పెద్దపల్లి: సర్దార్ సర్వాయి పాపన్న గౌడ్ కు ఘన నివాళి

సర్దార్ సర్వాయి పాపన్న గౌడ్ చిత్రపటానికి నివాళులు అర్పిస్తున్న కలెక్టర్ కోయ శ్రీ హర్ష

సోమవారం సమీకృత జిల్లా కలెక్టరేట్ లోని సమావేశ మందిరంలో రాష్ట్ర ప్రభుత్వ ఆదేశాల మేరకు జిల్లా వెనుకబడిన తరగతుల అభివృద్ధి శాఖ ఆధ్వర్యంలో అధికారికంగా నిర్వహించిన సర్దార్ సర్వాయి పాపన్న గౌడ్ జయంతి కార్యక్రమంలో *జిల్లా కలెక్టర్ కోయ శ్రీ హర్ష, అదనపు కలెక్టర్ డి.వేణు తో* కలిసి  పాల్గొని జ్యోతి ప్రజ్వలన చేసి, సర్దార్ సర్వాయి పాపన్న గౌడ్ చిత్రపటానికి పూలమాలలు వేసి నివాళులు అర్పించారు.

సర్దార్ సర్వాయి పాపన్న గౌడ్ జీవిత చరిత్ర, ముఖ్య అంశాలను అధికారులు వివరించారు. 

ఈ సందర్భంగా  *జిల్లా కలెక్టర్ కోయ శ్రీ హర్ష మాట్లాడుతూ,* సర్దార్ సర్వాయి పాపన్న గౌడ్ ఆశయ సాధనకు పాటుపడాలని జిల్లా కలెక్టర్ కోరారు.  వీరోచిత పోరాటానికి, సమానత్వానికి ప్రతీకగా పాపన్న గౌడ్ నిలిచారని అన్నారు.  గోల్కొండ కోట నుంచి ఈ ప్రాంతాన్ని ఆయన పాలించారని, ప్రతి వర్గాన్ని తన పాలనలో కలుపుకొని వెళ్లారని అన్నారు.

ఔరంగ జేబ్  ప్రపంచంలో మంచి కీర్తి సంపాదిస్తున్న సమయంలో ఒక  సామాన్య వ్యక్తి నుంచి గోల్కొండ కోటను స్వాధీనం చేసుకుని పరిపాలన చేసే స్థాయికి పాపన్న గౌడ్ ఎదిగారని అన్నారు. ప్రభుత్వ ఆదేశాల మేరకు ప్రతి సంవత్సరం పాపన్న గౌడ్ పోరాటాలను గుర్తు చేసుకుంటూ ఆయన జయంతి వేడుకలను అధికారికంగా జరుపుకుంటున్నామని అన్నారు.

ఈ కార్యక్రమంలో జిల్లా బీసి అభివృద్ధి అధికారి రంగా రెడ్డి, జిల్లా గౌడ సంఘం అధ్యక్షులు ఎం.అంజయ్య గౌడ్,  మాజీ ఎం పి పి గోపగాని సారయ్య గౌడ్, గౌడ సంఘాల నాయకులు బాలసాని వెంకటేశం గౌడ్, జాగిరి అంజి గౌడ్, పడాల సతీష్ గౌడ్, మూల మల్లేశం గౌడ్,బొబ్బిలి రాజమౌళి గౌడ్, కొండ సుజాత గౌడ్, బీసీ నాయకులు తాడూ రి శ్రీమాన్,  నరేంద్ర, ప్రజా ప్రతినిధులు, తదితరులు పాల్గొన్నారు..

పెద్దపల్లి: అర్జీల పరిష్కారం సత్వరమే పూర్తి చేయాలి

అర్జీలను స్వీకరిస్తున్న పెద్దపల్లి జిల్లా కలెక్టర్ కోయ శ్రీ హర్ష

అర్జీల పరిష్కారం సత్వరమే చేయాలని, ప్రజావాణి దరఖాస్తులకు అత్యంత ప్రాధాన్యతనిచ్చి అర్జీలను పెండింగ్ లో ఉంచకుండా పరిష్కరించాలని *జిల్లా కలెక్టర్ కోయ శ్రీ హర్ష* సంబంధిత  అధికారులను ఆదేశించారు.

సోమవారం ప్రజావాణి కార్యక్రమం సందర్భంగా *జిల్లా కలెక్టర్ కోయ శ్రీ హర్ష* సమీకృత జిల్లా కలెక్టరేట్ లో అదనపు కలెక్టర్ డి.వేణు తో కలిసి ప్రజల నుండి దరఖాస్తులను స్వీకరించారు.

* పెద్దపల్లి మండలం జీలకుంట గ్రామానికి చెందిన స్వరూప భారీ వర్షాలకు తన ఇండ్లు కూలిపోయిందని, తనకు ఇందిరమ్మ ఇండ్లు మంజూరు చేయాలని కోరుతూ దరఖాస్తు చేసుకోగా పీడీ హౌసింగ్ కు రాస్తూ అవసరమైన చర్యలు తీసుకోవాలని కలెక్టర్ సూచించారు 

* పెద్దపల్లి మండలం రాఘవ పూర్ గ్రామానికి చెందిన సామాజిక కార్యకర్త బొబ్బిలి సత్యనారాయణ  పెద్ద బొంకూరు గ్రామంలో సర్వే నెంబర్ 534 లో 6 ఎకరాల భూమి ఎల్.ఆర్.ఎస్ అనుమతులు తీసుకోకుండా విచ్చలవిడిగా ఓపెన్ ప్లాట్లు అమ్మకాలు కొనుగోలు జరుగుతున్నాయని, దీనిపై చర్యలు తీసుకోవాలని కోరుతూ దరఖాస్తు చేసుకోగా జిల్లా పంచాయతీ అధికారి కు రాస్తూ అవసరమైన చర్యలు తీసుకోవాలని కలెక్టర్ తెలిపారు.

* ముత్తారం మండలం పోతారం గ్రామానికి చెందిన గోనెల రవి, ఎన్.లక్ష్మీ, ఓదెలు , రాజమల్లు గ్రామ శివారులోని ప్రభుత్వ భూమి 59వ సర్వే నెంబర్ లో  భూమి గత 40 సంవత్సరాలుగా పూర్వీకుల నుండి   సాగు చేసుకుంటున్నారని, ఆ భూమి ప్రస్తుతం తన కబ్జాలో ఉందని, తనకు ఎటువంటి పట్టా లేదని మోకా పై సర్వే చేయించి పట్టాలు ఇప్పించాలని కోరుతూ దరఖాస్తు చేసుకోగా  తహసిల్దార్ కు రాస్తూ అవసరమైన చర్యలు తీసుకోవాలని అన్నారు. కార్యక్రమంలో  సంబంధిత జిల్లా అధికారులు, తదితరులు పాల్గొన్నారు.

