ని ఆర్ అండ్ ఆర్ కింద ఇతర ప్రాంతాలకు తరలించి వారిని ఆదుకోవాలని చెప్పేసి కాంగ్రెస్ పార్టీ పక్షాన డిమాండ్ చేస్తా ఉన్నాం.  లేనిపక్షంలో కేంద్ర ప్రభుత్వంపై ప్రజలు పెద్ద ఎత్తున తిరగబడతారని విచారించారు  ఈ కార్యక్రమంలో ఆర్ ఎఫ్ సి ఎల్ అధికారులు కాంగ్రెస్ పార్టీ సీనియర్ నాయకులు మాజీ కార్పొరేటర్లు గ్రామ నాయకులు వివిధ విభాగాల అధ్యక్షులు తదితరులు ఉన్నా

పెద్దపల్లి: వెలుగు కాంతుల్లో పెద్దపల్లి పట్టణం

 

 పట్టణ సుందరీకరణకు ప్రజలందరూ సహకరించాలి..

*పెద్దపల్లి శాసనసభ్యులు విజయరమణ రావు 

పెద్దపల్లి పట్టణంలో కునారం రోడ్ మరియు కమాన్ రోడ్డు వద్ద టి.యూ.ఎఫ్.ఐ.డి.సి నిధులు ₹44.00 లక్షల రూపాయలతో నూతనంగా ఏర్పాటు చేసిన సెంట్రల్ లైటింగ్స్ మరియు ఎల్ఈడి స్ట్రిప్ లైట్స్ ని మున్సిపల్ కమిషనర్ ఆకుల వెంకటేష్ గారు మరియు స్థానిక నాయకులతో  కలిసి ప్రారంభించిన గౌరవ పెద్దపల్లి శాసనసభ్యులు శ్రీ. చింతకుంట విజయరమణా రావు 

ఈ సందర్భంగా ముఖ్యమంత్రి రేవంత్ రెడ్డి సహకారంతో పెద్దపల్లి పట్టణాన్ని అభివృద్ధి చెయ్యడమే లక్ష్యంగా పనిచేయడం జరుగుతుందని అందుకు నిదర్శనం ఇటీవల చాకలి ఐలమ్మ విగ్రహం  నుండి జండా చౌరస్తా వరకు, పెద్దమజీద్ నుండి అమర్ నగర్ వరకు, దేవిడి కోట నుండి చాకలి ఐలమ్మ వరకు బీటీ రోడ్లను వెయ్యడం జరిగింది అని అలాగే చీకురాయి రోడ్, పెద్దమ్మ నగర్, చందపల్లి వైపు డివైడర్లను ఏర్పాటు చెయ్యడం జరుగుతుంది అని వాటికి కూడ త్వరలోనే దసరా వరకు సెంట్రల్ లైటింగ్ ఏర్పాటు చేస్తామని జెండా చౌరస్తా కూడలి కూడ 50 లక్షల రూపాయలతో అద్భుతంగా హైలాండ్ లాగ త్వరలోనే అభివృద్ధి చేయడం6 జరుగుతుందని త్వరలోనే జండా చౌరస్తా నుండి మజీద్ వరకు వ్యాపారస్తులతో మాట్లాడి వారి అభిప్రాయం ఆలోచన మేరకు ఒక కోటి ఐబై లక్షల రూపాయలతో రోడ్డు వెడల్పు కార్యక్రమం చేయబోతున్నమని పెద్దపల్లి పట్టణంలోని వ్యవసాయ మార్కెట్ పరిసరాల్లో ఇండోర్ గేమ్స్ కొరకు కూడ ఆలోచన చెయ్యడం జరుగుతుంది అని పెద్దపల్లి పట్టణంలోని కూరగాయల మార్కెట్ అభివృద్ధి పనులకు గౌరవ మంత్రుల చేతుల మీదుగా శంకుస్థాపన చేసినప్పటికీ వర్షాకాలం దృష్ట్యా పనులు మొదలు కాలేదని వర్షాకాలం అయిపోగానే పనులు మొదలు పెట్టడం జరుగుతుందని అన్నారు పెద్దపల్లి బస్ డిపో నిర్మాణం కూడ టెండర్ పూర్తి చేసుకోవడం వంద పడకల ప్రభుత్వ ఆసుపత్రి పిల్లర్ల నిర్మాణం పూర్తి కావచయని పెద్దపల్లి పట్టణంలో కులాల వారిగా స్మశానవాటికలు ఉన్నప్పటికీ అందరికీ ఉపయోగపడేలా స్మశాన వాటిక లేకపోవడంతో గౌరవ కలెక్టర్ గారితో మాట్లాడడం జరిగిందని త్వరలోనే అన్ని కులాలకు ఉపయోగపడేలా ఐదు కోట్ల రూపాయలతో మోడ్రన్ హిందు స్మశాన వాటిక త్వరలో అందుబాటులో తీసుకొస్తామని గడిచిన 18 నెలల కాలంలో 35 కోట్ల రూపాయల అభివృద్ధి పనులు చేయడం జరిగిందని అభివృద్ధి కార్యక్రమంలో పాల్గొంటున్న మున్సిపల్ కమిషనర్ గారికి మున్సిపల్ అధికారులకు పట్టణ ప్రజలకు ఎలక్ట్రానిక్ మరియు ప్రింట్ మీడియా మిత్రులకు ప్రత్యేక ధన్యవాదాలు తెలియజేశారు. కార్యక్రమంలో మున్సిపల్ కమిషనర్ ఆకుల వెంకటేష్, ఏఈ సతీష్, వ్యవసాయ మార్కెట్ చైర్ పర్సన్ ఈర్ల స్వరూప, మాజీ కౌన్సిలర్లు, కాంగ్రెస్ పార్టీ నాయకులు, కార్యకర్తలు మరియు వార్డు ప్రజలు మరియు మున్సిపల్ సిబ్బంది తదితరులు పాల్గొన్నారు.