సూర్యాపేట్ కలెక్టరేట్ లో నిర్వహించిన "తెలంగాణ ప్రజా పాలన దినోత్సవ వేడుక"ల్లో రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు

 

రంగారెడ్డి: ఔషధ మొక్కల ప్రాముఖ్యతపై అవగాహన పెరగాలి

రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు

ఔషధ మొక్కల ప్రాముఖ్యతపై ప్రజల్లో అవగాహన మరింత పెరగాల్సిన అవసరం ఉందని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు అన్నారు. ఇవి కేవలం ఆరోగ్యానికి మాత్రమే కాకుండా, పర్యావరణ సమతుల్యతకు, జీవ వైవిధ్యాన్ని కాపాడటంలో కీలక పాత్ర పోషిస్తున్నాయన్నారు. రంగారెడ్డి జిల్లా మొయినాబాద్ మండలం తోల్ కట్ట గ్రామంలోని "పీవీ నర్సింహారావు మెడిసినల్ గార్డెన్" లో బుధవారం ఏర్పాటు చేసిన "ఆరోమెటిక్ అండ్ మెడిసినల్ ప్లాంట్స్ ప్లాంటేషన్" కార్యక్రమానికి ఆయన ముఖ్య అతిథిగా హాజరయ్యారు. ఆయుర్వేదం, సిద్ధ వంటి సంప్రదాయ వైద్య విధానాల్లో ఔషధ మొక్కల పాత్ర ఎంతో గొప్పదని, వేప, తులసి, అల్లం లాంటివి నిత్య జీవితంలో మనకు ఎంతగానో ఉపకరిస్తాయని ఈ సందర్భంగా ఆయన వివరించారు. ఈ మొక్కల పెంపకం రైతులకు మంచి ఆదాయ వనరుగా మారే అవకాశం ఉందన్నారు. ఈ దిశగా తమ ప్రభుత్వం చిత్తశుద్ధితో కృషి చేస్తుందన్నారు. ‘ప్రాణహిత- చేవెళ్ల’ ప్రాజెక్ట్ ద్వారా సాగునీటిని అందించేందుకు కాంగ్రెస్ పార్టీ చొరవ తీసుకుంటే, ఆ తర్వాత అధికారంలోకొచ్చిన కేసీఆర్ నిర్లక్ష్యం చేశారని విమర్శించారు. నిజాం నిరంకుశ పాలన నుంచి తెలంగాణ గడ్డకు విముక్తి కల్పించేందుకు ఎంతో మంది మహానీయులు పోరాటం చేశారని, వారి త్యాగాలను స్మరించుకోవాల్సిన బాధ్యత ప్రతి ఒక్కరిపై ఉందన్నారు. స్వామి రామనంద తీర్థ, పీవీ నర్సింహా రావు తదితర నాయకుల స్ఫూర్తితో తెలంగాణను అన్ని రంగాల్లో అభివృద్ధి చేసేలా పక్కా ప్రణాళికతో తమ ప్రభుత్వం ముందుకెళ్తుందన్నారు. కార్యక్రమంలో ఎమ్మెల్సీ సురభి వాణీదేవి, ఎమ్మెల్యే కాలే యాదయ్య, పీవీ ప్రభాకర్ రావు, శేఖర్ మారంరాజు తదితరులు పాల్గొన్నారు.

మంథని: ఉచిత చేప పిల్లలను పంపిణి చేయాలని మంత్రి కి వినతి

మంత్రి శ్రీధర్ బాబుకు వినతి పత్రం అందిస్తున్న మత్స్యశాఖ జిల్లా డైరెక్టర్ పోతరవేని క్రాంతి 

తెలంగాణ ప్రభుత్వం మత్స్యకారుల కోసం అందించే ఉచిత చేప పిల్లల పంపిణీ ఆలస్యం అవుతున్నందున మత్స్యకారులు ఆందోళన చెందుతున్నారని త్వరగా చేప పిల్లల పంపిణీ జరిగేలా చూడాలని మత్స్య శాఖ  జిల్లా డైరెక్టర్ పోతరవేణి క్రాంతి మంత్రికి వినతిపత్రం అందజేశారు. లేనిపక్షంలో నగదు బదిలీ చేపించాలని అలాగే మత్స్యకారులకు నూతన పథకాలు పెట్టి ఆర్ధికంగా ప్రోత్సహించాలని గురువారం హైదరాబాద్ లోని మంత్రి నివాసంలో కలిసి మంత్రి దుద్ధిల్ల శ్రీధర్ బాబు కి వినతి పత్రం అందజేశారు.

మంథని: భావి తరాలకు స్పూర్తినిచ్చేది ఉపాధ్యాయులే

  సన్మానిస్తున్న మంథని సింగిల్విండో చైర్మన్ కొత్త శ్రీనివాస్

అవార్డులు అందుకున్న ఉపాధ్యాయులు

మంథని  : తమ బోధనా,జ్ఞానం ద్వారా గణనీయమైన ప్రభావాన్ని చూపి భావి తరాలకు స్పూర్తినిచ్చేది ఉపాధ్యాయులేనని మంథని సింగిల్విండో చైర్మన్ కొత్త శ్రీనివాస్ అన్నారు. సర్వేపల్లి రాధాకృష్ణన్ జయంతిని పురస్కరించుకొని ఉపాద్యాయ వర్గాన్ని ప్రోత్సహిస్తూ తెలంగాణా ప్రజా ప్రభుత్వం ఆదేశాల మేరకు మంథని మండల ప్రజా పరిషత్ సమావేశ మందిరంలో మండల విద్యాధికారి దాసరి లక్ష్మి ఆద్వర్యంలో రాష్ట్ర, మండల  స్థాయి ఉత్తమ ఉపాధ్యాయులుగా అవార్డు సాధించిన పలు ప్రభుత్వ పాఠశాలల ఉపాధ్యాయుల సన్మాన కార్యక్రమానికి సింగిల్ విండో చైర్మన్ కొత్త శ్రీనివాస్, ఏఎంసి చైర్మన్ కుడుదుల వెంకన్న హాజరై  ఉత్తమ ఉపాధ్యాయులకు మేమంటో, జ్ఞాపికలు, ప్రశంశా పత్రాలు అందించి ఘనంగా శాలువాతో సత్కరించారు. ఈ సందర్భంగా సింగిల్ విండో చైర్మన్ కొత్త శ్రీనివాస్ మాట్లాడుతూ, పాఠశాలల్లో అధునాతన బోధనా పద్దతులు అవలంబించి ఉత్తమ ఉపద్యాయులుగా అవార్డు సాధిoచటం అభినందనియమని అన్నారు. మండల విద్యాధికారి దాసరి లక్ష్మి మాట్లాడుతూ, ఉపాద్యాయులంతా పాఠశాల స్థాయిలో చేస్తున్న కృషి ఫలితంగా జిల్లా విద్యారంగం లో మంథని మండలం ముందుకెళుoదని వారికి అభినందనలు తెలిపారు. ఈ సందర్భంగా రాష్ట్ర స్థాయి ఉత్తమ ఉపాద్యాయ అవార్డు అందుకున్న గీట్ల భరత్ రెడ్డి తో పాటు ఉత్తమ ఉపాధ్యాయులుగా అవార్డు సాధించిన బహుత్ కిషోర్(పిఎస్ తెనుగుగూడెం), ఈర్ల రమేష్ (పిఎస్ అడవిసోమన్ పల్లి), మద్ది రాము(స్వర్ణ పల్లి), ధనశ్రీ(వెంకటాపూర్), నారమల్ల లక్ష్మన్(జెబిఎస్), బోగే చంద్రశేఖర్(గుంజపడుగు),ఈ. సురేష్(మల్లేపల్లి), శిరీష(ఉప్పట్ల), పద్మ(కుచిరాజ్ పల్లి), మాతంగి శ్రీదేవి(జీహెచ్ సి మంథని), వామనమూర్తి(యుపిఎస్ చిల్లపల్లి), కిన్నెర శ్రీనివాస్(జడ్పిహెచ్ఎస్ బాలుర), సిఆర్పి స్వప్నలను సన్మానిoచారు. ఈ కార్యక్రమంలో తహసిల్దార్ కుమారస్వామి,ఎంపిఓ అనిల్ రెడ్డి, టీజీఈఆర్సి సలహాదారు శశిభూషణ్ కాచే, ఆర్టిఐ మెంబర్ మంథని సురేష్, కాంప్లెక్స్ హెచ్ఎoలు ఈదులపల్లి నరసింహరావు, డాక్టర్ జె.సురేష్ కుమార్, మోసం శ్రీనివాస్, ఉపాధ్యాయులు బోనాల రవీందర్, సిఆర్పి మల్లన్న,ఎర్రం శ్రీనివాస్ , ఉపాధ్యాయ సంఘం నాయకులు, పలు ప్రభుత్వ పాఠశాలల ప్రధానోపాద్యాయులు, ఉపాద్యాయులు, తదితరులు పాల్గొన్నారు.