మంచిర్యాల: వరద ప్రభావిత పరిస్థితులను పరిశీలించిన డిసిపి

 

స్థానిక పోలీస్ అధికారులతో కలిసి వరద ప్రభావిత ప్రాంతాలను శనివారం మంచిర్యాల డిసిపి ఏ భాస్కర్ సందర్శించారు. రాళ్లవాగు, మంచిర్యాల, లక్సెట్టిపేట్ పరిధిలోనీ గ్రామాలు గంపలపల్లి, కొమ్ముగూడెం, గోదావరి నది పరివాహక ప్రాంతాలు, చెరువులు, వాగులు, వంతెనలు మరియు ప్రధాన రహదారులను సందర్శించి పరిస్థితిని సమీక్షించారు. డీసీపీ మాట్లాడుతూ  ప్రజలకు ఎలాంటి ఇబ్బందులు కలగకుండా, వివిధ శాఖలతో సమన్వయం చేసుకుంటూ ప్రణాళికాబద్ధంగా చర్యలు తీసుకుంటున్నాము అన్నారు.  వర్షాల ప్రభావం, వరద పరిస్థితుల్లో తీసుకోవాల్సిన జాగ్రత్తలపై ప్రజలకు ఎప్పటికప్పుడు సామాజిక మాధ్యమాల ద్వారా ప్రజలకు  అవగాహన కల్పిస్తున్నాము అని తెలిపారు. అలాగే వివిధ గ్రామాలకు అనుసంధానంగా ఉన్న కల్వర్ట్లు, బ్రిడ్జిలు నీటిమునిగే ప్రమాదం ఉన్నందున, వరద నీటి ఉధృతిని అంచనా వేయకుండా నదులు, వాగులు, కాలువలు, కుంటలు దాటే ప్రయత్నం చేయకూడదు అన్నారు .వర్షాల కారణంగా ప్రజలు అనవసరంగా బయటకు వెళ్లకుండా, జాగ్రత్తలు పాటించాలని సూచించారు.అత్యవసర సహాయం కోసం ప్రజలు 100 నంబర్‌కు కాల్ చేయవచ్చు అన్నారు.  డిసిపి వెంట మంచిర్యాల పట్టణ ఇన్స్పెక్టర్ ప్రమోద్ రావు, లక్షేట్టి పేట్ సిఐ రమణమూర్తి , ఎస్ఐ సురేశ్ పాల్గొన్నారు.

గోదావరిఖని: ఆర్ ఎఫ్ సిఎల్ అధికారుల పై ఎమ్మెల్యే ఆగ్రహం

*రైతులకు యూరియా కొరత సృష్టించేందుకు కేంద్రం కుట్రలు

*అణుబాంబుల క్రింద బ్రతుకుతున్నాం 

 *తెలంగాణ కు 50 శాతం యూరియా ఇవ్వవలసిందే

*ఆర్ఎఫ్ సిఎల్ లో జరుగుతున్న అక్రమాల పై సిబిఐకి ఫిర్యాదు చేస్తా   

*రసాయనాల శాఖమంత్రిని కలిసి సమస్యల పై విన్నపిస్తా                                           

                                          

 రామగుండం శాసనసభ్యులు రాజ్ ఠాకూర్ మక్కాన్సింగ్ శనివారం ఎస్ సి ఎల్ లో సందర్శించి అధికారులను అడిగి వివరాలు తెలుసుకున్నారు. అనంతరం ఫ్యాక్టరీ నిర్మాణంలో జరిగిన అవకతవకలపై మరియు రాష్ట్రానికి రావలసిన యూరియా వాటా గురించి ప్రస్తావిస్తూ పలు అంశాలతో కూడిన మెమోరండం ను సంబంధిత మంత్రిత్వ శాఖ కు అధికారుల ద్వారా ఇవ్వడం జరిగింది ఈ పత్రంలోని ముఖ్య విషయాలు ఈ క్రింది విధంగా ఉన్నాయి

1 ,Rfcl ప్లాంట్ 2021 లో ప్రారంభం అయినప్పటినుంది అమ్మోనియా పైప్ లైన్ లికేజ్ వలన ఉత్పత్తి ఆగిపోయినది

 

2, పైప్ లైన్ నిర్మాణం నాసిరకంగా జరిగినది దీనివలన అమ్మోనియా లీక్ అయి ఈ ప్రాంత ప్రజల ప్రాణాలకు ముప్పు వాటిల్లే అవకాశం ఉంది 

ఈ పైప్ లైన్ నిర్మాణంపై సీబీఐ తో గాని ఎక్సపర్ట్ కమిటీతో విచారణ చేపట్టాలి

3, ఈ పైప్ లైన్ నిర్మించిన కంపెనీ EIL నుండి పెనాల్టీ వసూల్ చేయాలి

 సీన్స్ట్రేక్షన్ మరియు ఎరక్షన్ ప్రాబ్లేమ్ ను వెంటనే సరి చేయాలి

4, తెలంగాణాకు యూరియా కొరత లేకుండా  చూసేందుకుగా యూ url కండిషల్ గాను రాష్ట్ర ప్రభుత్వం 11శాతం పెట్టుబడి పెట్టి ప్రాజెక్టు నిర్మాణానికి క్లియరెన్స్ ఇవ్వడం జరిగింది

5,   50 శాతం యూరియా తెలంగాణా కు ఇస్తామని ప్లంట్ నిర్మాణం సమయంలో హామీ ఇవ్వడం జరిగింది కానీ అమలు జరగడం లేదు

6 'గత ఏడాది కంటే ఈ సంవత్సరం సాగు పెరిగింది అదనంగా యూరియా సప్లై చేయాలసింది పోయి తెలంగాణాకు ఇవ్వవల్సిన యూరియా కోటాలో లక్ష టన్నుల యూరియా తగ్గించారు

మే,జూన్,జులై,కోటాలో సగం కూడా ఇవ్వలేదు

ఆగస్ట్ లో 65 వేల టన్నులకు గాను 20 వేల టన్నులే ఇచ్చారు

ఇప్పుడు మల్లి ఫ్యాక్టరీ షట్ డౌన్ అయింది

 జీరో లెవెల్ డిశ్చర్జ్  ప్లాంట్ ను ఉత్పత్తి కి ముందే నిర్మించాలి కానీ 4సంవత్సరాలు గా టెండర్ కాల్ ఫార్ చేసి  వాళ్లకు సంబంధించిన  కాంట్రాక్టర్  రాకపోవడం తో వాయిదా వేయడం రామగుండం ప్రజలు కాలుష్యంతో ఇబ్బందులు పడుతూ ప్రాణాలు పోగొట్టుకుంటున్నారు వెంటనే ZDL ప్లా0ట్ నిర్మాణం చేపట్టాలి.ప్రాజెక్టు నిర్మాణ లోపాలతో వరుసగా షాట్ డౌన్ అవుతుంది దీనివలన రైతులు తీవ్ర ఇబ్బందులు పడుతున్నారు  దీనికి కారణం నిర్ణయాలు తీసుకోవడంలో జాప్యం జరుగుతుంది దీనికి కారణం ఫ్యాక్టరీ హెడ్ ఆఫీస్ ఇక్కడ లేకపోవడమే కాబట్టి వెంటనే నోయిడా నుండి కేంద్ర కార్యాలయాన్ని రామగుండానికి తరలించాలి. పై విషయాలను  విషయాలపై స్పందించి ఫ్యాక్టరీ యజమానులు మరియు కేంద్ర ప్రభుత్వం తగు నిర్ణయం తీసుకొని రైతులకు సకాలంలో యూరియా అందించాలి  అదేవిధంగా ప్రభావిత ప్రాంతాల్లో నివసిస్తున్న ప్రజల ఆరోగ్యాలను దృష్టిలో ఉంచుకొని పలు సవరణలు చేయాలని ఆయన డిమాండ్ చేయడం చేశారు, వీర్లపల్లి గ్రామాన్ని ఆర్ అండ్ ఆర్ కింద ఇతర ప్రాంతాలకు తరలించి వారిని ఆదుకోవాలని చెప్పేసి కాంగ్రెస్ పార్టీ పక్షాన డిమాండ్ చేస్తా ఉన్నాం.  లేనిపక్షంలో కేంద్ర ప్రభుత్వంపై ప్రజలు పెద్ద ఎత్తున తిరగబడతారని విచారించారు  ఈ కార్యక్రమంలో ఆర్ ఎఫ్ సి ఎల్ అధికారులు కాంగ్రెస్ పార్టీ సీనియర్ నాయకులు మాజీ కార్పొరేటర్లు గ్రామ నాయకులు వివిధ విభాగాల అధ్యక్షులు తదితరులు ఉన్నా

పెద్దపల్లి: వెలుగు కాంతుల్లో పెద్దపల్లి పట్టణం

 

 పట్టణ సుందరీకరణకు ప్రజలందరూ సహకరించాలి..

