జ్ఞాపకాలను కాపాడుకుందాం.. అల్జీమర్స్‌పై అవగాహన పెంచుకుందాం

 

సెప్టెంబర్‌ 21న ప్రపంచ అల్జీమర్స్‌ దినోత్సవం

ముద్ర, హైదరాబాద్‌: 

అల్జీమర్స్‌ వ్యాధిపై ప్రజల్లో అవగాహన పెంచేందుకు ప్రతి సంవత్సరం సెప్టెంబర్‌ 21న ప్రపంచ అల్జీమర్స్‌ దినోత్సవాన్ని నిర్వహిస్తున్నారు. వయసు పెరిగే కొద్దీ జ్ఞాపకశక్తి తగ్గడం, ఇటీవల జరిగిన విషయాలను మర్చిపోవడం, రోజువారీ పనులు చేయడంలో ఇబ్బందులు ఎదుర్కోవడం వంటి లక్షణాలు అల్జీమర్స్‌కు సంబంధించినవిగా ఉండవచ్చు.

అల్జీమర్స్‌ అనేది డిమెన్షియాలో అత్యంత సాధారణ రూపాల్లో ఒకటి. వ్యాధి ముదిరే కొద్దీ జ్ఞాపకశక్తితో పాటు ఆలోచనా సామర్థ్యం, నిర్ణయాలు తీసుకునే సామర్థ్యం, రోజువారీ కార్యకలాపాలపై ప్రభావం పడే అవకాశం ఉంటుంది.

ప్రారంభ దశలోనే లక్షణాలను గుర్తించి వైద్యులను సంప్రదించడం ద్వారా పరిస్థితిని అంచనా వేసి తగిన చికిత్స, సంరక్షణ చర్యలు చేపట్టవచ్చు. వృద్ధుల్లో జ్ఞాపకశక్తి మార్పులను నిర్లక్ష్యం చేయకుండా కుటుంబ సభ్యులు వారికి అండగా నిలవాలని నిపుణులు సూచిస్తున్నారు.

అల్జీమర్స్‌ బాధితుల పట్ల ప్రేమ, సహనం, గౌరవంతో వ్యవహరించడం ఎంతో అవసరం. వారి భద్రత, ఆరోగ్యం, మానసిక ప్రశాంతతకు కుటుంబ సభ్యులు ప్రత్యేక శ్రద్ధ తీసుకోవాలి. అల్జీమర్స్‌ వ్యాధిపై అపోహలను తొలగించి, బాధితులు మరియు వారి కుటుంబాలకు సమాజం అండగా నిలవాలనే సందేశాన్ని ప్రపంచ అల్జీమర్స్‌ దినోత్సవం అందిస్తోంది.

చిన్నారులతో సెల్ఫీలు.. గణపతికి చందా!

వీడియో కోసం క్లిక్​ చేయండి... గణేశ్​ మండపాలను సందర్శించిన మంత్రి

గణనాథుడి సేవలో మంత్రి శ్రీధర్‌బాబు.. 

బాల గజానన మండళ్ల వద్ద ప్రత్యేకంగా గడిపిన మంత్రి

దిక్సూచి, మంథని: 

నిత్యం ప్రజా సమస్యలు, అభివృద్ధి కార్యక్రమాలతో బిజీగా ఉండే రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు ఆదివారం గణనాథుడి సేవలో తరించారు. మంథని పట్టణంలోని వివిధ ప్రాంతాల్లో ఏర్పాటు చేసిన గణేశ్‌ మండపాలను సందర్శించి ప్రత్యేక పూజలు నిర్వహించారు.

మందాట, మహాలక్ష్మి ఆలయం సమీపం, రావుల చెరువుకట్ట, వడ్లవాడ, కన్యకాపరమేశ్వరి ఆలయం, విశ్వబ్రాహ్మణ వీధి, సుభాష్‌నగర్‌, ఉస్మాన్‌పుర, మసీదువాడ (స్వర్ణకారుల సంఘం), బోయిన్‌పేట, పాత బస్టాండ్‌, వాగుగడ్డ, హమాలీ సంఘం తదితర ప్రాంతాల్లో ఏర్పాటు చేసిన గణేశ్‌ మండపాలను మంత్రి సందర్శించారు. గణనాథుడికి ప్రత్యేక పూజలు నిర్వహించి మంథని నియోజకవర్గంతో పాటు రాష్ట్ర ప్రజలందరూ సుఖసంతోషాలతో, పాడిపంటలతో, అష్టైశ్వర్యాలతో వర్ధిల్లాలని ఆకాంక్షించారు.

చిన్నారులతో సరదాగా..

ఈ పర్యటనలో కొన్ని మండపాల వద్ద ఏర్పాటు చేసిన **‘బాల గజానన మండలి’**లు ప్రత్యేక ఆకర్షణగా నిలిచాయి. చిన్నారులు స్వయంగా ఏర్పాటు చేసుకున్న గణేశ్‌ మండపాలను మంత్రి శ్రీధర్‌బాబు ఆసక్తిగా సందర్శించారు. చిన్నారులతో కాసేపు ముచ్చటించడమే కాకుండా వారితో ఫొటోలు దిగారు.

అయితే ఇక్కడే మరో ఆసక్తికరమైన దృశ్యం కనిపించింది. మంత్రి ఫొటోలకు మాత్రమే పరిమితం కాకుండా.. చిన్నారులు స్వయంగా సెల్ఫీలు తీసుకోవడానికి ఆసక్తి చూపగా, ఆయన ఓపికగా వారితో కలిసి ఫొటోలు దిగారు. చిన్నారుల ఉత్సాహాన్ని ప్రోత్సహిస్తూ వారి గణపతి మండలికి చందా కూడా అందించారు.