మంథని: సీబీఐ విచారణ షురూ..

 అడ్వకేట్ వామన రావు ఇంటి వద్ద సీబీఐ ఆఫీసర్లు

 హత్య జరిగిన ప్రదేశాన్ని పరిశీలిస్తున్న బృందం

వామన్ రావు తండ్రి నుంచి వివరాల సేకరణ

దేశవ్యాప్తంగా సంచలనం సృష్టించిన అడ్వ‌కేట్‌ వామన్ రావు దంపతుల హత్య కేసులో సీబీఐ విచారణ ప్రారంభమైంది. ఈ కేసును రాష్ట్ర ప్రభుత్వం సీబీఐకి అప్పగించిన విషయం అందరికీ తెలిసిందే. గురువారం పెద్దపల్లి జిల్లా మంథని మండలం గుంజపడుగులో సెంట్రల్ బ్యూరో ఆఫ్ ఇన్వెస్టిగేషన్ అధికారులు విచారణ చేపట్టారు. హైకోర్టు న్యాయవాదులు గట్టు వామన్‌రావు దంపతుల హత్య కేసులో ఏడుగురు నిందితులు బెయిల్‌పై ఉన్నారు. వామన్‌రావు దంపతుల హత్య కేసులో మాజీ ఎమ్మెల్యే పుట్ట మధు హస్తం ఉందని వామన రావు తండ్రి కిషన్‌రావు ఆరోపణల నేపథ్యంలో సీబీఐ అధికారులు విచారణ ప్రారంభించారు. అనంతరం మంథని కోర్టు ప్రాంగణంలో వామన్ రావు తండ్రి కిషన్ రావు, వామన్ రావు తమ్ముడు చంద్రశేఖర్ నుంచి వివరాలను సీబీఐ అధికారులు సేకరించారు. హత్య జరిగిన ప్రదేశాన్ని సీబీఐ బృందం పరిశీలించింది. మంథనికి సీబీఐ ఎంట్రీ ఇవ్వడంతో ఏం జరుగుతుందోనని చర్చ జరుగుతోంది.

రామగిరి: అన్నం పెట్టినోళ్లకే సున్నం పెట్టే రకం

అన్నం పెట్టినోళ్లకే సున్నం పెట్టిన విధంగా పుట్టమధు వ్యవహార శైలి ఉందని ఆగ్రహం వ్యక్తం చేశారు. మాజీ స్పీకర్ శ్రీపాదరావుపై పుట్టమధు చేసిన అనుచిత వ్యాఖ్యలను తీవ్రంగా ఖండిస్తున్నట్టు మాజీ ఎంపీపీ అరెల్లి దేవక్క కొమురయ్యగౌడ్ ఒక ప్రకటనలో పేర్కొన్నారు. 

రాజకీయ బిక్ష పెట్టిన స్వర్గీయ శ్రీపాద రావుపై అనుచిత వ్యాఖ్యలు చేయడంపై  తీవ్రంగా స్పందించారు.  శ్రీపాద రావు మంథని నియోజకవర్గ అభివృద్ధి కోసం ఉమ్మడి ఆంధ్రప్రదేశ్ శాసనసభ ప్రతినిధిగా ఆ పదవికి వన్నె తెచ్చి దేశంలోనే ఒక గొప్ప స్పీకర్ గా వారు పేర్కొన్నారు. దమ్ముంటే ఒకసారి శ్రీపాద రావు విగ్రహాన్ని ముట్టుకొని చూడు కాంగ్రెస్ పార్టీ కార్యకర్త నాయకులు సత్తా ఏందో నీకు చూపిస్తానీ సవాల్ చేశారు. ఈరోజు నీ ఇంటి ముందు ధర్నాకు దిగినం రాబోయే రోజులలో నిన్ను రోడ్డు మీద తిరుగకుండా చేస్తామని హెచ్చరించారు. ఉమ్మడి ఆంధ్రప్రదేశ్ లో స్పీకర్ గా పనిచేసి ఆ పదవికే వన్నె తెచ్చిన వ్యక్తి స్వర్గీయ శ్రీపాదరావు గారని అన్నారు. ఆయన పెట్టిన రాజకీయ భిక్ష వల్లే ఎంపీపీగా, జడ్పీటీసీగా, ఎమ్మెల్యేగా, జడ్పి ఛైర్మన్ గా ఎదిగిన పుట్ట మధుకు అహంకారం నెత్తికెక్కి శ్రీపాదరావు గారి విగ్రహాలు తీసేస్తామని అంటున్నారని అన్నారు. మంథని నియోజకవర్గాన్ని అన్ని రకాలు అభివృద్ది చేసేందుకు అనునిత్యం పనిచేస్తున్న శ్రీధర్ బాబు గారిని చూసి ఓర్వలేకనే బడుగు బలహీన వర్గాల ప్రజల్లో చిచ్చుపెట్టేందుకు పుట్టమధు మతిభ్రమించి మాట్లాడుతున్నాడని ఫైర్ అయ్యారు. మంత్రి శ్రీధర్ బాబు సూచనల మేరకు మంథని ప్రజల ప్రతీ కష్టసుఖాల్లో భాగమవుతున్న శ్రీనుబాబుపై సైతం పదేపదే తన అక్కసును వె‌ళ్లగక్కుతున్నాడని ఆగ్రహం వ్యక్తం చేశారు. మరోసారి ఇటువంటి అనుచిత వ్యాఖ్యలు చేసినా, అణగారిన వర్గాల మధ్య చిచ్చు పెట్టేందుకు ప్రయత్నించిన మంథని ప్రజల నుంచి తిరుగుబాటు ఎదుర్కోవాల్సి వస్తుందని హెచ్చరించారు.

మంథని: అంబేద్కర్ చౌరస్తాలో బీఆర్ఎస్ నాయకుల ఆందోళన

మంథని: మంథని మాజీ ఎమ్మెల్యే పుట్ట మధు ఇంటి ముట్టడి నీ ఖండిస్తూ బుధవారం బీఆర్ఎస్ నాయకులు ఆందోళన చేపట్టారు. ఈ సందర్భంగా మంత్రి దుద్దిళ్ల శ్రీధర్ బాబుకు వ్యతిరేకంగా నినాదాలు చేశారు. అనంతరం బీఆర్ఎస్ నాయకులు మాట్లాడుతూ మంథని మాజీ ఎమ్మెల్యే పుట్ట మధుకర్ కు ప్రాణహాని పొంచివుందని ఆయనకు ఏమైనా జరిగితే అందుకు కాంగ్రెస్ ప్రభుత్వం, మంథని ఎమ్మెల్యే రాష్ట్ర మంత్రి శ్రీధర్ బాబు పూర్తి బాధ్యత వహించాల్సి ఉంటుందని హెచ్చరించారు.  ఈ కార్యక్రమంలో ప్రజా ప్రతినిధులు, కార్యకర్తలు అధిక సంఖ్యలో పాల్గొన్నారు.