*పెద్దపల్లి శాసనసభ్యులు విజయరమణ రావు 

పెద్దపల్లి పట్టణంలో కునారం రోడ్ మరియు కమాన్ రోడ్డు వద్ద టి.యూ.ఎఫ్.ఐ.డి.సి నిధులు ₹44.00 లక్షల రూపాయలతో నూతనంగా ఏర్పాటు చేసిన సెంట్రల్ లైటింగ్స్ మరియు ఎల్ఈడి స్ట్రిప్ లైట్స్ ని మున్సిపల్ కమిషనర్ ఆకుల వెంకటేష్ గారు మరియు స్థానిక నాయకులతో  కలిసి ప్రారంభించిన గౌరవ పెద్దపల్లి శాసనసభ్యులు శ్రీ. చింతకుంట విజయరమణా రావు 

ఈ సందర్భంగా ముఖ్యమంత్రి రేవంత్ రెడ్డి సహకారంతో పెద్దపల్లి పట్టణాన్ని అభివృద్ధి చెయ్యడమే లక్ష్యంగా పనిచేయడం జరుగుతుందని అందుకు నిదర్శనం ఇటీవల చాకలి ఐలమ్మ విగ్రహం  నుండి జండా చౌరస్తా వరకు, పెద్దమజీద్ నుండి అమర్ నగర్ వరకు, దేవిడి కోట నుండి చాకలి ఐలమ్మ వరకు బీటీ రోడ్లను వెయ్యడం జరిగింది అని అలాగే చీకురాయి రోడ్, పెద్దమ్మ నగర్, చందపల్లి వైపు డివైడర్లను ఏర్పాటు చెయ్యడం జరుగుతుంది అని వాటికి కూడ త్వరలోనే దసరా వరకు సెంట్రల్ లైటింగ్ ఏర్పాటు చేస్తామని జెండా చౌరస్తా కూడలి కూడ 50 లక్షల రూపాయలతో అద్భుతంగా హైలాండ్ లాగ త్వరలోనే అభివృద్ధి చేయడం6 జరుగుతుందని త్వరలోనే జండా చౌరస్తా నుండి మజీద్ వరకు వ్యాపారస్తులతో మాట్లాడి వారి అభిప్రాయం ఆలోచన మేరకు ఒక కోటి ఐబై లక్షల రూపాయలతో రోడ్డు వెడల్పు కార్యక్రమం చేయబోతున్నమని పెద్దపల్లి పట్టణంలోని వ్యవసాయ మార్కెట్ పరిసరాల్లో ఇండోర్ గేమ్స్ కొరకు కూడ ఆలోచన చెయ్యడం జరుగుతుంది అని పెద్దపల్లి పట్టణంలోని కూరగాయల మార్కెట్ అభివృద్ధి పనులకు గౌరవ మంత్రుల చేతుల మీదుగా శంకుస్థాపన చేసినప్పటికీ వర్షాకాలం దృష్ట్యా పనులు మొదలు కాలేదని వర్షాకాలం అయిపోగానే పనులు మొదలు పెట్టడం జరుగుతుందని అన్నారు పెద్దపల్లి బస్ డిపో నిర్మాణం కూడ టెండర్ పూర్తి చేసుకోవడం వంద పడకల ప్రభుత్వ ఆసుపత్రి పిల్లర్ల నిర్మాణం పూర్తి కావచయని పెద్దపల్లి పట్టణంలో కులాల వారిగా స్మశానవాటికలు ఉన్నప్పటికీ అందరికీ ఉపయోగపడేలా స్మశాన వాటిక లేకపోవడంతో గౌరవ కలెక్టర్ గారితో మాట్లాడడం జరిగిందని త్వరలోనే అన్ని కులాలకు ఉపయోగపడేలా ఐదు కోట్ల రూపాయలతో మోడ్రన్ హిందు స్మశాన వాటిక త్వరలో అందుబాటులో తీసుకొస్తామని గడిచిన 18 నెలల కాలంలో 35 కోట్ల రూపాయల అభివృద్ధి పనులు చేయడం జరిగిందని అభివృద్ధి కార్యక్రమంలో పాల్గొంటున్న మున్సిపల్ కమిషనర్ గారికి మున్సిపల్ అధికారులకు పట్టణ ప్రజలకు ఎలక్ట్రానిక్ మరియు ప్రింట్ మీడియా మిత్రులకు ప్రత్యేక ధన్యవాదాలు తెలియజేశారు. కార్యక్రమంలో మున్సిపల్ కమిషనర్ ఆకుల వెంకటేష్, ఏఈ సతీష్, వ్యవసాయ మార్కెట్ చైర్ పర్సన్ ఈర్ల స్వరూప, మాజీ కౌన్సిలర్లు, కాంగ్రెస్ పార్టీ నాయకులు, కార్యకర్తలు మరియు వార్డు ప్రజలు మరియు మున్సిపల్ సిబ్బంది తదితరులు పాల్గొన్నారు.

కరీంనగర్: స్వాతంత్ర్య వేడుకల వీడియో 2

 

కరీంనగర్ పోలీస్ పెరేడ్ గ్రౌండ్స్ లో జాతీయ పతాకాన్ని ఆవిష్కరించే కార్యక్రమంలో ఐటీ, పరిశ్రమల శాఖ మంత్రి శ్రీధర్ బాబు 

కరీంనగర్: స్వాతంత్ర్య వేడుకల వీడియో

 కరీంనగర్ పోలీస్ పెరేడ్ గ్రౌండ్లో నిర్వహించిన స్వాతంత్ర్య దినోత్సవ వేడుకలకు ఐటీ, పరిశ్రమలు, శాసన సభ వ్యవహారాల మంత్రి దుద్దిళ్ళ శ్రీధర్ బాబు హాజరయ్యారు.

పోలీసు గౌరవ వందనం స్వీకరించిన తర్వాత జాతీయ పతాకాన్ని ఆవిష్కరించారు. అనంతరం స్వాతంత్ర్య సమర యోధులను సత్కరించారు.

కరీంనగర్: స్వాతంత్ర్య వేడుకల్లో మంత్రి శ్రీధర్ బాబు

కరీంనగర్ పోలీస్ పెరేడ్ గ్రౌండ్లో నిర్వహించిన స్వాతంత్ర్య దినోత్సవ వేడుకలకు ఐటీ, పరిశ్రమలు, శాసన సభ వ్యవహారాల మంత్రి దుద్దిళ్ళ శ్రీధర్ బాబు హాజరయ్యారు.

పోలీసు గౌరవ వందనం స్వీకరించిన తర్వాత జాతీయ పతాకాన్ని ఆవిష్కరించారు. అనంతరం స్వాతంత్ర్య సమర యోధులను సత్కరించారు.