వేదమంత్రాల మధ్య సన్మానం

వివిధ గణేశ్‌ మండపాల వద్ద అర్చకులు వేదమంత్రాలతో మంత్రిని ఆశీర్వదించారు. మండపాల కమిటీ సభ్యులు శాలువాలతో శ్రీధర్‌బాబును సన్మానించారు. గణపతి ఉత్సవాలను భక్తిశ్రద్ధలతో, సోదరభావంతో నిర్వహించుకోవాలని మంత్రి ఆకాంక్షించారు. 

మండపాల సందర్శనలో చిన్నారులతో మంత్రి కలిసిపోయిన తీరు స్థానికంగా ప్రత్యేకంగా ఆకట్టుకుంది. ప్రజా సమస్యల పరిష్కారం, అభివృద్ధి కార్యక్రమాలతో నిత్యం బిజీగా ఉండే మంత్రి.. గణేశ్‌ ఉత్సవాల సందర్భంగా చిన్నారులతో కొంతసేపు సరదాగా గడపడం పలువురిని ఆకర్షించింది.

లోక కళ్యాణం కోసం గణపతి హవనం

గణపతి హోమంలో పాల్గొన్న రాష్ట్ర మంత్రి శ్రీధర్ బాబు

దిక్సూచి, మంథని:

మంథని లోని రావుల చెరువుకట్ట హనుమాన్ ఆలయంలో గణనాథుని వద్ద నిర్వహించిన గణపతి హోమంలో  రాష్ట్ర ఐటీ పరిశ్రమల మరియు శాసనసభ వ్యవహారాల మంత్రి  దుద్దిల్ల శ్రీధర్ బాబు పాల్గొన్నారు.

ఈ సందర్భంగా మంత్రి శ్రీధర్ బాబు మాట్లాడుతూ మంథని నియోజకవర్గ ప్రజలందరీకి, పెద్దపల్లి, భూపాలపల్లి జిల్లాల వాసులందరికీ, రాష్ట్ర ప్రజలందరీ  సుఖసంతోషాలతో, అష్టైశ్వర్యాలతో ఎల్లప్పుడూ సంతోషంగా ఉండాలని, వారికి  విఘ్నేశ్వరుని ఆశీస్సులు ఎల్లప్పుడూ ఉండాలని , అనుకున్న పనులన్నీ సజావుగా జరిగేలా ఆ విగ్నేశ్వరుని ఆశీస్సులు అందరిపై ఉండాలని అందరూ బాగుండాలి, అందులో మేముండాలి అని కోరుకునే పార్టీ కాంగ్రెస్ పార్టీ అని ప్రజా సంకల్పంతో ముందుకెళ్తున్నామని రాష్ట్ర ప్రభుత్వం మన ప్రభుత్వం అనేక సంక్షేమ పథకాలను తీసుకెళ్తూ ముందుకు నడిపిస్తున్నామన్నారు. ఈరోజు సంక్షేమంతో పాటు అభివృద్ధిని ఈ ప్రయత్న భాగంలోనే ఉపముఖ్యమంత్రి బట్టి విక్రమార్క సింగరేణి ప్రాంతంలో చాలా సంవత్సరాలుగా  స్థిర నివాసం ఏర్పరచుకున్న వారందరికీ పట్టాలను  కాంగ్రెస్ పార్టీ హయాంలో రాజశేఖర్ రెడ్డి చాలామందికి రేగులరైజేషన్ చేయడం జరిగింది. ఈ ప్రాంతానికి సంబంధించి ప్రత్యేకంగా మా ప్రాంతం గోదావరిఖని మంచిర్యాల, మందమర్రి, కొత్తగూడెం, ఇల్లందు లో ఇంకా మిగిలిపోయిన సింగరేణి స్థలాల సంబంధించి ఒక కమిటీ ఏర్పాటు చేసుకొని వెనువెంటనే వారికి పట్టా చేయాలని ఉపముఖ్యమంత్రి బట్టి విక్రమార్క ఆదేశించినందుకు వారికి హృదయపూర్వక కృతజ్ఞతలు తెలియజేసారు. ఇంకా సింగరేణి కార్మికులకు,  గ్రామీణ ప్రాంతంలో ఉన్న వారికి ఇందిరమ్మ ఇండ్ల కార్యక్రమానికి ఎక్కడ కూడా విఘ్నం కలగకుండా ఉండాలని కోరారు. పేదవాడి ఇల్లు పూర్తి స్థాయిలో పూర్తి చేసుకునే విధంగా సొంత ఇంటి కల నెరవేర్చుకునే సంకల్పంతో కాంగ్రెస్ పార్టీ ప్రభుత్వం ఉందన్నారు. అదే విధంగా పేదవారి కోసం అనేక  సంక్షేమ పథకాలను కాంగ్రెస్ ప్రభుత్వం చేపడుతుందని ఆ గణేశుని ఆశీస్సులు కోరుతూ లోకకల్యాణం గురించి రాష్ట్ర కల్యాణం గురించి ఈ ప్రాంత ప్రజలందరూ సుఖ సంతోషాలతో ఉండాలని కోరారు.

ఈ కార్యక్రమంలో మంథని మున్సిపల్ చైర్మన్ మరియు వైస్ చైర్మన్ కౌన్సిలర్స్ మండల కాంగ్రెస్ నాయకులు భక్తులు పెద్ద ఎత్తున పాల్గొన్నారు.

వీడియో కోసం.. కింది లింక్ క్లిక్ చేయండి

లోక కళ్యాణార్థం గణపతి హవనం