మంథని: సామాజిక వైద్య శాలను తనిఖీ చేసిన జడ్జీ

మంథని సామాజిక వైద్య శాలను సీనియరు సివిల్ జడ్జీ వి.భవానీ  ఆకస్మిక తనిఖీ చేశారు,ప్రజలకు అందుతున్న వైద్య సేవలను, పరిసరాల పరిశుభ్రత, మందుల సరఫరాల, మందుల గడువు తేదీలను పరిశీలిచారు, వారి వెంట ఆస్పత్రి సూపరిండెంట్  డాక్టర్ రాజశేఖర్, వైద్య సిబ్బంది ఉన్నారు.

మంథని: ఘనంగా విశ్వకర్మ జయంతి

భారత ప్రధాని నరేంద్రమోడీ 75వ జన్మదిన వేడుకలను భారతీయ జనతా పార్టీ కేంద్ర మరియు రాష్ట్ర శాఖ ఆదేశాల మేరకు సేవ పక్వాడ్ 2025 లో భాగంగా సెప్టెంబర్ 17 విశ్వకర్మ జయంతి,తెలంగాణ విమోచన దినోత్సవం  మంథని నియోజకవర్గ కేంద్రమైన మంథని పట్టణ పరిధిలో  భారతీయ జనతా పార్టీ కార్యకర్తల సమక్షంలో ఘనంగా నిర్వహించారు. ఈ కార్యక్రమాలకు పెద్దపల్లి జిల్లా స్థానిక సంస్థల ఎలక్షన్ కన్వీనర్ పెద్దపల్లి జిల్లా మాజీ బీజేపీ అధ్యక్షులు చంద్రుపట్ల సునీల్ రెడ్డి,రాష్ట్ర కౌన్సిల్ సభ్యులు కొండపాక సత్య ప్రకాష్ ముఖ్యఅతిథిగా పాల్గొని మంథని పట్టణంలోని గాంధీ చౌక్ వద్ద జాతీయ జెండా ఆవిష్కరణ చేసి ప్రధాని నరేంద్ర మోడీ జన్మదిన వేడుకలను అంబేద్కర్ చౌరస్తాలో ఘనంగా నిర్వహించి స్వీట్లు పంచి హాస్పటల్లో రోగులకు పాలు బ్రెడ్ అందజేశారు.ఈ సేవా పక్వాడ్ కార్యక్రమం పట్టణ మండల కన్వీనర్లు నాంపల్లి రమేష్,మధుకర్ రెడ్డి పట్టణ మరియు మండల కో కన్వీనర్లు బోయిని నారాయణ మరియు ఎల్క సదానందం పర్యవేక్షణ చేయగా పట్టణ మరియు మండల అధ్యక్షులు సబ్బని సంతోష్ వీరబోయిన రాజేందర్ ల ఆధ్వర్యంలో నిర్వహించారు. అనంతరం  చందుపట్ల సునీల్ రెడ్డి మాట్లాడుతూ యావత్ భారతదేశానికి ఆగస్టు 15, 1947 నాడు స్వాతంత్ర్యం వస్తే తెలంగాణ మాత్రం సెప్టెంబర్ 17 1948 వరకు నిజాం నిరంకుశ , దుర్మార్గపు రజాకార్ పాలనలో మగ్గిందని ఎందరో తెలంగాణ సాయుధ పోరాటయోధులు నిజాం నిరంకుశత్వానికి వ్యతిరేకంగా పోరాడి ప్రాణాలర్పిస్తే, సర్దార్ వల్లభాయ్ పటేల్ సైనిక చర్య జరిపి నిజాం మెడలు వంచి ఈ తెలంగాణకు నిజాం నుండి విమోచనం జరిగి స్వాతంత్రం లభించిందని చెప్పారు. గత కేసిఆర్ ప్రభుత్వం ప్రస్తుత కాంగ్రెస్ ప్రభుత్వం ఎంఐఎం పార్టీకి వత్తాసు పలుకుతూ తెలంగాణ పౌరులు గత చరిత్ర మరిచిపోయేలా విమోచన దినోత్సవాన్ని తెలంగాణ విలీన దినోత్సవం అంటూ  ప్రచారం చేయడం సిగ్గు చేయడని విమర్శించారు.

సత్య ప్రకాష్ మాట్లాడుతూ యావత్ ప్రపంచం వివిధ రకాల పనిముట్లతో సరళీకృతమైన వృత్తి పనుల చేతనే అభివృద్ధి చెందు తున్నదని అనాది నుంచి విశ్వకర్మ భగవానుని కృపవల్లే ఇది సాధ్యం అయిందని ఆ భగవంతుని జన్మదినం కూడా ఈ రోజే కావడం జరిగిందని చెప్పారు.నరేంద్ర మోడీ ఈ దేశాన్ని విశ్వ గురు స్థానంలో నిలబెట్టడానికి రోజులో 18 గంటలు శ్రమిస్తున్న ప్రధాని అని నేడు యావత్ ప్రపంచం భారత్ నమ్మకమైనస్నేహం కోసం ఎదురుచూస్తుందని, రానున్న కొద్ది రోజుల్లో ప్రపంచంలోనే మూడవ ఆర్థిక స్థానం మనదేనని.. దానికోసం భారతీయులందరూ  వస్తువులు కొనేముందు స్వదేశీ వస్తువులకు మొదటి ప్రాముఖ్యత ఇవ్వాలని సూచించారు. మోదీ నిస్వార్ధమైన దేశభక్తుడని, కొనియాడారు. భారత్ లోని అన్ని రకాల ప్రజలకు న్యాయం చేకూరే లాగా అనేక రకాల సంక్షేమ పథకాలను అందిస్తున్నారని చెప్పారు. జీఎస్టీ ని తగ్గించి సాధారణ ప్రజలకు నిత్యవసర వస్తువులు చేరువయ్యాలా చేశారని చెప్పారు. హై స్పీడ్ వందే భారత్ రైళ్లను యావత్ దేశవ్యాప్తంగా ప్రవేశపెడుతున్నారు. ఇస్రో రంగానికి చేయూతనందిస్తూ ప్రపంచంలోనే ఏ దేశం సాధించినటువంటి అనేక అసాధ్యాలను సుసాధ్యం అయ్యేలా చేస్తున్నారు. సైనిక రంగంలో స్వదేశీ టెక్నాలజీకి గాని,యుద్ధ సామాగ్రికి పెద్ద పీట వేస్తున్నారు. తేజస్ లాంటి యుద్ధ విమానాలకు తయారు చేస్తూ ప్రపంచానికే ఎగుమతి చేస్తుండడానికి ప్రధాన కారణం మోడీ చాతూరేనని కొనియాడారు. ఈ కార్యక్రమంలో జిల్లా కౌన్సిల్ సభ్యులు బోగోజు శ్రీనివాస్, తోట మధుకర్,పట్టణ మరియు మండల నాయకులు మరియు వివిధ మోర్చా అధ్యక్షులు భారతీయ జనతా కార్యకర్త సోదర సోదరీమణులు పాల్గొని ఈ కార్యక్రమాన్ని విజయవంతం చేశారు.