మంథని: జెండా వందనం చేసిన దుద్దిల్ల శ్రీను బాబు

మంథని పోలీస్ స్టేషన్ సమీపంలోని కాంగ్రెస్ పార్టీ జెండా గద్దె వద్ద, మంథని మండల కాంగ్రెస్ కమిటీ ఆధ్వర్యంలో మరియు మంథని పట్టణములో టాటా ఏసీ ఆటో యూనియన్ ఆద్వర్యంలో,మరియు ఫ్రెండ్స్ క్లబ్ యూనియన్ ఆధ్వర్యంలో స్వాతంత్ర్య దినోత్సవ వేడుకలు గణంగా నిర్వహించ్చారు.ఈ కార్యక్రమంలో టీపీసీసీ రాష్ట్ర ప్రధాన కార్యదర్శి దుద్దిళ్ల శ్రీను బాబు ముఖ్య అతిథిగా పాల్గొన్నారు. అనంతరం ఆయన స్వాతంత్ర్య సంగ్రామ వీరులను స్మరించుకుంటూ, దేశ భక్తి భావనతో ప్రతి పౌరుడు దేశ అభివృద్ధికి కృషి చేయాలని పిలుపునిచ్చారు. అనంతరం  దుదిల్ల శ్రీను బాబు విద్యార్థులకు బుక్స్ పంపిణీ చేసినారు.ఈ కార్యక్రమంలో కాంగ్రెస్ మండల పార్టీ అధ్యక్షుడు అయిలి ప్రసాద్, పట్టణ అధ్యక్షుడు పోలు శివ, మంథని మాజీ ఎంపీపీ కొండా శంకర్,మంథని మాజీ సర్పంచ్ బొడ్నాల శ్రీనివాస్,ఎఏంసి చైర్మన్ కుడుదుల వెంకన్న, ఎస్సీ సెల్ డివిజన్ అధ్యక్షుడు మంతిని సత్యం, గోటికారి కిషన్ జి,స్థానిక కాంగ్రెస్ నాయకులు,కార్యకర్తలు, ప్రజలు ఉత్సాహంగా పాల్గొన్నారు.

కాటారం: ఉచిత కంటి అద్దాలు పంపీణి చేసిన TPCC ప్రధాన కార్యదర్శి దుద్దిళ్ల శ్రీను బాబు

రాష్ట్ర ఐటి శాఖ మంత్రి దుద్దిళ్ల శ్రీధర్ బాబు సౌజన్యంతో, పుష్పగిరి కంటి ఆసుపత్రి ఆధ్వర్యంలో ఇటీవల  నిర్వహించిన మెగా హెల్త్ క్యాంప్ లో కంటి ఆపరేషన్ చేయించుకున్న వారికి గారేపల్లి గ్రామంలో ఈ రోజు ఉచిత కంటి అద్దాల పంపిణీ కార్యక్రమం నిర్వహించబడింది. 

ఇటీవల కంటి ఆపరేషన్ చేయించుకున్న వందలాది మంది రోగులు ఈ సేవా కార్యక్రమం ద్వారా లబ్ధి పొందారు.

ఈ కార్యక్రమానికి *TPCC రాష్ట్ర ప్రధాన కార్యదర్శి దుద్దిళ్ల శ్రీను బాబు* ముఖ్య అతిథిగా హాజరై, లబ్ధిదారులకు స్వయంగా కంటి అద్దాలను అందజేశారు. ఈ సందర్భంగా ఆయన మాట్లాడుతూ, “గ్రామీణ ప్రజలకు ఆరోగ్య సేవలు చేరువ చేయడం, ముఖ్యంగా కంటి వెలుగు కోల్పోయే పరిస్థితులను నివారించడం కోసం ఇలాంటి వైద్య శిబిరాలు, ఉచిత కంటి అద్దాల పంపిణీ కార్యక్రమాలు ఎంతో అవసరం” అని పేర్కొన్నారు.

అలాగే, కంటి శస్త్రచికిత్సల తరువాత సక్రమమైన కంటి సంరక్షణ అవసరాన్ని వివరించి, పుష్పగిరి కంటి ఆసుపత్రి వైద్య బృందం చేస్తున్న సేవలను ప్రశంసించారు. ప్రజలు ఈ కార్యక్రమానికి మంత్రివర్యులు దుద్దిళ్ల శ్రీధర్ బాబు గారికి, వైద్యులకు మరియు నిర్వాహకులకు కృతజ్ఞతలు తెలిపారు.

ఈ కార్యక్రమంలో స్థానిక కాంగ్రెస్ నాయకులు, ప్రజాప్రతినిధులు, వైద్య సిబ్బంది పాల్గొన్నారు.

మంథని: పాలకవర్గం గడువు పొడగింపుపై హర్షం

మంథనిలో సిఎం, మంత్రులు శ్రీధర్ బాబు, తుమ్మల చిత్రపటాలకు పాలాభిషేకం

ఈ ప్రజా ప్రభుత్వంలో సహకార సంఘాల పదవి కాలం మరో ఆరు నెలలు పొడగించి మాపై ఎంతో బాధ్యతను పెట్టిందని మంథని సింగిల్ విండో చైర్మన్ కొత్త శ్రీనివాస్ అన్నారు. సహకార సంఘాల పదవి కాలం మరో ఆరు నెలలు పొడగిస్తూ రాష్ట్ర ప్రభుత్వం నిర్ణయం తీసుకొని ఉతర్వులు జారి చేసిన సందర్భంగా గురువారం సాయంత్రం మంథని సహకార సంఘం పాలవర్గ సభ్యులు రాష్ట్ర ముఖ్యమంత్రి రేవంత్ రెడ్డి, ఐటి, పరిశ్రమలు, శాసన సభ వ్యవహారాల శాఖ మంత్రి దుదిల్ల శ్రీధర్ బాబు, వ్యవసాయ, సహకార శాఖ మంత్రి తుమ్మల నాగేశ్వర్ రావు ల చిత్ర పటాలకు సింగిల్ విండో చైర్మన్ కొత్త శ్రీనివాస్, సంఘ పాలకవర్గ సభ్యులు పాలాభిషేకం చేశారు. ఈ సందర్భంగా సింగిల్ విండో చైర్మన్ కొత్త శ్రీనివాస్ మాట్లడుతూ ఎన్నో ఆటుపోట్లను ఎదుర్కొని సంఘ వ్యాపారాన్ని ద్విగ్విజయంగా సాగిస్తూ సభ్యులు, రైతుల అవసరాలను తీర్చడం జరిగిందని అన్నారు. గ్రామగ్రామంలో వరి ధాన్యం కొనుగోలు కేంద్రాన్ని ఏర్పాటు చేసి రైతులను దళారుల భారి నుంచి కాపాడటం తో పాటు ధాన్యం లో ఎలాంటి కోతలు లేకుండా ప్రభుత్వ మద్దతు ధరను అందిచడం తో పాటు సన్న వడ్ల కు క్వింటాల్ కు రూ.500 బోనస్ అందిచామని తెలిపారు. అంతే కాకుండా రైతుల కు రూ.2లక్షల రుణ మాఫీ చేశామన్నారు.  రైతులకు ఎరువులు, విత్తనాలను ఎమ్మార్పీ ధరలకే విక్రయిస్తున్నామని తెలిపారు. అంతేగాకుండా సంఘ సభ్యుల వ్యవసాయ పెట్టుబడుల అవసరాలను తీర్చేందుకు సకాలంలో సభ్యులకు స్వల్పకాలిక, దీర్ఘకాలిక రుణాలను అందజేసి వారికి వెన్నుదన్నుగా నిలుస్తున్నామని తెలిపారు. సంఘ పరిధిలోని నాగారం గ్రామ శివారు, నేషనల్ గ్రీన్ ఫీల్డ్ హైవేకు ప్రక్కనే 3ఎకరాల 20గుంటల భూమిని కొనుగోలు చేసి రైస్ మిల్లు నిర్మాణానికి తగు కసరత్తు చేస్తున్నామని తెలిపారు. అలాగే గుంజపడుగు గ్రామా శివారులోని 4 ఎకరాల ప్రభుత్వ్హ స్థలoలో పిఎం కుసుమ్ ద్వారా రూ.3.50 కోట్లతో సోలార్ ప్లాంట్ ఏర్పాటుకు టెండర్లు పూర్తి చేసుకొని ముందుకు సాగుతున్నామని అన్నారు. ఈ సోలార్ ప్లాంట్ ద్వారా సంవత్సరానికి రూ.50 లక్షల ఆదాయం సంఘానికి సమకూరుతుందని అన్నారు. మరో ఆరు నెలల పదవీ కాలాన్ని పెంచి మాపై ఎంతో బాధ్యతను పెట్టిన రాష్ట్ర ముఖ్యమంత్రి రేవంత్ రెడ్డి, ఐటి, శాసన సభ వ్యవహారాల శాఖ మంత్రి దుద్దిళ్ల శ్రీధర్ బాబు,వ్యవసాయ, సహకార శాఖ మంత్రి తుమ్మల నాగేశ్వర్ రావు, టిజిక్యాబ్ చైర్మన్ మార్నేని రవీందర్ రావులకు ఈ సందర్భంగా మా సంఘ పాలకవర్గం, రైతుల తరపున ప్రత్యేక కృతజ్ఞతలు తెలిపారు.అలాగే ఇన్ని రోజులు సంఘం అభివృద్ధికి సహకరించిన సభ్యులు, రైతులు, అధికారులకు ఈ సందర్భంగా ప్రత్యేక కృత్ఞతలు తెలిపారు. ఈ కార్యక్రమంలో సంఘ డైరెక్టర్లు పెద్దిరాజు ప్రభాకర్, సిరిముర్తి ఓదెలు, గడ్డం పోచం, లెక్కల కిషన్ రెడ్డి, కొత్త శ్రీనివాస్, దాసరి లక్ష్మీ-మొండయ్య, ఉడుత మాధవి- పర్వతాలు యాదవ్, దేవల్ల విజయ్ కుమార్, తదితరులు పాల్గొన్నారు.

