దిక్సూచి, కరీంనగర్, జూలై 2:
తెలంగాణ ప్రదేశ్ కాంగ్రెస్ కమిటీ (టీపీసీసీ) అధ్యక్షులు, ఎమ్మెల్సీ బి. మహేష్ కుమార్ గౌడ్ శుక్రవారం (జూలై 3) కరీంనగర్ జిల్లాలో పర్యటించనున్నారు. ఈ పర్యటనలో భాగంగా ఆయన ఉదయం 8:00 గంటలకు హైదరాబాద్ నుంచి బయలుదేరి, 11:00 గంటలకు కరీంనగర్ చేరుకుంటారు. అనంతరం జగిత్యాల రోడ్డులోని రాజశ్రీ కన్వెన్షన్‌లో నిర్వహించే కార్యక్రమంలో పాల్గొంటారు. ఆ తర్వాత మధ్యాహ్నం 12:30 గంటలకు కరీంనగర్ నుంచి బయలుదేరి, 1:30 గంటలకు ధర్మపురి చేరుకుని ప్రసిద్ధ శ్రీ లక్ష్మీ నరసింహ స్వామి వారిని దర్శించుకుంటారు. ప్రత్యేక పూజల్లో పాల్గొన్న అనంతరం సాయంత్రం 5:00 గంటలకు ధర్మపురి నుంచి హైదరాబాద్‌కు తిరుగు ప్రయాణం కానున్నారు. ఈ సందర్భంగా కాంగ్రెస్ పార్టీ నాయకులు, కార్యకర్తలు పెద్ద సంఖ్యలో హాజరుకావాలని పార్టీ వర్గాలు కోరాయి.
కామెంట్‌లు లేవు:
కామెంట్‌ను పోస్ట్ చేయండి