మంథని: జాతీయ జెండాను ఎగరవేసిన కాంగ్రెస్ నాయకులు

ప్రజా పాలన దినోత్సవం సందర్భంగా జాతీయ జెండాను ఎగురవేసిన కాంగ్రెస్ పార్టీ నాయకులు. మంథని పట్టణంలోని పోలీస్ స్టేషన్ దగ్గరలో గల కాంగ్రెస్ పార్టీ జెండా గద్దె వద్ద జెండా ఎగరవేసి అనంతరం మంథని కాంగ్రెస్ పార్టీ మండల అధ్యక్షులు అయిలి ప్రసాద్ మాట్లాడుతూ..నిజాం హైదరాబాద్ కేంద్రంగా సంస్థానాన్ని ఏర్పాటు చేసుకొని పరిపాలన చేసేవాడు 1947లో భారతదేశానికి స్వాతంత్రం వచ్చిన తర్వాత కూడా నిజాం తెలంగాణ సంస్థానాన్ని ప్రత్యేక దేశంగా ప్రకటించుకొని నిరంకుశ పాలన కొనసాగిస్తున్నటువంటి సమయంలో ఆనాటి ప్రధాని పండిత్ జవహర్లాల్ నెహ్రూ ఆనాటి హోంమంత్రి సర్దార్ వల్లభాయ్ పటేల్ ని భారత సైన్యాన్ని హైదరాబాద్ కు పంపించి నిజాం సంస్థానాన్ని చుట్టుముట్టి నిజాం సంస్థానాన్ని భారతదేశంలో విలీనం చేసి నిజాం నిరంకుశ పాలనకు చర్మ గీతం పాడడం జరిగింది అని అన్నారు. నిజాం రజాకార్లు ఈ ప్రాంతంలో ఉన్నటువంటి ప్రజల పైన అనేక పన్నులు వేస్తూ వెట్టిచాకిరిని చేపించుకుంటూ దోపిడీలకు మరియు అనేక దాడులు చేస్తూ అఘాయిత్యాలకు, మానభంగాలకు పాల్పడుతూ చిన్నా పెద్ద ఆడ మగ తేడా లేకుండా ఈ ప్రాంతంలో నరమేధాన్ని సృష్టిస్తే, భూమికోసం భుక్తి కోసం వెట్టిచాకిరి విముక్తి కోసం తెలంగాణ సాయుధ రైతాంగ పోరాటంలో చాకలి ఐయిలమ్మ , దొడ్డి కొమురయ్య, రావి నారాయణరెడ్డి,మల్లు స్వరాజ్యం లాంటి ఎంతోమంది మహనీయులు నిజాం నిరంకుశ పాలనకు వ్యతిరేకంగా తమ ప్రాణాలను పణంగా పెట్టి నిజాం నిరంతత్వం పై పోరాటం చేయడం జరిగింది అని అన్నారు. మనలాంటివారు బహుజనులు ఎందరో పోరాటం చేసి చరిత్రలో నిలిచిన మన బహుజనుల పోరాట స్ఫూర్తిగానే ఏర్పడిందని అన్నారు.ఆ మహనీయుల త్యాగాల ఫలితమే నిజాం నిరంకుశ పాలన అంతమై ఈనాడు సెప్టెంబర్ 17 సందర్భంగా మహనీయులను గుర్తు చేసుకుంటూ ఆ మహనీయులకు జోహార్లు తెలియజేశారు.ఈ కార్యక్రమంలో వ్యవసాయ మార్కెట్ కమిటీ చైర్మన్ కుడుదుల వెంకన్న, పాక్స్ చైర్మన్ కొత్త శ్రీనివాస్, ప్రచార కమిటీ చైర్మన్ వోడ్నాల శ్రీనివాస్, విద్యుత్ నియంత్రణ మండలి సభ్యులు శశిభూషణ్ కాచే, ఆర్టీఏ మెంబర్ మంథని సురేష్, ఎస్సీ సెల్ డివిజన్ అధ్యక్షులు మంథని సత్యం, వర్కింగ్ ప్రెసిడెంట్ బూడిద శంకర్, జిల్లా కిసాన్ కాంగ్రెస్ అధ్యక్షులు ముసుకుల సురేందర్ రెడ్డి, మంథని పట్టణ అధ్యక్షులు పోలు శివ, మండల యూత్ కాంగ్రెస్ అధ్యక్షులు సాదుల శ్రీకాంత్, డైరెక్టర్ రావికంటి సతీష్, అంకుస్, బీసీ సెల్ మండల అధ్యక్షులు అయిలి శ్రీనివాస్, బీసీ సెల్ ఉపాధ్యక్షుడు పర్షవేణ మోహన్ యాదవ్, సీనియర్ కాంగ్రెస్ నాయకులు అజీమ్ ఖాన్, గోట్కారి కిషన్ జీ, అర్థం సదానందం, మాజీ మున్సిపల్ చైర్ పర్సన్ పెండ్రు రమాదేవి, మాజీ ఎంపీపీ కొండ శంకర్, మాజీ మండల యూత్ కాంగ్రెస్ అధ్యక్షులు ఎరుకల ప్రవీణ్, జిల్లా సోషల్ మీడియా ఇంచార్జీ ఆరెల్లి కిరణ్, ఆకుల శ్రీనివాస్, ఎల్లంకి వంశీ, లైసెట్టి రాజు, మాజీ కౌన్సిలరు నక్క నాగేంద్ర శంకర్, వీకే రవి, శ్రీపతి బానయ్య, కుర్ర లింగయ్య, మాజీ మార్కెట్ కమిటీ చైర్మన్ ఆకుల కిరణ్, మాదాసి పద్మ, దొరగొల్ల శ్రీనివాస్, రామ్ రాజశేఖర్, పాపారావు, పేరవేన లింగయ్య యాదవ్, మంథని సమ్మయ్య, అక్కపాక సదయ్య, మంథని శ్రీనివాస్, గొల్లపల్లి శ్రీనివాస్, ఐసాన్, సంపత్, కాజా, ఆరెల్లి వరుణ్, రంజిత్, ఎరుకల సురేష్ మరియు కాంగ్రెస్ పార్టీ అభిమానులు తదితరులు పాల్గొన్నారు.

పెద్దపల్లి: తెలంగాణ ప్రజాపాలన వేడుకల్లో ఎమ్మెల్యే

తెలంగాణ ప్రజాపాలన దినోత్సవం సందర్భంగా పెద్దపల్లి పట్టణ కేంద్రంలోని మున్సిపల్ కార్యాలయంలో పెద్దపల్లి శాసనసభ్యులు శ్రీ.చింతకుంట విజయరమణ రావు, మున్సిపల్ కమిషనర్ మరియు స్థానిక నాయకులతో కలిసి జాతీయ జెండా ఆవిష్కరించారు. 

ఈ కార్యక్రమంలో  పెద్దపల్లి మున్సిపల్ కమిషనర్ వెంకటేష్, పెద్దపల్లి మార్కెట్ చైర్మన్ ఈర్ల స్వరూప  మరియు మాజీ కౌన్సిలర్లు మరియు మాజీ ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు మరియు మున్సిపల్ సిబ్బంది తదితరులు పాల్గొన్నారు.