పెద్దపల్లి: స్వాతంత్ర్య వేడుకలను వైభవంగా నిర్వహించాలి

ఏర్పాట్లను పరిశీలించిన కలెక్టర్ కోయ శ్రీ హర్ష

స్వాతంత్ర దినోత్సవ వేడుకలను పెద్దపల్లి జిల్లాలో వైభవంగా నిర్వహించాలని పెద్దపల్లి జిల్లా కలెక్టర్ కోయ శ్రీ హర్ష అన్నారు.

గురువారం పెద్దపల్లి కలెక్టరేట్ ప్రాంగణంలో చేస్తున్న స్వాతంత్ర  దినోత్సవ వేడుకలు ఏర్పాట్లను  అదనపు కలెక్టర్ డి.వేణు తో కలిసి పరిశీలించారు.

ఈ సందర్భంగా *జిల్లా కలెక్టర్ కోయ శ్రీ హర్ష మాట్లాడుతూ,*  ఆగస్టు 15 న స్వాతంత్ర దినోత్సవ వేడుకలను ఘనంగా నిర్వహించాలని అధికారులకు కలెక్టర్ సూచించారు. ఈ వేడుకలకు  తెలంగాణ మైనారిటీస్ ఫైనాన్స్ కార్పొరేషన్ చైర్మన్ శ్రీ మహమ్మద్ ఒబేదుల్లా కోత్వాల్  సాహెబ్ ముఖ్య అతిథిగా హాజరు అవుతారని, ఉదయం 9.25 గంటలకు ముఖ్య అతిథి కలెక్టరేట్ కు చేరుకుంటారని, ఉదయం 9.30 గంటలకు  జాతీయ పతాకావిష్కరణ, జాతీయ గీతాలపన కార్యక్రమాలు ఉంటాయని  అన్నారు . 

ఉదయం 9.33 నుంచి 9.45  వరకు గౌరవ వందల స్వీకారం,  పరేడ్  ఉంటుందని, అనంతరం ముఖ్య అతిథి తన సందేశం అందిస్తారని కలెక్టర్ తెలిపారు.  అనంతరం ఉద్యోగస్తులకు ప్రశంసా పత్రాల పంపిణీ కార్యక్రమం ఉంటుందని అన్నారు.

స్వాతంత్ర దినోత్సవ వేడుకలను ఘనంగా నిర్వహించేందుకు అవసరమైన ఏర్పాట్లు పకడ్బందిగా పూర్తి చేయాలని,  సౌండ్ సిస్టం, విద్యుత్ సరఫరా, డయాస్, టెంట్ , బ్యారికేడ్లు వంటి ఏర్పాట్లను పరిశీలించిన కలెక్టర్ పలు సూచనలు చేశారు.  

ఈ  కార్యక్రమంలో జిల్లా కలెక్టర్ వెంట  పెద్దపల్లి రెవెన్యూ డివిజన్ అధికారి బి గంగయ్య, మున్సిపల్ కమిషనర్ వెంకటేష్,  సంబంధిత అధికారులు, తదితరులు పాల్గొన్నారు.

మంథని: హర్ ఘర్ తిరంగా ర్యాలీ

 మంథని పట్టణ భారతీయ జనతా పార్టీ అధ్యక్షుడు సబ్బాని సంతోష్ ఆధ్వర్యంలో బుధవారం హర్గర్ తిరంగా ర్యాలీ నిర్వహించారు. ఈ ర్యాలీలో ముఖ్యఅతిథిగా పెద్దపల్లి జిల్లా భారతీయ జనతా పార్టీ మాజీ అధ్యక్షులు చంద్రుపట్ల సునీల్ రెడ్డి,రాష్ట్ర నాయకులు చల్ల నారాయణ రెడ్డి,కొండపాక సత్య ప్రకాష్ పాల్గొన్నారు. ,"ఆజాధికా అమృత్ మహోత్సవ్"లో భాగంగా మంథని పురవీధుల గుండా సాగిన ఈ హర్ ఘర్ తిరంగా ర్యాలీ లో భారీ ఎత్తున వివిధ పాఠశాలలకు సంబంధించిన విద్యార్థిని విద్యార్థులు, ఉపాధ్యాయిని,ఉపాధ్యాయులు మంథని పురవాసులు,వివిధ పార్టీలకు సంబంధించిన కార్యకర్తలు పాల్గొన్నారు. ఈ కార్యక్రమాన్ని ఉద్దేశించి చందుపట్ల సునీల్ రెడ్డి మాట్లాడుతూ ప్రతి ఇంటి పైన మువ్వన్నెల త్రివర్ణ పతాకం ఎగరాలి,ప్రతి మనిషి గుండెల్లో దేశభక్తి పొంగిపొర్లాలి అంటూ మన దేశ ప్రధానమంత్రి నరేంద్ర మోడీ ఈ దేశాన్ని ప్రపంచ స్థాయిలో మూడవ అతిపెద్ద ఆర్థిక వ్యవస్థ కలిగిన దేశంగా మార్చడానికి ప్రతి ఒక్కరు స్వదేశీ వస్తువులనే వాడాలి అంటూ పిలుపునిచ్చారు. దానికి మనందరం కట్టుబడి ప్రయత్నం చేయాలని,దేశ ప్రయోజనాల కోసం పార్టీలు పక్కన పెట్టి అందరం ఏకధాటిపైకి వచ్చి ఒకే మాటగా ముందుకు సాగాలని పిలుపునిస్తూ ఆపరేషన్ సింధూర్ తో మన దేశ సత్తా ప్రపంచాన్ని నివ్వరపరిచిందని,దేశ ప్రజల రక్షణ కోసం ప్రాణాలర్పించే భారత సైన్యానికి ప్రతి భారతీయుడు వెన్నుదన్నుగా ఉండాలని, ఈనాటి బాలలే రేపటి పౌరులు ఆ పౌరులే రేపటి ఈ దేశ బలమైన దేశభక్తి కలిగిన పునాదిరాళ్లుగా మారాలని... బాల్యం నుంచే పిల్లల్లో దేశభక్తి , పోరాటపటిమ ,బలమైన ఆశయాలు నెరవేర్చుకునే ఆత్మస్థైర్యాన్ని పెంపొందించాలని విద్యాసంస్థలకు వినమ్ర సూచన చేస్తూ ఈ కార్యక్రమం విజయవంతం అవడంలో సహకరించిన విద్యాసంస్థలకు,మంథని పట్టణ వాసులకు వివిధ పార్టీల కార్యకర్తలకు ధన్యవాదాలు తెలియజేశారు. ఈ కార్యక్రమంలో విశ్వహిందూ పరిషత్ జిల్లా నాయకులు కొత్త శ్రీనివాస్, రాజమౌళి గౌడ్, సీనియర్ నాయకులు చిలువేరి సతీష్,పట్టణ ప్రధాన కార్యదర్శి సామల అశోక్, ఎడ్ల సాగర్,పట్టణ కార్యదర్శి వేల్పుల సత్యం,నాయకులు ఈసంపల్లి కొమరయ్య, మండల నాయకులు బూడిద విష్ణు, బొల్లంపల్లి లక్ష్మణ్, తోటపల్లి మహేష్,సదానందం పాల్గొన్నారు.

