త్రీసా జాలీ, గాయత్రి గోపీచంద్‌కు ఘన సన్మానం

దిక్సూచి,  హైదరాబాద్: బీడబ్ల్యూఎఫ్ ప్రపంచ బ్యాడ్మింటన్ ఛాంపియన్‌షిప్ మహిళల డబుల్స్‌లో కాంస్య పతకం సాధించి భారత కీర్తిని ప్రపంచవ్యాప్తంగా చాటిన త్రీసా జాలీ, గాయత్రి గోపీచంద్‌లను మంగళవారం ఘనంగా సన్మానించారు.

ఐటీ మంత్రి దుద్దిళ్ల శ్రీధర్‌బాబు, అసెంబ్లీ స్పీకర్ గడ్డం ప్రసాద్ కుమార్, ఎమ్మెల్యే మక్కన్ సింగ్ రాజ్ ఠాకూర్, భారత బ్యాడ్మింటన్ దిగ్గజం పుల్లెల గోపీచంద్ కలిసి క్రీడాకారిణులను అభినందించారు. భవిష్యత్‌లో మరిన్ని విజయాలు సాధించాలని ఆకాంక్షిస్తూ, ప్రభుత్వం అన్ని విధాలా అండగా ఉంటుందని భరోసా ఇచ్చారు.

పార్టీ బలోపేతానికి పెద్దపీట

పీఏసీ సమావేశంలో పార్టీ బలోపేతం, ప్రజా సమస్యలపై కీలక చర్చ

దిక్సూచి, హైదరాబాద్:

హైదరాబాద్‌ గాంధీభవన్‌లో మంగళవారం పెద్దపల్లి జిల్లా కాంగ్రెస్‌ పార్టీ పీఏసీ సమావేశం టీపీసీసీ అధ్యక్షులు శ్రీ మహేష్‌ కుమార్‌ గౌడ్‌ గారి అధ్యక్షతన జరిగింది. సమావేశంలో ఏఐసీసీ కార్యదర్శి శ్రీ సచిన్‌ సావంత్‌, మంత్రి శ్రీ దుద్దిళ్ల శ్రీధర్‌బాబు, ఎమ్మెల్యే శ్రీ మక్కన్‌ సింగ్‌ రాజ్‌ ఠాకూర్‌తో పాటు పలువురు ప్రజాప్రతినిధులు, పార్టీ ముఖ్య నాయకులు పాల్గొన్నారు.

పెద్దపల్లి జిల్లాలో కాంగ్రెస్‌ పార్టీని మరింత బలోపేతం చేయడం, క్షేత్రస్థాయిలో పార్టీ శ్రేణులను సమన్వయం చేయడం, ప్రజలకు ప్రభుత్వం అందిస్తున్న సంక్షేమ, అభివృద్ధి కార్యక్రమాలను మరింత విస్తృతంగా చేరవేయడంపై సమావేశంలో ప్రధానంగా చర్చ జరిగినట్లు సమాచారం.

ప్రజా సమస్యలను ఎప్పటికప్పుడు గుర్తించి వాటి పరిష్కారానికి కృషి చేయడంతో పాటు పార్టీ నాయకులు, కార్యకర్తల మధ్య సమన్వయం పెంపొందించాల్సిన అవసరాన్ని నేతలు ప్రస్తావించారు. రానున్న రోజుల్లో జిల్లాలో కాంగ్రెస్‌ పార్టీ కార్యక్రమాలను మరింత చురుగ్గా నిర్వహించేందుకు కార్యాచరణ రూపొందించడంపైనా చర్చించినట్లు తెలుస్తోంది.

ముఖ్యంగా గ్రామస్థాయి నుంచి పార్టీని మరింత బలోపేతం చేయడం, ప్రజలతో నిరంతరం మమేకమవుతూ వారి సమస్యలను ప్రభుత్వ దృష్టికి తీసుకెళ్లడం ద్వారా కాంగ్రెస్‌పై ప్రజల్లో మరింత విశ్వాసం పెంచే దిశగా నాయకులు సమిష్టిగా పనిచేయాలని సమావేశంలో నిర్ణయించినట్లు పార్టీ వర్గాలు పేర్కొన్నాయి.