గోదావరిఖని: ఘనంగా ప్రజా పాలన దినోత్సవ వేడుకలు

కమిషనరేట్ కార్యాలయంలో జాతీయ జెండాను ఆవిష్కరించిన సిపి 

ప్రజాపాలన దినోత్సవ వేడుకలను రామగుండం పోలీస్ కమిషనరేట్ కార్యాలయములో ఈరోజు ఘనంగా నిర్వహించారు. ఈ సందర్భముగా రామగుండం పోలీస్ కమిషనర్ శ్రీ అంబర్ కిషోర్ ఝా గారు మొదట పోలీస్ గౌరవ వందనం స్వీకరించి పోలీస్ కమిషనరేట్ కార్యాలయం భవనం వద్ద జాతీయ జెండాను ఎగురవేశారు. అధికారులు , సిబ్బందితో జాతీయ గీతాన్ని, రాష్ట్ర గీతం జయజయహే తెలంగాణ గీతాన్ని ఆలపించారు. అనంతరం అధికారులకు, సిబ్బందికి పోలీస్ కమిషనర్ గారు ప్రజాపాలన దినోత్సవ వేడుకల శుభాకాంక్షలు తెలియజేసారు. దేశానికి స్వతంత్రం వచ్చిన తర్వాత తెలంగాణ కోసం పోరాడి సెప్టెంబర్ 17న ప్రజాపాలనలోకి వచ్చిన రోజు అని కావున తెలంగాణ ప్రజలకు ఎంతో ముఖ్యమైన రోజు అన్నారు. ప్రజల పై జరిపే  హింస పెరిగిపోవడం తో నిజాం పరిపాలనకు వ్యతిరేకంగా చాకలి ఐలమ్మ, కొమురం బీమ్ వంటి ఎంతోమంది పోరాటయోధులు  పోరాటాలు సాగించరని వీటన్నిటి దృష్టిలో ఉంచుకొని అప్పటి ప్రధాని నెహ్రు, ఉపప్రదాని హోంమంత్రి సర్దార్ వల్లభాయ్ పటేల్ ల చోరువతో జనరల్ చౌదరి అధ్వర్యంలో సైనిక చర్య జరిపి నిజాం ప్రాంతాన్ని భారత్ లో కలపడం జరిగిందని, ఇందులో సర్దార్ వల్లభాయ్ పటేల్ గారు ప్రముఖ పాత్ర పోషించారని అన్నారు. 

ఈకార్యక్రమంలో గోదావరిఖని ఏసీపీ ఎం. రమేష్, ట్రాఫిక్ ఏసీపీ శ్రీనివాస్, ఏఆర్ ఏసీపీ ప్రతాప్, ఏవో శ్రీనివాస్ , ఆర్ఐ వామన మూర్తి, శ్రీనివాస్, మల్లేశం , గోదావరిఖని వన్ టౌన్ ఇన్స్పెక్టర్ ఇంద్రసేనారెడ్డి, గోదావరిఖని టూ టౌన్ సిఐ ప్రసాద్ రావు, రామగుండం ట్రాఫిక్ ఇన్స్పెక్టర్ రాజేశ్వరరావు, వివిధ వింగ్స్ ఇన్స్పెక్టర్ లు ఎస్ఐ లు ఆర్ఎస్ఐ సీపీఓ సిబ్బంది, వివిధ వింగ్స్ సిబ్బంది, ఏఆర్, స్పెషల్ పార్టీ సిబ్బంది పాల్గొన్నారు

పెద్దపల్లి: పేదల సంక్షేమం, అభివృద్ధి ధ్యేయం

మాట్లాడుతున్న రాష్ట్ర మైనారిటీస్ ఫైనాన్స్ కార్పొరేషన్ చైర్మన్  మహమ్మద్ ఓబేదుల్లా కోత్వాల్ సాహెబ్

ఘనంగా తెలంగాణ ప్రజా పాలన దినోత్సవం

పేద ప్రజల సంక్షేమం, అభివృద్ధి ధ్యేయంగా రాష్ట్రంలో ప్రజాపాలన  కొనసాగుతుందని రాష్ట్ర మైనారిటీస్ ఫైనాన్స్ కార్పొరేషన్ చైర్మన్  మహమ్మద్ ఓబేదుల్లా కోత్వాల్ సాహెబ్ అన్నారు.   

సమీకృత జిల్లా కలెక్టరేట్ ప్రాంగణంలో నిర్వహించిన తెలంగాణ ప్రజా పాలన  దినోత్సవ వేడుకలలో  రాష్ట్ర మైనారిటీస్ ఫైనాన్స్ కార్పొరేషన్ చైర్మన్  మహమ్మద్ ఓబేదుల్లా కోత్వాల్ సాహెబ్ ముఖ్య అతిథిగా పాల్గోన్నారు. బుధవారం ఉదయం ముఖ్య అతిథి పోలీసు గౌరవ వందనం స్వీకరించి ,జాతీయ పతాకావిష్కరణ చేసారు.  అనంతరం ముఖ్య అతిథి  తన సందేశాన్ని తెలియజేసారు. 

 ప్రజా ప్రభుత్వం ఏర్పడే నాటికి రాష్ట్ర ఆర్థిక పరిస్థితి బాగా లేకపోయినప్పటికీ ప్రజలకు ఇచ్చిన హామీల మేరకు అభయహస్తం గ్యారెంటీ పథకాలను ఒక్కోకటిగా అమలు చేస్తున్నామని అన్నారు. మహిళలకు ఉచిత బస్సు ప్రయాణం, రైతు భరోసా, ఇందిరమ్మ ఇండ్ల,  500 రూపాయల గ్యాస్ సిలిండర్, 200 యూనిట్ల ఉచిత విద్యుత్ వంటి అనేక సంక్షేమ పథకాలను అమలు చేస్తున్నామని అన్నారు.

పేదల ఆత్మగౌరవానికి మరో ప్రతీక రేషన్ కార్డు లను అర్హులైన పేద కుటుంబాల అందరికీ పంపిణీ చేస్తున్నామని, మన జిల్లాలో నూతనంగా 12 వేల 168 కుటుంబాలకు రేషన్ కార్డ్ జారి చేశామని అన్నారు.  ప్రజా ప్రభుత్వం ఉగాది నుంచి సన్న బియ్యం పంపిణీని ప్రారంభించిందని అన్నారు. 

కాకతీయ కాలువ క్రింద ఉన్న   2 లక్షల 30 వేల ఆయకట్టు స్థిరీకరణ,10 వేల ఎకరాల కొత్త ఆయకట్టు సాగు నీరు అందించేందుకు శ్రీ లక్ష్మీ నరసింహస్వామి పత్తిపాక రిజర్వాయర్  ను 3 నుంచి 5 టిఎంసీల  సామర్థ్యంతో నిర్మాణానికి డిపిఆర్ తయారు కోసం కోటి 10 లక్షల రూపాయల మంజూరు చేసామని అన్నారు. 13 వేల 396 ఎకరాల ఆయకట్టు స్థిరీకరణ చేసే రామగుండం ఎత్తిపోతల పథకం పెండింగ్ పండ్లు యుద్ధ ప్రాతిపదికను పూర్తిచేసే నీటి పారుదల శాఖ మంత్రి చేతుల మీదుగా ప్రారంభించామని తెలిపారు. 

గోదావరిఖని జనరల్ ఆసుపత్రి 160 కోట్లతో నిర్మాణం జరుగుతుందని అన్నారు. జిల్లాలోని పట్టణ ప్రాంతాల్లో 173 కోట్లు ఖర్చు చేస్తూ సిసి రోడ్లు, సిసి డ్రైయిన్లు, బీ.టి రోడ్లు, స్మశాన వాటికలు ఇంటిగ్రేటెడ్ మార్కెట్, పురపాలక భవనం, డంప్ యార్డ్ వంటి పలు అభివృద్ధి పనులు చేపట్టామని అన్నారు. 

రాజీవ్ ఆరొగ్య శ్రీ  కవరేజిని   5 లక్షల నుంచి 10 లక్షలకు పెంచామని ,  23 కోట్ల 75 లక్షలతో గోదావరిఖని జనరల్ ఆసుపత్రి నందు 50 పడకల క్రిటికల్ కేర్ యూనిట్, 26 కోట్లతో, 51 కోట్లతో పెద్దపల్లిలో 100 పడకల ఆసుపత్రి, 22 కోట్లతో మంథని లో 50 పడకల ఆసుపత్రి నిర్మిస్తున్నామని అన్నారు. ఎస్సీ వర్గీకరణ, బీసి లకు 42 శాతం రిజర్వేషన్ తో సామాజిక తెలంగాణ సాధనకు కృషి చేస్తున్నామని తెలిపారు.   