పెద్దపల్లి: సినిమా/ వినోద రంగంలో నైపుణ్య కోర్సులు

**ప్రతి కోర్సు కు 25 వేల ఫీజు, హస్టల్  ఫీజు 20 వేలు* 

**ఆసక్తిగల అభ్యర్థులకు జిల్లా యంత్రాంగం నుంచి కొంత సబ్సిడీ

  సినిమా/వినోద రంగంలో స్వల్ప కాలిక నైపుణ్య కోర్సులు అందిస్తున్నామని ఆసక్తి గల వారు జిల్లా ఉపాధి అధికారి కార్యాలయంలో దరఖాస్తు సమర్పించాలని *జిల్లా కలెక్టర్ కోయ శ్రీ హర్ష* బుధవారం ఒక ప్రకటనలో కోరారు.

 నేషనల్ అకాడమీ ఆఫ్ కన్స్ట్రక్షన్  ఆధ్వర్యంలో 3 నెలల పాటు సినిమాటోగ్రఫీ, వీడియో ఎడిటింగ్, సౌండ్ రికార్డింగ్, డబ్బింగ్ అండ్ వాయిస్ ఓవర్ స్కిల్, డిజిటల్ డిజైన్ & సోషల్ మీడియా మేనేజ్మెంట్  కోర్సులలో నైపుణ్య శిక్షణ అందించడం జరుగుతుందని తెలిపారు. 

ప్రతి కోర్స్ కు 10వ తరగతి ఉత్తీర్ణత ఉండాలని అన్నారు. 3 నెలల పాటు జరిగే కోర్సు కు  25 వేల రూపాయల ఫీజు , 20 వేల రూపాయల హస్టల్ ఫీజు ఉంటుందని,  హైదరాబాద్ కొండాపూర్ లోని న్యాక్ అకాడమీలో శిక్షణ ఉంటుందని అన్నారు.   

ఈ కోర్సులు పూర్తి చేసిన వారికి మంచి ఉపాధి అవకాశాలు లభిస్తాయని, కోర్సుపట్ల ఆసక్తి గలవారు సమీకృత జిల్లా కలెక్టరేట్ లోని మొదటి అంతస్తులో రూమ్ నెంబర్ 225 లో గల జిల్లా ఉపాధి అధికారి కార్యాలయంలో సంబంధిత ధృవ పత్రాలతో తమ పేర్లు నమోదు చేసుకోవాలని , కోర్సు పట్ల ఆసక్తిగల అభ్యర్థులకు ఫీజు లో కొంత భాగం కలెక్టరేట్ నిధుల నుంచి సబ్సిడీ కింద అందించడం జరుగుతుందని ఆ కలెక్టర్ ఆ ప్రకటనలో పేర్కొన్నారు.

మంథని: మంత్రి శ్రీధర్ బాబుకు అరుదైన గౌరవం

‘ఇండియాస్ 100 మోస్ట్ ఇన్‌ఫ్లూయెన్షియల్ పీపుల్ ఇన్ ఏఐ – 2025’ జాబితాలో చోటు

రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబుకు అరుదైన గౌరవం దక్కింది. అనలిటిక్స్ ఇండియా మ్యాగజైన్ తాజాగా ప్రకటించిన ‘ఇండియాస్ 100 మోస్ట్ ఇన్‌ఫ్లూయెన్షియల్ పీపుల్ ఇన్ ఏఐ – 2025’ జాబితాలో ఆయనకు చోటు లభించింది. తమ సమర్థవంతమైన నాయకత్వం, నూతన ఆవిష్కరణలకు ప్రోత్సాహామిస్తూ భారత్ ను ఏఐ రంగంలో అగ్రగామిగా తీర్చి దిద్దేందుకు కృషి చేస్తున్న వ్యక్తులకు ఇందులో చోటు కల్పించారు. విధాన రూపకర్తల విభాగంలో మంత్రి శ్రీధర్ బాబుతో పాటు కేంద్ర మంత్రులు అశ్విని వైష్ణవ్, పీయూష్ గోయల్, కేంద్ర మాజీ మంత్రి రాజీవ్ చంద్రశేఖర్, ఇండియా ఏఐ మిషన్ సలహాదారు ఆకృత్ వైష్, ఇండియా ఏఐ మిషన్ సీఈవో, ఎన్ఐసీ డైరెక్టర్ జనరల్ అభిషేక్ సింగ్, ఎన్ పీసీఐ సీఈవో దిలీప్ అస్బే, నీతి ఆయోగ్ మాజీ సీఈవో అమితాబ్ కాంత్, నాస్కామ్ మాజీ అధ్యక్షులు దేబజాని ఘోష్ తదితర ప్రముఖులను ఎంపిక చేసినట్లు నిర్వాహకులు ప్రకటించారు.

** ఏఐ రంగంలో రోల్ మోడల్ గా తెలంగాణ **

మంత్రి శ్రీధర్ బాబు నాయకత్వంలో ఏఐ రంగంలో తెలంగాణ ఇతర రాష్ట్రాలకు రోల్ మోడల్ మారిందని, అందుకే ఆయనను ఈ జాబితాలో చేర్చినట్లు అనలిటిక్స్ ఇండియా మ్యాగజైన్ నిర్వాహకులు ప్రకటించారు. ‘బాధ్యతాయుతమైన ఏఐ అమలు కోసం సమగ్ర ఏఐ ఆధారిత తెలంగాణ స్ట్రాటజీ అండ్ రోడ్ మ్యాప్ ను రూపొందించడంలో కీలకంగా వ్యవహరించారు. గుడ్ గవర్నెన్స్, నూతన ఆవిష్కరణలు, సురక్షితమైన డేటా షేరింగ్‌ను ప్రోత్సహించేలా దేశంలోనే తొలిసారిగా ఏఐ ఆధారిత తెలంగాణ డేటా ఎక్స్ఛేంజ్ ను ప్రారంభించేందుకు చొరవ చూపారు’ అని ఈ సందర్భంగా మంత్రి శ్రీధర్ బాబును కొనియాడారు. ‘గ్లోబల్ ఏఐ సమ్మిట్ నిర్వహణలోనూ మంత్రి శ్రీధర్ బాబు కీలకంగా వ్యవహరించారు. తెలంగాణలో ఏఐ ఎకో సిస్టమ్ ను మరింత బలోపేతం చేసేలా 2025–26లో 100 గ్లోబల్ క్యాపబిలిటీ సెంటర్లను ప్రారంభించాలనే లక్ష్యంతో ముందుకెళ్తున్నారు. ఆర్ అండ్ డీ, నూతన ఆవిష్కరణలు, అత్యంత నైపుణ్యమున్న మానవ వనరులను తయారు చేయాలనే సంకల్పంతో ఏర్పాటు కానున్న ఏఐ యూనివర్సిటీ విషయంలోనూ కీలకంగా వ్యవహరిస్తున్నారు’ అని ప్రశంసించారు. ఏఐ రంగంలో తెలంగాణ బ్రాండ్ మరింత విశ్వవ్యాప్తమయ్యేలా మంత్రి శ్రీధర్ బాబుకు దక్కిన ఈ గుర్తింపు దోహదపడుతుందని అభిప్రాయపడ్డారు.