పార్టీ రాష్ట్ర నాయకత్వం, ఏఐసీసీ ప్రతినిధులు, జిల్లా ప్రజాప్రతినిధులు, స్థానిక నాయకుల సమన్వయంతో పెద్దపల్లి జిల్లాలో కాంగ్రెస్‌కు మరింత పటిష్టమైన పునాది వేయడమే లక్ష్యంగా పీఏసీ సమావేశం సాగింది.

ప్రజా సంక్షేమం, అభివృద్ధి రెండు కళ్లు

రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు*

ప్రజలకు ఇచ్చిన హామీలను ఒక్కొక్కటిగా అమలు చేస్తున్న ప్రజా ప్రభుత్వం

200 యూనిట్ల వరకు ఉచిత విద్యుత్, మహిళలకు ఉచిత బస్సు ప్రయాణం వంటి సంక్షేమ పథకాల అమలు

భూ భారతి ద్వారా ధరణి వల్ల ఏర్పడిన భూ సమస్యలకు పరిష్కారం

మొదటి దశలో ప్రతి జిల్లాలో 70 గ్రామాల్లో భూ రీ-సర్వే*

ప్రజలకు మెరుగైన సేవలు అందించేలా తహసీల్దార్ కార్యాలయాలు పనిచేయాలి*

మంథని గంగాపురి వద్ద రూ.2.55 కోట్లతో నిర్మించిన 33/11 కేవీ సబ్‌స్టేషన్ ప్రారంభం

కమాన్ పూర్‌లో రూ.75 లక్షలతో నిర్మించిన నూతన తహసీల్దార్ కార్యాలయం ప్రారంభం*

దిక్సూచి, మంథని:

ప్రజా సంక్షేమం, అభివృద్ధి రెండు కళ్లుగా భావించి ప్రజా ప్రభుత్వం ముందుకు సాగుతోందని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు అన్నారు. ప్రజలకు ఇచ్చిన హామీలను ఒక్కొక్కటిగా అమలు చేస్తూ, సంక్షేమ కార్యక్రమాలతో పాటు మౌలిక వసతుల అభివృద్ధికి ప్రభుత్వం సమాన ప్రాధాన్యత ఇస్తోందని తెలిపారు.

సోమవారం మంథని మండలం గంగాపురి వద్ద రూ.2.55 కోట్ల వ్యయంతో నిర్మించిన 33/11 కేవీ సబ్‌స్టేషన్‌ను, కమాన్ పూర్ మండలంలో రూ.75 లక్షల వ్యయంతో నిర్మించిన నూతన తహసీల్దార్ కార్యాలయాన్ని *జిల్లా కలెక్టర్ కోయ శ్రీహర్షతో* కలిసి *మంత్రి దుద్దిళ్ల శ్రీధర్ బాబు ప్రారంభించారు.

ఈ సందర్భంగా *మంత్రి  దుద్దిళ్ల శ్రీధర్ బాబు మాట్లాడుతూ,* రాష్ట్ర ప్రభుత్వం ప్రజలకు ఇచ్చిన హామీలను దశలవారీగా అమలు చేస్తోందని తెలిపారు. మహిళలకు ఉచిత బస్సు ప్రయాణం, 200 యూనిట్ల వరకు ఉచిత విద్యుత్ వంటి పలు సంక్షేమ కార్యక్రమాలను అమలు చేస్తున్నామని అన్నారు. ప్రజలకు సంక్షేమాన్ని అందించడంతో పాటు గ్రామీణ ప్రాంతాల్లో మౌలిక వసతులను అభివృద్ధి చేసి ప్రజల జీవన ప్రమాణాలను మెరుగుపరచడమే ప్రభుత్వ లక్ష్యమని పేర్కొన్నారు.