ఈ కార్యక్రమంలో జిల్లా కలెక్టర్ కోయ శ్రీ హర్ష, పెద్దపల్లి ఎమ్మెల్యే చింతకుంట విజయ రమణా రావు, జిల్లా గ్రంథాలయ సంస్థ చైర్మన్ ఏ. అన్నయ్య గౌడ్, అదనపు కలెక్టర్లు జె .అరుణశ్రీ,  డి.వేణు,  డి.సి.పి. కరుణాకర్,  ఆర్.డి.ఓ.  బి.గంగయ్య,  కలెక్టరేట్ ఏ. ఓ. శ్రీనివాస్, జిల్లా అధికారులు, ప్రజా ప్రతినిధులు, సంబంధిత అధికారులు, తదితరులు పాల్గొన్నారు.

హైదరాబాద్: మరో పాస్ పోర్ట్ కేంద్రం అవసరం

రాయదుర్గ్ పాస్ పోర్ట్ సేవా కేంద్రం ప్రారంభోత్సవంలో మంత్రి శ్రీధర్ బాబు

హైదరాబాద్ లో కొత్తగా మరో పాస్‌పోర్ట్ సేవా కేంద్రాన్ని ఏర్పాటు చేసేలా కేంద్రం చొరవ చూపాలని రాష్ట్ర ఐటీ, పరిశ్రమల శాఖ మంత్రి దుద్దిళ్ల  శ్రీధర్ బాబు కోరారు. మంగళవారం రాయదుర్గ్ పాస్‌ పోర్ట్ సేవా కేంద్రాన్ని ఆయన లాంఛనంగా ప్రారంభించారు. నగరం నలువైపులా వేగంగా అభివృద్ధి చెందుతోందని, రోజురోజుకీ పెరుగుతున్న జనాభాకు మరింత మెరుగైన సేవలు అందాలంటే మరో పాస్‌పోర్ట్ సేవా కేంద్రం అవసరమని ఈ సందర్భంగా ఆయన వివరించారు. ఏటా దేశవ్యాప్తంగా సగటున కొత్త పాస్‌పోర్ట్ కోసం కోటి మందికి పైగా దరఖాస్తు చేసుకుంటున్నారని, ఇందులో తెలంగాణ వాటా సుమారు 11 లక్షల వరకు ఉంటుందన్నారు. గతంలో పాస్‌పోర్ట్ కోసం నెలల కొద్దీ నిరీక్షించాల్సి వచ్చేదని, ఇప్పుడా పరిస్థితి లేదన్నారు. పాస్‌పోర్ట్ వెరిఫికేషన్ ప్రక్రియను కేవలం మూడు రోజుల్లోనే పూర్తి చేస్తూ తెలంగాణ పోలీసులు దేశంలోని ఇతర రాష్ట్రాలకు ఆదర్శంగా నిలుస్తున్నారన్నారు. సాంకేతికతను ఉపయోగించుకుని పౌర సేవలను సమర్థవంతంగా, పారదర్శకంగా ప్రజల ముంగిటకే అందించేందుకు రాష్ట్ర ప్రభుత్వం కృషి చేస్తుందన్నారు. ఈ కొత్త పాస్ పోర్ట్ సేవా కేంద్రం నగర ప్రజలకు, ముఖ్యంగా ఐటీ ఉద్యోగులు, విద్యార్థులకు ఎంతో ప్రయోజనకరంగా ఉంటుందన్నారు. కార్యక్రమంలో ఎంపీ కొండా విశ్వేశ్వర్ రెడ్డి, ఎమ్మెల్సీ మహేందర్ రెడ్డి, ఎమ్మెల్యే అరికెపూడి గాంధీ, సికింద్రాబాద్ ఆర్పీవో  స్నేహజ తదితరులు పాల్గొన్నారు.

మంథని: అంబేద్కర్‌ విగ్రహావిష్కరణ చేసినందుకేనా ఇంటిపై దాడి

మాట్లాడుతున్న మంథని మున్సిపల్‌ మాజీ చైర్‌ పర్సన్‌ పుట్ట శైలజ

కమాన్‌పూర్‌ మండలం పెంచికల్‌పేట గ్రామంలో బారత రాజ్యాంగ నిర్మాత అంబేద్కర్‌ విగ్రహాన్ని ఆవిష్కరించడం మాజీ ఎమ్మెల్యే పుట్ట మధూకర్‌ చేసిన తప్పా అని మాజీ మున్సిపల్‌ చైర్మన్‌ పుట్ట శైలజ ప్రశ్నించారు. మంగళవారం మాజీ ఎమ్మెల్యే పుట్ట మధూకర్‌ ఇంటిపై కాంగ్రెస్‌ నాయకులు చేసిన దాడిని ఆమె తీవ్రంగా ఖండిస్తూ మీడియాతో మాట్లాడారు. నియోజకవర్గంలో మంథని ఎమ్మెల్యే కేవలం తన తండ్రి శ్రీపాదరావు విగ్రహాలు మాత్రమే పెట్టుకుంటామని, ఇంటింటికి తన తండ్రి విగ్రహాలు ఇస్తామంటామని ఇంకా ఎవరి విగ్రహాలు ఉండవద్దనే ఆలోచనతో తమ ఇంటిపై కార్యకర్తలను పురమాయించి దాడి చేయించాడని ఆమె ఆరోపించారు. అధికారంలోకి వచ్చిన రెండేళ్లు గడవక ముందే ఇంతలా దాడికి పాల్పడితే మరో రెండేళ్లు ఎలా గట్టెక్కుతుందని మనం చూడాల్సిన పరిస్థితులు ఇక్కడ నెలకొన్నాయని అన్నారు. ఏసీపీ, సీఐలు దగ్గరుండి మరీ దాడి చేయించారని, అంబేద్కర్‌ విగ్రహం అవిష్కరించి 24గంటలు గడువకముందే మాజీ ఎమ్మెల్యే పుట్ట మధూకర్‌ ఇంటిపై దాడికి దిగడం ఎంత అరాచకమో ప్రజలు ఆలోచన చేయాలన్నారు. తాము బ్రతికినా చచ్చినా ఇక్కడే ఉంటామని, శ్రీధర్‌బాబు చంపినా ఇక్కడే చచ్చిపోతామని, మంథని ప్రజలకు సేవ చేయడం కోసమే నిరంతరం బార్యాభర్తలం కృషి చేస్తామన్నారు. రైతులు ఒకవైపు యూరియా కోసం అల్లాడతుంటే వారి కష్టాలు తీర్చాల్సిన అధికార పార్టీ నాయకులు ఇలా దాడులకు దిగడం అమానుషమన్నారు. ఇప్పటి వరకు నియోజకవర్గంలో అనేక విగ్రహాలను ఆవిష్కరించామని, ఏ ఒక్క విగ్రహాన్ని శ్రీధర్‌బాబు ముట్టుకోడని, బహుజనులంటే ముట్టుడా అని ఆమె ప్రశ్నించారు. దాడులకు దిగడం కాదు దమ్ముంటే మేము పెట్టిన పీవీ, చాకలి ఐలమ్మ, జగ్జీవన్‌రాం, గుండా నాగరాజు విగ్రహాలకు పూలదండలు ఎమ్మెల్యేతో వేయించాలన్నారు. బహుజనులంతా అన్ని విగ్రహాలను ముట్టుకోవాలని పోరాటం చేయాలని ఆమె హితవు పలికారు. మా సారువాళ్ల నాన్నను అన్నాడు మేము ఊరుకోమని అంటున్న నాయకుల నాన్నను ఏమీ అనలేదు కదా అని ఆమె ప్రశ్నించారు. ప్రజలకు అచ్చిన 420 హమీలను అమలు చేయాలనే ఆలోచన చేయాలే తప్ప ఇలా మహనీయుల విగ్రహాలను ఆవిష్కరిస్తే దాడులకు పాల్పడటం సరికాదన్నారు. ఇలాంటి దాడులు పునరావృతం అయితే ప్రజలే మిమ్మల్ని తరిమికొడుతారని ఆమె ఈసందర్బంగా స్పష్టం చేశారు.