** సీఎం రేవంత్ రెడ్డి ప్రోత్సహాంతోనే ఈ గుర్తింపు ; మంత్రి శ్రీధర్ బాబు **

ఇది నా ఒక్కడికి లభించిన గుర్తింపు కాదు. యావత్తు తెలంగాణ ప్రజలకు దక్కిన గౌరవం. సమ్మిళిత వృద్ధి, మెరుగైన జీవితాలను అందించేందుకు ఏఐని వినియోగించాలన్న మా ప్రభుత్వ సుదూర దృష్టికి ఈ గుర్తింపు నిదర్శనం. సీఎం రేవంత్ రెడ్డి ప్రోత్సాహంతోనే నాకు ఈ జాబితాలో చోటు దక్కింది. ఆయన నాయకత్వంలో తెలంగాణను ఏఐ కేపిటల్ ఆఫ్ ది గ్లోబ్ గా తీర్చిదిద్దేలా పకడ్బందీ కార్యాచరణతో ముందుకెళ్తున్నాం. నూతన ఆవిష్కరణలకు సమానత్వాన్ని జోడించి, సాంకేతిక పురోగతి ఫలితాలు రాష్ట్రంలోని ప్రతి పౌరుడికి అందేలా కృషి చేస్తున్నాం.

మంథని:కార్మిక నేత బాసాని రాజయ్య విగ్రహ ఏర్పాటుకు భూమిపూజ

 

మంథని నియోజకవర్గంలో కార్మిక నేతగా వారి హక్కుల సాధన కోసం కృషి చేసిన హమాలి సంఘం మంథని డివిజన్ వ్యవస్థాపక మాజీ అధ్యక్షులు స్వర్గీయ బాసాని రాజయ్య విగ్రహ ఏర్పాటుకు మంథని హమాలి సంఘం ఆధ్వర్యంలో బుధవారం భూమి పూజ చేశారు. రాష్ట్ర ఐటీ శాఖ మంత్రి  దుద్దిళ్ల శ్రీధర్ బాబు ఆదేశాల మేరకు.. స్థానిక అంబేద్కర్ చౌరస్తాలోని హమాలీ సంఘం కార్యాలయం ముందు భాగంలో స్వర్గీయ బాసాని రాజయ్య విగ్రహ ఏర్పాటు కోసం హమాలీ సంఘం సభ్యులు, వివిధ రాజకీయ పార్టీల నేతల అభిమానులు, కుటుంబ సభ్యుల మధ్య శంకుస్థాపన చేశారు. ఈసందర్భంగా పలువురు వక్తలు మాట్లాడుతూ.. మంథని నియోజకవర్గంలో వివిధ రంగాలోని కార్మికులు, హమాలీల హక్కుల కోసం బాసాని రాజయ్య పోరాడటం తోపాటు వారిని ఏకం చేసి గ్రామ గ్రామాన హమాలీ సంఘాలను నెలకొల్పి చట్టబద్ధంగా వారికి రిజిస్ట్రేషన్ చేసి అనేక విధాలుగా సహాయ సహకారాలు అందించారన్నారు. రాజయ్య జీవితకాలం కార్మిక వర్గాల పక్షపాతిగా బతికారని కొనియాడారు. ఈ కార్యక్రమంలో హమాలి సంఘం అధ్యక్షుడు మల్లయ్య, ప్రధాన కార్యదర్శి మల్లేష్, బుక్క పుల్లయ్య, పిఎసిఎస్ చైర్మన్ కొత్త శ్రీనివాస్, ఏఎంసీ చైర్మన్ కొడుదుల వెంకన్న, ఆర్టీఏ  మెంబర్ మంథని సురేష్, కాంగ్రెస్ పార్టీ మండల అధ్యక్షుడు ఆయిలి ప్రసాద్, మాజీ సర్పంచ్ వొడ్నాల శ్రీనివాస్, మాజీ మున్సిపల్ చైర్ పర్సన్ పెండ్రి రమ-సురేష్ రెడ్డి , కొండేల మారుతి, మాజీ ఎంపీపీ కొండ శంకర్, సీపీఎం నేత బూడిద గణేష్, మాజీ ఏఎంసీ చైర్మన్ ఆకుల కిరణ్, శ్రీపతి బానయ్య, మంథని సత్యం, బాసాని రమేష్, చింతల గోవింద్ లు పాల్గొన్నారు.

మంథని: సరిపడా ఎరువులను అందించాలి

జిల్లా వ్యవసాయ కార్మిక సంఘం జిల్లా కార్యదర్శి బూడిద గణేష్

 మంథనిలోని ప్రాథమిక వ్యవసాయ సహకార సంఘం ఎదుట రైతులు బుధవారం ధర్నా నిర్వహించారు ఈ సందర్భంగా వ్యవసాయ కార్మిక సంఘం జిల్లా కార్యదర్శి బూడిద గణేష్ మాట్లాడుతూ మంథని నియోజకవర్గంలో రైతులు ఎరువుల కోసం రోజుల తరబడి తిరుగుతున్నారని,రైతులకు సకాలంలో ఎరువులను అందించడంలో కేంద్ర రాష్ట్ర ప్రభుత్వాలు వైఫల్యం చెందాయని విమర్శించారు. ఎరువులు రైతులకు అందుబాటులో ఉన్నాయని ప్రభుత్వం అధికార యంత్రాంగం చెబుతున్నప్పటికీ క్షేత్రస్థాయిలో రైతాంగానికి సకాలంలో ఎరువులు అందడం లేదని అన్నారు. ఇప్పటికైనా కేంద్ర రాష్ట్ర ప్రభుత్వాలు మరియు ప్రభుత్వ యంత్రాంగం వెంటనే స్పందించి ఎరువులను సరఫరా చేసి రైతాంగాన్ని ఆదుకోవాలని డిమాండ్ చేశారు. లేని పక్షంలో రైతాంగాన్ని కలుపుకొని పెద్ద ఎత్తున ఉద్యమాలు చేపడతామని హెచ్చరించారు.