మంథని ప్రాంతంలో విద్యుత్ సరఫరాను మరింత మెరుగుపరిచేందుకు గంగాపురి వద్ద ఏర్పాటు చేసిన 33/11 కేవీ సబ్‌స్టేషన్ ఎంతో ఉపయోగపడుతుందని మంత్రి తెలిపారు. ఈ సబ్‌స్టేషన్ ద్వారా పరిసర ప్రాంతాలకు నాణ్యమైన, స్థిరమైన విద్యుత్ సరఫరా అందించేందుకు అవకాశం ఏర్పడుతుందని అన్నారు. రైతులు, గృహ వినియోగదారులు, వ్యాపారులు, పరిశ్రమలకు విద్యుత్ సరఫరాలో ఎలాంటి ఇబ్బందులు లేకుండా అధికారులు నిరంతరం పర్యవేక్షించాలని సూచించారు.

ప్రజా సంక్షేమ పథకాల అమలుతో పాటు విద్యుత్, రహదారులు, తాగునీరు, విద్య, వైద్యం వంటి మౌలిక సదుపాయాలను బలోపేతం చేయాలని మంత్రి అధికారులను ఆదేశించారు. అభివృద్ధి పనుల్లో నాణ్యతకు ప్రాధాన్యత ఇవ్వాలని, మంజూరైన నిధులను సకాలంలో వినియోగిస్తూ పనులను నిర్ణీత గడువులో పూర్తి చేయాలని సూచించారు.

*భూ భారతి ద్వారా భూ సమస్యలకు పరిష్కారం*

రాష్ట్రంలో భూ సమస్యలకు శాశ్వత పరిష్కారం చూపించేందుకు ప్రభుత్వం భూ భారతి ద్వారా చర్యలు చేపడుతోందని మంత్రి శ్రీధర్ బాబు తెలిపారు. గతంలో ధరణి వ్యవస్థలో ఏర్పడిన అనేక సమస్యల కారణంగా రైతులు, భూ యజమానులు ఇబ్బందులు ఎదుర్కొన్నారని పేర్కొన్నారు. భూ భారతి ద్వారా భూ రికార్డులను ప్రక్షాళన చేసి, ప్రజలకు పారదర్శకంగా భూ సేవలు అందించేలా ప్రభుత్వం చర్యలు తీసుకుంటోందని తెలిపారు.

భూ రీ-సర్వే కార్యక్రమాన్ని దశలవారీగా చేపడుతున్నామని, మొదటి దశలో ప్రతి జిల్లాలో 70 గ్రామాలను ఎంపిక చేసి సర్వే నిర్వహించేలా చర్యలు తీసుకుంటున్నట్లు మంత్రి వెల్లడించారు. భూ రికార్డుల్లో ఉన్న సమస్యలను గుర్తించి పరిష్కరించడంతో పాటు భవిష్యత్తులో భూ వివాదాలకు అవకాశం లేకుండా అధికారులు సమగ్రంగా పనిచేయాలని సూచించారు.

రైతులు, ప్రజలు తమ భూ సమస్యల పరిష్కారం కోసం కార్యాలయాల చుట్టూ తిరిగే పరిస్థితి లేకుండా చూడాలని మంత్రి అధికారులకు సూచించారు. భూ భారతి ద్వారా అందిస్తున్న సేవలపై ప్రజలకు అవగాహన కల్పించాలని అన్నారు.

*తహసీల్దార్ కార్యాలయం ప్రజలకు సేవా కేంద్రంగా పనిచేయాలి*

కమాన్ పూర్ మండలంలో నూతనంగా నిర్మించిన తహసీల్దార్ కార్యాలయం ప్రజలకు మెరుగైన సేవలు అందించే కేంద్రంగా పనిచేయాలని మంత్రి శ్రీధర్ బాబు సూచించారు. కార్యాలయానికి వచ్చే ప్రతి ఒక్కరిని గౌరవంగా స్వీకరించి, వారి సమస్యలను సకాలంలో పరిష్కరించాలని అన్నారు.