మంథని: మాజీ ఎమ్మెల్యే ఇల్లు ముట్టడి

మంథని నియోజకవర్గ కేంద్రంలోని మాజీ ఎమ్మెల్యే పుట్ట మధు ఇంటిని కాంగ్రెస్ పార్టీ నాయకులు, కార్యకర్తలు మంగళవారం

ముట్టడించారు. కమాన్పూర్ మండలంలోని పెంచికల్పేట్ గ్రామంలో అంబేద్కర్ విగ్రహ ఆవిష్కరణ అనంతరం పుట్ట మధు స్వర్గీయ శ్రీపాద రావుపై,  రాష్ట్ర ఐటీ శాఖ మంత్రి శ్రీధర్ బాబు పైన చేసిన వ్యాఖ్యలకు నిరసనగా పుట్ట మధు ఇంటి ఎదుట ధర్నా చేపట్టారు. అనంతరం అంబేద్కర్ చౌరస్తా వరకు పుట్ట మధుకు వ్యతిరేకంగా నినాదాలు చేసుకుంటూ అంబేద్కర్ విగ్రహానికి పాలాభిషేకం చేసి పూలమాలలు వేశారు. అలాగే శ్రీపాదరావు  విగ్రహానికి పాలాభిషేకం చేసి పూలమాలలు వేశారు. ఈ సందర్భంగా మంథని కాంగ్రెస్ పార్టీ మండల అధ్యక్షుడు అయిలి ప్రసాద్, శశిభూషణ్ కాచే, వ్యవసాయ మార్కెట్ కమిటీ చైర్మన్ కుడుదుల వెంకన్న, పాక్స్ చైర్మన్ కొత్త శ్రీనివాస్, మాజీ మండల యూత్ కాంగ్రెస్ అధ్యక్షులు ఎరుకల ప్రవీణ్, మాజీ ఎంపీపీ కొండ శంకర్, జిల్లా కాంగ్రెస్ పార్టీ సోషల్ మీడియా ఇంచార్జ్ ఆరెల్లి కిరణ్ మాట్లాడుతూ పుట్ట మధుకు రాజకీయ బిక్ష పెట్టిన శ్రీపాద రావు పై చేసిన వ్యాఖ్యలను ఖండించారు. శ్రీపాద రావు మంథని నియోజకవర్గ అభివృద్ధి కోసం ఉమ్మడి ఆంధ్రప్రదేశ్ శాసనసభ ప్రతినిధిగా ఆ పదవికి వన్నె తెచ్చి దేశంలోనే ఒక గొప్ప స్పీకర్ గా వారు పేర్కొన్నారు. మంథని నియోజకవర్గ ప్రజలు శ్రీపాద రావు ని మూడుసార్లు, శ్రీధర్ బాబు ని ఐదు సార్లు ఈ ప్రాంత ప్రజలు గెలిపించారు. దుద్దిల్ల శ్రీధర్ బాబు నిత్యం ప్రజల్లో ఉంటూ ఈ ప్రాంతంలో ఉన్న ప్రజా సమస్యలు పరిష్కరిస్తూ అంబేద్కర్ అందించిన రాజ్యాంగం ద్వారా ఈ ప్రాంతంలో ఉన్నటువంటి బడుగు బలహీనవర్గాల అభ్యున్నతి కోసం వారందరినీ సమానంగా చూస్తూ ఈ ప్రాంత అభివృద్ధి కోసం దళిత బహుజనుల అభివృద్ధి కోసం కృషి చేస్తున్నారు అని తెలిపారు. రాబోయే రోజులలో ఈ ప్రాంతంలో ఉన్న శ్రీపాద రావు విగ్రహాలు కూలుస్తామని మాట్లాడడం సిగ్గుచేటని అన్నారు. గతంలో కవిత ఎమ్మెల్యే టికెట్ ఇప్పిచ్చినప్పుడు వారిని తన సొంత అక్క అని అన్న మధు, బహిష్కరించిన తరువాత ఆమెపై విమర్శలు చేసి,  కపట బుద్ధి ప్రజలందరికీ తెలిసిందని అన్నారు. లాయర్ వామనరావు దంపతుల హత్య కేసులో సిబిఐ కి విచారణలో భాగోతం బయటపడుతుందని భయంతో నోటికి వచ్చినట్టు మాట్లాడతున్నావని సిబిఐ త్వరలోనే విచారణ జరిపి నిన్ను కటకటాలకు పంపిస్తుందని ఈ సందర్భంగా వారు తెలిపారు. ఇంకోసారి శ్రీపాద రావు పైన, శ్రీధర్ బాబు పైన, శ్రీను బాబు  పైన అనుచిత వాక్యాలు చేస్తే కోరుకునేది లేదని అని హెచ్చరించారు. ఈ కార్యక్రమంలో ప్రజాప్రతినిధులు, సీనియర్ కాంగ్రెస్ నాయకులు, మాజీ ప్రజాప్రతినిధులు, యూత్ కాంగ్రెస్ నాయకులు, అనుబంధ సంఘాల నాయకులు, అన్ని విభాగాల నాయకులు, కాంగ్రెస్ పార్టీ అభిమానులు పాల్గొన్నారు.

గోదావరిఖని: భార్యను చంపిన భర్త అరెస్ట్

పెద్దపల్లి జిల్లా రామగిరి మండలం పన్నూర్ గ్రామ పంచాయతీ పరిది వకీల్పల్లి ప్లాట్స్ లో ఆదివారం పూసల రమాదేవి @ ప్రశాంతి హత్య కేసు లో నిందితుని అరెస్ట్ వివరాలు పెద్దపెల్లి డిసిపీ పి. కరుణాకర్ గోదావరిఖని ఏసిపి ఎం రమేష్ లు వెల్లడించడం జరిగింది.

*మృతురాలి వివరాలు*

మేడి రమాదేవి @ పూసల ప్రశాంతి W/o ప్రభాకర్ కృపాకర్, 38yrs, SC- నేతకానీ R/o. సున్నాంబట్టి వాడ మంచిర్యాల, ప్రస్తుతం వకీలపల్లి ప్లాట్స్ ho పన్నూరు v/o రామగిరి.

*నిందితుల వివరాలు*

*పూసల కృపాకర్ @ ప్రభాకర్ S/o. రంగయ్య 45yrs, గోలుస్మిత్ R/o. కిష్టంపూర్ v/o జైపూర్ (m) చిర్యాల జిల్లా ప్రస్తుతం వకీలపల్లి ప్లాట్స్ h/o పన్నూరు v/o రామగిరి.*

*స్వాధీనం చేసుకొన్న వాటి వివరాలు:*

1)హీరో హోండా CD 100 SS బైక్ నెంబర్: AP 15, 2008

2) హత్యకు ఉపయోగించిన కత్తి

తేదీ 14-09-2025 రోజున మేడి కమల W/o. Late రమేష్, 58yrs SC- నేతకానీ R/o సున్నాంబట్టి ఫిర్యాదు మేరకు U/S: 103(1), 85 BNS, Sec. 3(2)(V) of SC/STS (POA) Amendment Act-2015, జరిగింది. పెద్దపెల్లి డిసిపి కరుణాకర్ ఆదేశాల మేరకు గోదావరిఖని ఏసీపీ ఎం. రమేష్ పరిశోధన అధికారి ఆధ్వర్యంలో రామగిరి ఎస్ ఐలు శ్రీనివాస్, దివ్యలు ప్రత్యేక టీములుగా ఏర్పడి సాంకేతిక పరిజ్ఞానాన్ని నమ్మదగిన సమాచారం ఆధారంగా నిందితున్ని 0CP-2 కమాన్ ఏరియా లద్నపూర్ వద్ద పెట్టుకోవడం జరిగింది అని వెంటనే అదుపులోకి తీసుకొని పోలీస్ స్టేషన్ తరలించి అరెస్ట్ చేస్ ఈరోజు రిమాండ్ చేస్తున్నట్లు డీసీపీ గారు తెలిపారు.  హత్య కేసులో మిగిలిన అత్తమామలను త్వరలో అరెస్టు చేయడం జరుగుతుంది.

