దిక్సూచి, బెల్లంపల్లి, జూలై 13: బెల్లంపల్లి వన్‌టౌన్ పోలీస్ స్టేషన్ పరిధిలో నమోదైన హత్యాయత్నం కేసులో ప్రధాన నిందితుడు, రౌడీ షీటర్ రసబత్తుల గణేష్ (ఏ1)ను పోలీసులు అరెస్టు చేసి రిమాండ్‌కు తరలించారు.
పోలీసుల వివరాల ప్రకారం, ఈ కేసులో ఇప్పటికే ఏ2 నుంచి ఏ5 వరకు నలుగురు నిందితులను జూలై 11న అరెస్టు చేసి రిమాండ్‌కు పంపించారు. అప్పటి నుంచి పరారీలో ఉన్న ప్రధాన నిందితుడు గణేష్ కోసం ప్రత్యేక బృందాలు గాలింపు చేపట్టాయి.
ఈ క్రమంలో బెల్లంపల్లి రైల్వే స్టేషన్ వద్ద నిందితుడిని అదుపులోకి తీసుకున్న పోలీసులు, అతని వద్ద నుంచి దాడికి ఉపయోగించిన ఒక కత్తిని స్వాధీనం చేసుకున్నారు.
అనంతరం నిందితుడిని కోర్టులో హాజరుపరచగా న్యాయస్థానం రిమాండ్ విధించింది. కేసుకు సంబంధించిన దర్యాప్తు కొనసాగుతోందని పోలీసులు తెలిపారు.
కామెంట్‌లు లేవు:
కామెంట్‌ను పోస్ట్ చేయండి