మంథని:పరిశుభ్రతకు ప్రాధాన్యత

10వ వార్డులో డ్రైనేజీలు శుభ్రం చేయిస్తున్న పెంటరి రాజు 

 వర్షాలు అధికంగా కురువడంతో డ్రైనేజీ శుబ్ర పరచడంపై ప్రత్యేక దృష్టి కేంద్రీకరించినట్లు మంథని పట్టణ యూత్ కాంగ్రెస్ అధ్యక్షుడు పెంటరి రాజు తెలిపారు. రాష్ట్ర ఐటీ, పరిశ్రమల శాఖ మంత్రి దుద్దిళ్ళ శ్రీధర్ బాబు, రాష్ట్ర కాంగ్రెస్ ప్రధాన కార్యదర్శి దుద్దిళ్ళ శ్రీను బాబు లు వర్షాకాలంలో ప్రజలు ఎదుర్కొంటున్న సమస్యలపై దృష్టి కేంద్రీకరించాలని ఆదేశించడంతో ఈ కార్యక్రమం చేపట్టినట్లు ఆయన వెల్లడించారు. మున్సిపల్ పరిధిలోని 10వ వార్డులో బుధవారం మున్సిపల్ కమిషనర్ వెంకన్న సహకారంతో ఈ కార్యక్రమం చేపట్టినట్లు ఆయన తెలిపారు. డ్రైనేజీల్లో పేరుకుపోయిన చెత్తను తొలగించడం అలాగే దోమల బెడద లేకుండా బ్లీచింగ్ పౌడర్ మున్సిపల్ సిబ్బందితో చల్లించినట్లు రాజు పేర్కొన్నారు. వర్షాలు అధికంగా ఉన్న మూలంగా ఎప్పటికప్పుడు డ్రైనేజీలను శుభ్రపరచాలని ఆయన మున్సిపల్ కమిషనర్ను కోరారు. ఈ సందర్భంగా వార్డు పరిధిలో ఎదుర్కొంటున్న సమస్యలను ఈ సందర్భంగా మున్సిపల్ కమిషనర్ కు పట్టణ ప్రజలు వివరించారు. ఎక్కడ ఎటువంటి సమస్య ఉన్న తమ దృష్టికి తీసుకురావాలని ఆయన ప్రజలకు సూచించారు. ఈ కార్యక్రమంలో మున్సిపల్ వైస్ చైర్మన్ శ్రీపతి బాలయ్య,,యూత్ కాంగ్రెస్ రాష్ట్ర ప్రధాన కార్యదర్శి కిషోర్ రెడ్డి, సోషల్ మీడియా జిల్లా ఇన్చార్జి ఆరెల్లి కిరణ్, యూత్ కాంగ్రెస్ నాయకులు పెరుగు సతీష్, కవుటం సాయి పాల్గొన్నారు.

పెద్దపల్లి: ఉద్యోగ అవకాశాలు

 ప్రీ - ప్రైమరీ ఇన్స్ట్రక్టర్ , ఆయా పోస్టులకు దరఖాస్తుల ఆహ్వానం

పెద్దపల్లి డీఈవో మాధవి

 ఆగస్టు 21 లోపు ప్రీ - ప్రైమరీ  ఇన్ స్ట్రక్టర్, ఆయా పోస్టులకు తాత్కాలిక ప్రాతిపదికన పని చేయుటకు ఆసక్తిగల వారు దరఖాస్తు చేసుకోవాలని *జిల్లా విద్యాశాఖ అధికారి మాధవి* బుధవారం ఒక ప్రకటనలో కోరారు. తెలంగాణ ప్రభుత్వ ఆదేశాల ప్రకారం పెద్దపల్లి జిల్లాలో 2025-26 విద్యా సంవత్సరానికి 46  ప్రీ ప్రైమరీ పాఠశాలలు ప్రారంభించడానికి చర్యలు చేపట్టామని అన్నారు. ప్రీ ప్రైమరీ పాఠశాలలో తాత్కాలికంగా 10 నెలల గౌరవ వేతనానికి పని చేయుటకు  ప్రీ - ప్రైమరీ  ఇన్ స్ట్రక్టర్, ఆయా అభ్యర్థుల నుంచి దరఖాస్తులు ఆహ్వానిస్తున్నామని డీ.ఈ.ఓ తెలిపారు.

 ప్రీ - ప్రైమరీ  ఇన్ స్ట్రక్టర్ పోస్టుకు అభ్యర్థి ఇంటర్మీడియట్ , ఆయా కు 7వ తరగతి ఉత్తీర్ణత సాధించాలని, అభ్యర్థులకు 18 నుంచి 44 సంవత్సరాల వయసు కలిగి ఉండాలని, ఎస్సీ, ఎస్టీ బీసీ, ఈ.డబ్ల్యూ.ఎస్ కు 5 సంవత్సరాల, దివ్యాంగులకు 10 సంవత్సరాల , మాజీ సైనికులకు 3 సంవత్సరాల వయసు సడలింపు ఉంటుందని అన్నారు. 

అభ్యర్థుల ఒకే నివాసం, హేబిటేషన్ మండలం పెద్దపెల్లి జిల్లా ప్రాధాన్యత క్రమంలో ఎంపిక ఉంటుందని అన్నారు.  విద్యార్హతలు గల అభ్యర్థులు తమ యొక్క దరఖాస్తుతో పాటు సంబంధిత సర్టిఫికెట్లను సంబంధిత స్కూల్ కాంప్లెక్స్ హెడ్ మాస్టర్ లకు ఆగస్టు 21 లోపు సమర్పించాలని విద్యాశాఖ అధికారి ఆ ప్రకటనలో పేర్కొన్నారు. 

పెద్దపల్లి: విదేశాల్లో ఉపాధి అవకాశాలు

 26న అవగాహన సదస్సు

పెద్దపల్లి కలెక్టర్  కోయ శ్రీ హర్ష

 ఆగస్టు 26న విదేశాల్లో ఉపాధి అవకాశాల పై కలెక్టరేట్ లో అవగాహన సదస్సు నిర్వహిస్తున్నామని *జిల్లా కలెక్టర్  కోయ శ్రీ హర్ష* బుధవారం ఒక ప్రకటనలో తెలిపారు.

తెలంగాణ ప్రభుత్వ ఆధ్వర్యంలో ఏర్పాటు చేసిన తెలంగాణ ఓవర్సీస్ మాన్‌పవర్ కంపెనీ లిమిటెడ్ (TOMCOM) ద్వారా రాష్ట్ర యువతకు సురక్షితమైన  చట్టబద్ధమైన విదేశీ ఉపాధి అవకాశాలను కల్పించడం జరుగుతుందని అన్నారు. టామ్‌ కామ్‌ విదేశీ నియామకదారులతో అనుసంధానం చేసి, అవసరమైన డాక్యుమెంటేషన్, శిక్షణ, ప్లేస్‌మెంట్ వంటి సదుపాయాలు అందిస్తోందని కలెక్టర్ తెలిపారు.

జపాన్  లో  ప్రస్తుతం నర్సింగ్ కేర్ (₹14–16 లక్షలు వార్షిక ప్యాకేజ్), జర్మనీ  లో ఎలక్ట్రిషియన్ ( ₹32.76– 34.80 లక్షలు వార్షిక ప్యాకేజ్), ఇజ్రాయెల్  లో కన్స్‌ట్రక్షన్ వర్కర్: (₹19.20 లక్షలు వార్షిక ప్యాకేజ్), ఫిజీ – ఫిట్టర్ / ఎలక్ట్రిషియన్ / సర్వీస్ టెక్నీషియన్ ( ₹6–10 లక్షలు వార్షిక ప్యాకేజ్) గ్రీస్ – హౌస్‌కీపింగ్ / వెయిటర్ / ఎలక్ట్రిషియన్ / మేసన్ (₹12 లక్షలు వార్షిక ప్యాకేజ్), ఇతర అవకాశాలు పోర్చుగల్, యుఏఈ దేశాల్లో అందుబాటులో ఉన్నాయని అన్నారు.

ఆగస్టు 26న పెద్దపల్లి కలెక్టరేట్ సమావేశ మందిరంలో ఉదయం 10 గంటలకు టామ్ కామ్ ద్వారా విదేశాలలో ఉపాధి అవకాశాల పై అవగాహన  కార్యక్రమం  నిర్వహిస్తున్నామని, ఆసక్తి గల అభ్యర్థులు తమ సందేహాలను నివృత్తి చేసుకొని టామ్‌ కామ్‌లో నమోదు చేసుకోవాలని కలెక్టర్ కోరారు. టామ్‌కామ్‌కి దరఖాస్తు చేసుకోవడానికి సమీకృత జిల్లా కలెక్టరేట్ లోని  జనరల్ మేనేజర్, జిల్లా పరిశ్రమల కేంద్రం, గది నం. 231 ఆగస్టు 26 వరకు సంప్రదించాలని కలెక్టర్ ఆ ప్రకటనలో పేర్కొన్నారు