వివరాల్లోకి వెళితే..

మంచిర్యాల జిల్లా రెడ్డికాలనీకి చెందిన రమాదేవి @ ప్రశాంతిని పన్నూర్ గ్రామపంచాయతీ పరిధిలోని వకీల్పల్లి ప్లాట్స్ కాలనీలో నివాసం ఉండే పూసల కృపాకర్ సుమారు 13 ఏళ్ల క్రితం ప్రేమ వివాహం చేసుకున్నాడు. వీరికి ఒక కుమారుడు జాన్సన్, కుమార్తెలు జోషిత(9) జ్యోత్స ఉన్నారు.. ఏడాదిగా వీరి మధ్య కుటుంబ కలహాలు జరుగుతున్నాయి. అప్పటినుంచి భార్యాభర్తలు వేర్వేరుగా ఉంటున్నారు. రమాదేవి ఆదివారం కృపాకర్ ఇంటికి చేరుకుంది ఈ క్రమం లో ఇద్దరి మధ్య వాగ్వాదం జరిగింది. ప్రతి రోజు వారి దాంపత్య వివాదాల కారణంగా కృపాకర్ మృతురాలిని చంపాలని నిర్ణహించుకొని అప్పుడు మాత్రమే తన సమస్య పరిష్కారం అవుతుంది రమాదేవి చంపాలనే ఉద్దేశ్యంతో తన ఇంట్లో ని కత్తిని తీసుకొని ఆమె తల, మెడ, తుంటి, కడుపుపై విచక్షణారహితంగా పొడిచాడు. దానితో మృతురాలి తల, మెడ, కడుపుపై తీవ్ర రక్త స్రావం జరిగి రక్తపు మడుగులో నేలపై పడి అక్కడికక్కడే మరణించింది. హత్య కు సంబందించిన సమాచారంతో వెంటనే సంఘటనా స్థలానికి గోదావరిఖని ఏసిపీ రమేశ్ సంఘటనా స్థలాన్ని పరిశీలించి నేరంకు సంబందించిన సాక్ష్యాలు, ఆధారాలు, కారణాల సమాచారం సేకరించడం జరిగింది అని ఈరోజు నిందితులను పట్టుకొని అరెస్ట్ చేయడం కూడా జరిగిందని డీసీపీ గారు తెలిపారు.

కరీంనగర్: రిటైర్డ్ చీఫ్ ఇంజినీరుకు సన్మానం

ఇంజినీర్స్ డే సందర్భంగా రిటైర్డ్ ఇరిగేషన్ చీఫ్ ఇంజనీర్ కొంతం కృష్ణమూర్తి దంపతులను సోమవారం సన్మానించారు. ఆవోపా, కరీంనగర్ ఆధ్వర్యంలో నిర్వహించిన ప్రత్యేక  కార్యక్రమంలో జ్ఞాపికతో పాటు శాలువాతో సత్కరించారు.

పెద్దపల్లి: భూగర్భ జలాల వృధా నియంత్రణకు చర్యలు

భూగర్భ జలాల కోఆర్డినేషన్ కమిటీ సమావేశంలో పాల్గొన్న  జిల్లా కలెక్టర్

పెద్దపల్లి జిల్లాలో భూగర్భ జలాల నియంత్రణకు పటిష్ట చర్యలు తీసుకోవాలని జిల్లా కలెక్టర్  కోయ శ్రీ హర్ష సూచించారు. సోమవారం సమీకృత జిల్లా కలెక్టరేట్ లో నిర్వహించిన జిల్లా భూగర్భ జలాల కోఆర్డినేషన్ కమిటీ సమావేశంలో జిల్లా కలెక్టర్  పాల్గొనీ మాట్లాడారు.  జిల్లాలో అధికంగా భూగర్భ జలాలను వాడుతున్న గ్రామాలలో తీసుకోవాల్సిన జాగ్రత్తల గురించి విస్తృత ప్రచారం చేయాలని కలెక్టర్ సూచించారు. జిల్లాలో ఉన్న అన్ని పరిశ్రమలు విధిగా భూగర్భ జల శాఖ నుంచి అనుమతి పొందేలా చూడాలని అన్నారు. అనంతరం భూగర్భ జల అధికారి భూగర్భ జల అంచనాలను, జి.ఓ.15 ను కలెక్టర్, కమిటీ సభ్యులకు వివరించారు.

ఈ సమావేశంలో  భూగర్భ శాఖ జిల్లా అధికారి లావణ్య,   గ్రామీణ అభివృద్ధి జిల్లా అధికారి ఎం.కాళిందిని,  డీఈవో

మాధవి, సంబంధిత అధికారులు పాల్గొన్నారు.

మంథని: పాత్రికేయునికి విశ్వ విభూషన్ జాతీయ పురస్కారం

శ్రీ విరాట్ విశ్వకర్మ విజ్ఞాన ఆధ్యాత్మిక ధార్మిక కళాపరిషత్ సాహితి సాంస్కృతిక సామాజిక సేవా సంస్థ శ్రీ విరాట్ విశ్వకర్మ యజ్ఞ మహోత్సవం 2025 విశ్వకర్మ జాతీయ పురస్కారాల సందర్భంగా వివిధ రంగాల్లో విశిష్టమైన కృషి చేసినందుకు.. తెలుగు వెలుగు సాహితీ వేదిక వ్యవస్థాపక అధ్యక్షులు బ్రహ్మశ్రీ పోలోజు రాజ్ కుమార్ ఆధ్వర్యంలో ఈ నెల 14న సిద్దిపేట జిల్లా హుస్నాబాద్ శ్రీ రాజ్యలక్ష్మి కన్వెన్షన్ హాల్లో జరిగిన పురస్కారాల ప్రధానోత్సవం సందర్భంగా పెద్దపల్లి జిల్లా మంథని మండలం మల్లారం గ్రామానికి చెందిన కాశీపేట శ్రీకాంత్ పత్రిక మరియు సామాజిక సేవా రంగంలో విశిస్టమైన కృషి చేసినందుకు అభినందిస్తూ బతుకమ్మ తల్లి గ్రంథకర్త, సహస్ర మహోత్సవ సామ్రాట్, ప్రపంచ ప్రఖ్యాత గిన్నిస్ వరల్డ్ రికార్డ్స్ గ్రహీత, విశ్వ కళావిరాట్ డాక్టర్ శాంతి కృష్ణ చేతుల మీదుగా విశ్వ విభూషన్ జాతీయ పురస్కారం అందుకున్నారు. కార్యక్రమానికి ముఖ్యఅతిథిగా వీర ధర్మేంద్రస్వామి విచ్చేశారు. అన్ని రంగాలకు చెందిన వారు 200 పైగా పురస్కారాలు అందుకున్నారు. ఈ కార్యక్రమంలో విశిష్ట అతిథులుగా సిద్ధిపేట జిల్లా గ్రంథాలయ చైర్మన్ కేడెం లింగమూర్తి, డాక్టర్ అప్పినపెళ్లి భాస్కరాచార్యులు, డాక్టర్ వలబోజు మోహన్ రావు, అద్దంకి కృష్ణమాచార్యులు, హాస్యనటులు ఆర్ఎస్ నంద, సమాజ సేవకురాలు డాక్టర్ ప్రశాంతి తదితరులు పాల్గొన్నారు.