ప్రజలు అందించే దరఖాస్తులు, ఫిర్యాదులను పెండింగ్‌లో ఉంచకుండా నిర్ణీత గడువులో పరిష్కరించాలని, ప్రభుత్వ సేవలను పారదర్శకంగా అందించాలని అధికారులను ఆదేశించారు. ప్రజలకు అందుబాటులో ఉండే విధంగా అధికారులు పనిచేయాలని, క్షేత్రస్థాయిలో పర్యటించి సమస్యలను గుర్తించి వాటికి పరిష్కారం చూపాలని సూచించారు.

*జిల్లా కలెక్టర్ కోయ శ్రీహర్ష మాట్లాడుతూ,*  మంత్రి దుద్దిళ్ల శ్రీధర్ బాబు సూచనల మేరకు జిల్లాలో అభివృద్ధి, సంక్షేమ కార్యక్రమాలను సమన్వయంతో అమలు చేస్తున్నామని తెలిపారు. జిల్లాలో మంజూరైన అభివృద్ధి పనులను నాణ్యతా ప్రమాణాలతో నిర్ణీత గడువులో పూర్తి చేసేలా సంబంధిత శాఖల అధికారులతో నిరంతరం సమీక్షిస్తున్నామని అన్నారు.

ప్రజలకు ప్రభుత్వ సేవలు మరింత చేరువయ్యేలా అధికారులు పనిచేయాలని కలెక్టర్ సూచించారు. ప్రజల నుంచి వచ్చే ఫిర్యాదులను సత్వరమే పరిష్కరించాలని, సమస్యలను క్షేత్రస్థాయిలోనే గుర్తించి పరిష్కరించే విధంగా అధికారులు గ్రామాల్లో పర్యటించాలని ఆదేశించారు.

ప్రభుత్వ సంక్షేమ పథకాలు అర్హులైన ప్రతి ఒక్కరికీ అందేలా అధికారులు ప్రత్యేక దృష్టి సారించాలని కలెక్టర్ తెలిపారు. పథకాల అమలులో పారదర్శకత, జవాబుదారీతనం పాటించాలని, ప్రజలకు ఎలాంటి ఇబ్బందులు కలగకుండా సేవలు అందించాలని సూచించారు.

భూ భారతి, భూ రీ-సర్వే కార్యక్రమాలను సమర్థవంతంగా అమలు చేసేందుకు రెవెన్యూ అధికారులు క్షేత్రస్థాయిలో సమన్వయంతో పనిచేయాలని కలెక్టర్ అన్నారు. భూ రికార్డుల సమస్యలను గుర్తించి, నిబంధనల ప్రకారం పరిష్కరించి ప్రజలకు ఇబ్బందులు లేకుండా చూడాలని ఆదేశించారు.

విద్యుత్ సబ్‌స్టేషన్ ద్వారా ప్రజలకు మెరుగైన విద్యుత్ సరఫరా అందేలా సంబంధిత అధికారులు నిరంతరం పర్యవేక్షించాలని కలెక్టర్ సూచించారు. విద్యుత్ సరఫరాలో సమస్యలు తలెత్తిన వెంటనే స్పందించి పరిష్కరించాలని, వ్యవసాయ రంగానికి అవసరమైన విద్యుత్ సరఫరాపై ప్రత్యేక శ్రద్ధ వహించాలని అన్నారు.

ప్రజా ప్రతినిధులు, అధికారులు పరస్పర సమన్వయంతో పనిచేస్తేనే ప్రభుత్వ సంక్షేమ, అభివృద్ధి కార్యక్రమాల ఫలాలు ప్రజలకు పూర్తిస్థాయిలో అందుతాయని మంత్రి మరియు కలెక్టర్ పేర్కొన్నారు.

ఈ కార్యక్రమాల్లో జిల్లా గ్రంధాలయ శాఖ చైర్మన్ అంతటి అన్నయ్య గౌడ్, ఆర్డిఓ సురేష్, తహసిల్దార్ వాసంతి, సంబంధిత ప్రజాప్రతినిధులు, విద్యుత్ శాఖ, రెవెన్యూ శాఖ అధికారులు, వివిధ శాఖల అధికారులు, సిబ్బంది,  తదితరులు పాల్గొన్నారు.